9 Naduax tsaiwiakakĩ ana dikananadiwuba. Naduxu Diospa atu paxkanawadi na baitiu adu. Naskake na pexe ichapa awẽ ade Babel, wadiwu.
Na pexe ichapa atũ ade Babel Érec Acad Calné atũ bai awẽ ade Sinar idi. Na pexe ichapa Nimrod atũ diaiwukui idi.
Campa awẽ kaiwuu uduax ichapanawãwu kaĩpakedakawu. Na baitiu awẽ kaiwuuya atũ bai aduax atũ tsaima ipaudiwu.
Jafet awẽ kaiwuu uduax ichapanawã kaĩpakedakawu enewa ketukunu ipaudiwu. Naduax atũ bai aduax atũ tsai wistichi tsaipaudiwu.
Naskadu Éber wake raweya idi. Naskaxu wetsa adedi Péleg. Péleg iyuatiã baitiixu paxkanadiwu taediwu. Awẽ extu awẽ ade Joctán.
