8 Naduxu Diospa atu paxkanawadi bai aduxu. Nadu atũ yudu adaitidi.
Bitsisipakuixu na yurawawe atiruwuba keskara wadi. Wetsawawe shinakadi: ‘Nu tsua keskaraba’, raitiruwu. Diospa naawu atu ichũkĩ atu paxkanawadi.
Nawu Noépa awẽ kaiwuu uduax ichapanawã kaĩpakedakawu. Naskax baiwutii ichapa kaĩdiwu. Nawu bai wetsawuya idiwu. Enewa daxadu chipu paxkadiwu. Naskax baiwutii paxkakadax yura wetsa keskara idiwu.
Naskadu Éber wake raweya idi. Naskaxu wetsa adedi Péleg. Péleg iyuatiã baitiixu paxkanadiwu taediwu. Awẽ extu awẽ ade Joctán.
Naduax tsaiwiakakĩ ana dikananadiwuba. Naduxu Diospa atu paxkanawadi na baitiu adu. Naskake na pexe ichapa awẽ ade Babel, wadiwu.
Chipu yuinadiwu: “Pexe keya basua nu wanu. Dai ari dukua inu. Naskawaitu naatiiwixu duku dikanuwu. Nu paxkayabanu baitiixu”, idiwu.
Ma sidabis. Ma chakakuiwu. Ma tsua ubisbabisba. Naskake ẽ batu paxkanawai Israelpa awẽ bai aduxu.
Jafet awẽ kaiwuu uduax ichapanawã kaĩpakedakawu enewa ketukunu ipaudiwu. Naduax atũ bai aduax atũ tsai wistichi tsaipaudiwu.
