8 ʼInega Filifi vonaya, “Kaiwabu, Tamau nana una veʼitema ta matamega ana ʼitea, ʼinega benaʼe taʼiwa ta ge wese taha tolaʼai weaqina ana vetalaʼaieu.”
“Egu vona diavona baʼena vona sesebai ʼinega yavonayedi ʼimia, ta nawale taha tuta ʼinaya vona tunutunuqina ʼinega ena vonemi Tamagu weaqina.
Aiqabu giwalidi vunavunaqidi ina qaiawa, mana nawale Yaubada ina ʼitea.
ʼInega Nataniela Ieisu vetalaʼaiea vonaya, “Maʼoda ualamani ʼaiqegu?” ʼInega Ieisu veʼiea vonaya, “ʼAbiboda be Filifi nagabeu, ta yaʼa yamaduʼiteu tuta nana ʼalaʼai ʼayanaya utoatoa.”
