Ta Ieisu vetoveguba Yaubada ena vona fofofola waiwaina ʼinega, vonaya, “Yaʼa Kaiwabu Yaubada vona fofofola waiwaina yahaʼuya, ‘Oʼa tuta vataya ana toveguba.’ Ta baʼe vona nana weaqina ge wese egu nuanua ena veaʼugivilei.”
Vonahaqiaqi, tuta nana Ieisu ʼaliga ʼetoluaia, ʼinega kaleko nana eabu magilafuyea. E omoʼe ʼinega Ieisu niʼau lugu weaqida ta vetoveguba kavona Toveguba edi Tovanugweta. Ta Ieisu tauna tuta vataya ana Toveguba Qiduana, ʼidewani Melikisedeki.
Yaubada ena luvine ana avutugu me Isileli neidi toveguba edi viaqa ʼinega. Ta tomotau ge adi fata ina vetunutunuqa Yaubada matanaya toveguba dina edi viaqa ʼidiega, e ʼinega Yaubada taha wese toveguba vetunei mai Melikisedeki ʼidewani, ta toveguba nana ge Libai nage Eloni edi gadeyega.
