San Mateo 8:7 - Alacatlatzala Mixtec New Testament

⁷ Ta ni̱ka̱ꞌa̱n ta̱Jesús xíꞌin ra: ―Ko̱ꞌo̱n i̱ xíꞌin ún veꞌe ún ña sandaꞌa i̱ ra.

San Mateo 8:7 交叉引用

San Lucas 7:6

Ta saá ke̱e ta̱Jesús kua̱ꞌa̱n ra xíꞌin na. Ta xa yatin xaa̱ na veꞌe no̱o̱ kándúꞌu̱ ta̱ ndeé ndóꞌo, ta ta̱ ndíso chiño xíꞌin natropa ti̱ꞌví ra sava natáꞌan ra kua̱ꞌa̱n na ka̱ꞌa̱n na xíꞌin ta̱Jesús siꞌa: ―Tata, siꞌa káchí ta̱táꞌan ndi̱, ta̱ ndíso chiño no̱o̱ natropa ñoo Roma: O̱n váꞌa sandiꞌi ka̱ ini ún ña kixi ún veꞌe ra. Saá chi xáni si̱ni̱ ra yóꞌó kúu ta̱ káꞌno ní no̱o̱ ra, ta ta̱ ni̱no̱ ní kúu ra no̱o̱ ún. Ña̱kán o̱n váꞌa ki̱ꞌvi ún ini veꞌe ra,

San Mateo 8:6

káchí ra saá xíꞌin ra: ―Tata, yóo ñii ta̱a ta̱ kísa chiño no̱o̱ i̱, ta ndeé ní ndóꞌo ra, kándúꞌu̱ ra veꞌe i̱, o̱n ki̱ví kanda ra, ta xóꞌvi̱ ní ra.

San Mateo 8:8

Ta nda̱kuii̱n ta̱ ndíso chiño xíꞌin natropa, káchí ra saá: ―Tata, yóꞌó kúu ta̱ káꞌno ní no̱o̱ i̱, ta yi̱ꞌi̱ kúu ta̱ ni̱no̱ ní no̱o̱ ún, ña̱kán o̱n vása va̱ꞌa ko̱ꞌo̱n ún veꞌe i̱. Chi kómí ún nda̱yí ña kuiti kaꞌnda chiño ún no̱o̱ kue̱ꞌe̱, ta nduva̱ꞌa ta̱ kísa chiño no̱o̱ i̱.