15 Tá o̱n kasa káꞌno ini ndó xa̱ꞌa̱ kua̱chi ni̱vi, ta saá Yivá yó Ndios o̱n kasa káꞌno ini ra xa̱ꞌa̱ kua̱chi ndó ―káchí ta̱Jesús.
Ta tuku káchí ta̱Jesús saá: ―Nda̱tán ke̱ꞌé ta̱rey yóꞌo, ñii ki̱ꞌva saá keꞌé Yivá i̱ Ndios xíꞌin ndó, tá o̱n xi̱in ndó kasa káꞌno ndinoꞌo ini ndó xa̱ꞌa̱ natáꞌan ndó.
’Tá kúndáꞌví ini ndó xíni ndó inka̱ ni̱vi, ta xa̱ꞌa̱ ñayóꞌo nákaa̱ ñasi̱i̱ níma̱ ndó, chi Ndios kundáꞌví ini ra koni ra ndóꞌó.
Ta káchí ka̱ ra saá xíꞌin na: ―Tá kasa káꞌno ini ndó xa̱ꞌa̱ ni̱vi na kéꞌé ñandiva̱ꞌa xíꞌin ndó, ta saá Yivá yó Ndios, ta̱ yóo ñoyívi ni̱no, kasa káꞌno ini ra xa̱ꞌa̱ ndó.
Tá o̱n xi̱in ndó kasa káꞌno ini ndó xa̱ꞌa̱ inka̱ ni̱vi, ta saá Yivá yó Ndios, ta̱ yóo ñoyívi ni̱no, o̱n kasa káꞌno ini ra xa̱ꞌa̱ kua̱chi ndó ―káchí ta̱Jesús xíꞌin na.
