San Mateo 22:33 - Alacatlatzala Mixtec New Testament

³³ Ta xi̱ni̱ so̱ꞌo ni̱vi ña ni̱ka̱ꞌa̱n ra xíꞌin nasaduceo, ta na̱kaꞌnda ní ini na.

San Mateo 22:33 交叉引用

San Juan 7:46

Ta nda̱kuii̱n napolicía ni̱ka̱ꞌa̱n na: ―Nda̱ ñii yichi̱ o̱n ta̱ꞌán koni̱ so̱ꞌo ndi̱ ñii ta̱a káꞌa̱n ra to̱ꞌon nda̱tán káꞌa̱n ta̱yóꞌo ―káchí na.

San Lucas 4:22

Ta ndiꞌi ni̱vi va̱ꞌa ní káꞌa̱n na xa̱ꞌa̱ ra. Ta na̱kaꞌnda ini na ndóo na, chi va̱ꞌa ní káꞌa̱n ra. Ta ni̱nda̱ka̱ to̱ꞌon táꞌan na: ―¿Án o̱n si̱ví sa̱ꞌya ta̱José kúu ta̱yóꞌo? ¡Nda̱chun va̱ꞌa ní xíni̱ ra! ―káchí na.

San Lucas 2:47

Ta ndiꞌi nayóꞌo na̱kaꞌnda ini na xíni̱ so̱ꞌo na ña káꞌa̱n ta̱Jesús chi va̱ꞌa ní si̱ni̱ ra, ta ndíchí ní to̱ꞌon nda̱kuii̱n ra.

San Marcos 12:17

Ta ni̱ka̱ꞌa̱n ta̱Jesús xíꞌin na: ―Taxi ndó ndaꞌa̱ ta̱rey César ña kúu kuenda ra, ta taxi ndó ndaꞌa̱ Ndios ña kúu kuenda Ndios ―káchí ta̱Jesús xíꞌin na. Ta na̱kaꞌnda ní ini na chi va̱ꞌa ní ni̱ka̱ꞌa̱n ra.

San Marcos 6:2

Tá ki̱xaa̱ ki̱vi̱ yi̱i̱ ña nákindée najudío, saá ki̱xáꞌá ra sánáꞌa ra ni̱vi veꞌe ño̱ꞌo sinagoga, ta kua̱ꞌa̱ ní na xi̱ni̱ so̱ꞌo ña ni̱ka̱ꞌa̱n ra, na̱kaꞌnda ní ini na, ta káchí na saá: ―¿Míkía̱ sa̱kuáꞌá ta̱yóꞌo ndiꞌi ñayóꞌo? ¿Mí ki̱xi ña ndíchí ní ra, ta míkía̱ ke̱e ndee̱ ña kéꞌé ra milagro xíꞌin ni̱vi?

San Mateo 22:22

Ta xi̱ni̱ so̱ꞌo na ña ni̱ka̱ꞌa̱n ra xíꞌin na, ta na̱kaꞌnda ní ini na. Ta saá sa̱ndakoo na ra, ta ke̱e na kua̱ꞌa̱n na.