San Marcos 15:34 - Alacatlatzala Mixtec New Testament

³⁴ Ta ka̱a u̱ni̱ kúu ña, ta saá ndeé va̱ꞌa ni̱ka̱ꞌa̱n ta̱Jesús, káchí ra saá: ―Eloi, Eloi, ¿lama sabactani? ―káchí ta̱Jesús. To̱ꞌon yóꞌo káchí ña saá: Tata Yivá mi̱i i̱, Tata Yivá mi̱i i̱, ¿nda̱chun sa̱ndakoo ún yi̱ꞌi̱?, káchí ña.

San Marcos 15:34 交叉引用

San Mateo 27:46

Ta ka̱a u̱ni̱ kúu ña, ta saá ndeé va̱ꞌa ni̱ka̱ꞌa̱n ta̱Jesús, káchí ra saá: ―Elí, Elí, ¿lama sabactani? ―káchí ta̱Jesús. To̱ꞌon yóꞌo káchí ña saá: Tata Yivá mi̱i i̱, Tata Yivá mi̱i i̱, ¿nda̱chun sa̱ndakoo ún yi̱ꞌi̱?, káchí ña.

Hebreos 5:7

Táꞌan ni̱xika Jesucristo ñoyívi yóꞌo, ta xíꞌin ndiꞌi ndee̱ níma̱ ra ni̱ka̱ꞌa̱n ra xíꞌin Ndios, ta kua̱ꞌa̱ ní tánduta̱ ke̱e nduchu̱ no̱o̱ ra xíꞌin ña xáku ra, ta xíꞌin to̱ꞌon ra xáku ndáꞌví ra no̱o̱ Ndios, ta̱a ta̱ kúchiño saka̱ku ñaꞌá xa̱ꞌa̱ ña o̱n kivi̱ ra. Ta Ndios xi̱ni̱ so̱ꞌo ra ña ni̱ka̱ꞌa̱n Jesucristo xíꞌin ra, chi Jesucristo ki̱sa ni̱no̱ xíꞌin mi̱i ra ta ki̱sa ndivi ra ndiꞌi ña ni̱ka̱ꞌa̱n Ndios xíꞌin ra.

Hechos 10:3

Ta saá ñii ki̱vi̱ xa xikuaa ta ka̱a u̱ni̱ kúu ña, ta ñii ñaángel ña ki̱xi no̱o̱ Ndios ni̱ti̱vi ña no̱o̱ ra, ta xi̱ni ra ña ni̱ki̱ꞌvi ña ini cuarto no̱o̱ yóo ra, ta ni̱ka̱ꞌa̱n ña xíꞌin ra, káchí ña saá: ―¡Tata Cornelio! ―káchí ña xíꞌin ra.

San Lucas 23:46

Ta saá ta̱Jesús xíꞌin ndiꞌi ndee̱ ra ni̱ka̱ꞌa̱n ra xíꞌin Ndios: ―Tata Yivá i̱, ndaꞌa̱ mi̱i ún táxi i̱ níma̱ i̱. Ta ndi̱ꞌi ni̱ka̱ꞌa̱n ra saá, ta ni̱xiꞌi̱ ra.

San Lucas 23:44

Ta ni̱to̱nda̱a ka̱a u̱xu̱ o̱vi̱ ma̱ꞌñó ndiví, ta ki̱xáꞌá kúnaa ndiꞌi ñoyívi a̱nda̱ ka̱a u̱ni̱ xikuaa.

San Mateo 27:45

Ta ni̱to̱nda̱a ka̱a u̱xu̱ o̱vi̱ ma̱ꞌñó ndiví, ta ki̱xáꞌá kúnaa ndiꞌi ñoyívi a̱nda̱ ka̱a u̱ni̱ xikuaa.

San Marcos 15:25

Ni̱to̱nda̱a ka̱a i̱i̱n xita̱a̱n, ta ka̱takaa̱ ndaa na ra ndaꞌa̱ tón cruz.

San Marcos 15:35

Ta sava ni̱vi na yíta yatin yóꞌo, xi̱ni̱ so̱ꞌo na ña ni̱ka̱ꞌa̱n ra, ta káchí na saá: ―Koni̱ so̱ꞌo ndó, ta̱yóꞌo kána ra ta̱profeta Elías ña chindeé ñaꞌá ra ―káchí na.