San Marcos 14:29 - Alacatlatzala Mixtec New Testament

²⁹ Ta ta̱Pedro ni̱ka̱ꞌa̱n ra xíꞌin ta̱Jesús: ―Tata, tá ndiꞌi ni̱vi sandakoo na yóꞌó, ta yi̱ꞌi̱ o̱n sandakoo i̱ yóꞌó.

San Marcos 14:29 交叉引用

San Juan 21:15

Tá ndi̱ꞌi xi̱xi na, ta ta̱Jesús ni̱nda̱ka̱ to̱ꞌon ra ta̱Simón Pedro, káchí ra saá: ―Yóꞌó ta̱Simón, sa̱ꞌya ta̱Jonás, ¿án kíꞌvi ka̱ ini ún xíni ún yi̱ꞌi̱ no̱o̱ ña kíꞌvi ini nayóꞌo xíni na yi̱ꞌi̱? ―káchí ra. Ta nda̱kuii̱n ta̱Simón Pedro, káchí ra saá: ―Oon, Tata, Ta̱a ta̱Káꞌno no̱o̱ i̱ kúu ún, xíni̱ ún ndí kíꞌvi ini i̱ xíni i̱ yóꞌó ―káchí ra xíꞌin ta̱Jesús. Ta nda̱kuii̱n ta̱Jesús, ni̱ka̱ꞌa̱n ra xíꞌin ra: ―Taxi ún ñava̱ꞌa ña xíni̱ ñóꞌó ña kixáꞌan tíndikachi válí sa̱na̱ i̱ ―káchí ra xíꞌin ta̱Simón Pedro.

San Marcos 14:28

Ta ki̱vi̱ nataku̱ i̱, ko̱ꞌo̱n siꞌna i̱ ña kundati i̱ ndóꞌó ñoo estado Galilea ―káchí ta̱Jesús xíꞌin na.

San Marcos 14:30

Ta ni̱ka̱ꞌa̱n ta̱Jesús xíꞌin ra: ―Ndixa káꞌa̱n i̱ xíꞌin ún, ta̱ꞌán ka̱ kana nduxú chée o̱vi̱ yichi̱ ñoó vitin, ta xa u̱ni̱ yichi̱ ni̱ka̱ꞌa̱n ún xíꞌin ni̱vi ña o̱n vása xíni̱ ún yi̱ꞌi̱ ―káchí ta̱Jesús xíꞌin ra.