San Lucas 19:11 - Alacatlatzala Mixtec New Testament

¹¹ Ta ni̱vi na kua̱ꞌa̱n sa̱ta̱ ta̱Jesús xíni̱ so̱ꞌo na to̱ꞌon ña káꞌa̱n ra, ta xa yatin xaa̱ ra ñoo Jerusalén, ta xáni si̱ni̱ ni̱vi vitin to̱nda̱a ki̱vi̱ Ndios kixáꞌá ra kaꞌnda chiño ra no̱o̱ na ñoyívi yóꞌo. Ta saá ta̱Jesús nda̱to̱ꞌon ra ñii cuento ña sanáꞌa ra na,

San Lucas 19:11 交叉引用

San Lucas 17:20

Ñii ki̱vi̱ nafariseo ki̱xaa̱ na no̱o̱ ta̱Jesús, ta ni̱nda̱ka̱ to̱ꞌon ñaꞌá na, káchí na saá: ―¿Ama kixaa̱ ki̱vi̱ kixáꞌá Ndios kaꞌnda chiño ra ñoyívi yóꞌo? ―káchí na. Ta nda̱kuii̱n ta̱Jesús, káꞌa̱n ra: ―Yichi̱ no̱o̱ xáꞌnda chiño Ndios, o̱n si̱ví ñii ña kúchiño koni yó kúu ña.

Hechos 1:6

Ñii ki̱vi̱ na̱kutáꞌan ta̱Jesús xíꞌin naapóstol, ta ni̱nda̱ka̱ to̱ꞌon na ra, káchí na saá xíꞌin ra: ―Tata, ¿án vitin xa ni̱to̱nda̱a ki̱vi̱ kindaa ún ndee̱ ndaꞌa̱ nañoo Roma, ta kixáꞌá mi̱i ún kaꞌnda chiño ún no̱o̱ nañoo yó naIsrael? Ta saá ñoo mi̱i yó tuku kukomí ña ndee̱ ña kaꞌnda chiño ña no̱o̱ mi̱i yó.

San Lucas 9:51

Ta xa va̱xi ki̱vi̱ ndikó ta̱Jesús ko̱ꞌo̱n ra ñoyívi ni̱no, ta chi̱kaa̱ ini ra ko̱ꞌo̱n ra ñoo Jerusalén.