Tayitùs 3:7 - Meta’

⁷ Wɨ̀ nyaʼa nàʼ əne ɨmbə̀ʼ tɨ̀ we tɨ̀ rɨ chè ənjìm ɨ̀chɔ̀m we təm kùʼnɨ̀ ɨfě məd bə̀ jɨg ɨ̀tènɨ̀ rɨ mì we nɨ tɨ̀ nuŋ ɨkɔndɨ ɨ wòm.

Ikan feg

⁷ Wì ya nàʼ ane ni ghì gha tì we tì tì che anjìm ìchɔ̀mì we təm kòʼ ibo imbìghè bə̀ jəg ìtḛ̀ ighə̀m imɔʼ we ne tì nɔŋi ikɔndi ni ghɔ̀m.

Tayitùs 3:7 交叉引用

Rm 8:17

Tɨ̀ mɨ yeʼ bɔn, əne yɨ ni tɨ̀ yɨ mə̀jɨnəb Ŋwiə̀ nɨ fɔtɨ ənû əjɨnəb mbɨ Kristo. Əne yɨ ənɨ tɨ̀ zə ŋgəʼ mbɨ məd ɨmbə̀ʼ bɨ berɨ ɨwumnɨ we nɨ Ŋwìə̀ bɨrɨ naʼ ɨ bɔ.

Rm 3:24

Ŋwìə̀ fə ghɨ̀ ni mbɨ təm kùʼnɨ̀ ɨchî nɨ wɨ̀ ghɨ ɨ̀chɔ̀m ənɨ mɨ̀mə̌d. Ɨ̀chɔ̀m we yɨ ɨneʼe nɨ wɨ̀ naʼ əmbɨ mɨ̀mə̌d ənjìm ə Kristo Yeso nɨ nyaʼa choʼ ɨtu mɨ̀mə̌d.

Tayitùs 2:11

Ŋwìə̀ nyaʼa ghɨ̀ ni bə̂d kyerɨ ɨ̀chɔ̀m məd, ɨmbə̀ʼ wɨ̀ chɨ mɨ̀mə̌d mɨjìm rəŋgəʼ.

1 Kɔrèn 6:11

Bə̂d mɔʼɔ rəbɔʼ nən mbɨə nyaʼə ghɨ̀ ɨnû mbɔ̂. Àyɨə Ə̀nùŋɨ̀sɨg Yeso Kristo mbɨ Əzwî à Ŋwiə̀ fə sò əwən bə̀ zeŋnɨ əwən, ghɨ̀ mbə təm kùʼnɨ̀.

Tayitùs 1:2

Təsìʼ wɔ̂ bɨrɨ ghɨ ni tɨ̀ nuŋ rɨkɔndɨ wòm ɨ̀tènɨ̀ rɨ mì we nɨ Ŋwìə̀ kaʼi. Ŋwìə̀ we nɨ chəi wɨə ghà mɨghab nyaʼa kàʼ ɨ̀tènɨ̀ wɔ̂ bɔŋ wɨ̀ nyaʼa sɨə tekɨ ɨsɨg.

Jems 2:5

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ zwetɨ! Ŋwìə̀ nyaʼa chɔʼ bə̂d mbe nɨ yeʼ bə̂d kwaŋ ɨŋga ɨsɨg ɨmbə̀ʼ mbɨ yeʼ bə̂d mbɔ̂n ɨchî nɨ mbɨ ben ə Yeso Kristo. Əne mbɨ bɨrɨ jɨg ənû ɨfɔ̀n ze nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.

Gàlesìyà 2:16

Ənû nɨ tɨ̀ kyerɨ yɨ ni chəi wə̀d təm kùʼnɨ̀ ɨfě Ŋwiə̀ ɨchî nɨ wɨə nùŋə̀ tɨkə rɨ Mose. Wɨ̀ təm kùʼnɨ̀ àmei ɨchî nɨ wɨ̀ nuŋ fîŋ ɨgun ə Yeso Kristo. Mba bə̂ fə nuŋ fîŋ ɨgun ə Kristo Yeso, əne tɨ̀ fə təm kùʼnɨ̀ ənjìm ɨchî nɨ tɨ̀ nuŋ fîŋ ɨgun ə Kristo, kaʼi ɨmbə̀ʼ ɨchî nɨ tɨ̀ nuŋ tɨkə rɨ Mose. Chəi wə̀d bɨrɨ təm kùʼnɨ̀ ɨchî nɨ wɨə nùŋə̀ rɨkə.

Rm 11:6

Wɨ̀ nyaʼa chɔʼ bə̂d mbe ənjìm ɨ̀chɔ̀m məd, kaʼi ɨmbə̀ʼ ɨnû mbe nɨ mbɨ nyaʼa ghɨ̌. À kɨ nɨ wɨ̀ nyaʼa chɔʼ mɨ̀mə̌d ənjìm ɨnû mbe nɨ mbɨ nyaʼa ghɨ̌, njɨ ka ɨ̀chɔ̀m Ŋwiə̀ yɨə wɨrɨ i ɨ̀chɔ̀m Ŋwiə̀.

Gàlesìyà 3:29

Mbə mɨ yeʼ bə̂d Kristo, əne yɨ ni mbə yɨə bɔn tɨ ənɨ əghaŋ ə Abràham. Ɨchî nɨ mbə̀ yeʼ bɔn tɨ ənɨ əghaŋ ə Abràham, əne yɨ ni mbə bɨrɨ jɨg ɨghɨ mbe nɨ Ŋwìə̀ kaʼi.

Rm 4:16

Ŋwìə̀ nyaʼa kàʼ ɨghɨ ənjìm ɨbenɨ, ɨmbə̀ʼ ənjìm ɨ̀chɔ̀m məd, bɔn mɨjìm tɨ ənɨ əghaŋ ə Abràham mbe tɨ̀ mbɨ jɨg ɨghɨ mbe nɨ wɨ̀ nyaʼa kàʼi. Ka ɨghɨ mbe nɨ wɨ̀ nyaʼa kàʼi nyaʼa àmei əmbɨ ə bə̂d mbe nɨə nùŋə̀ rɨkə, ɨ mbɨə nyaʼa bə̂ əmbɨ mbe nɨ nyaʼa benɨ ɨchî nɨ Abràham nyaʼa bə benɨ. Abràham yɨə mbǎʼ ɨgwɨ mbà mɨjìm.

Rm 3:28

Tɨ̀ benɨ ni wə̀d ə təm kùʼnɨ̀ ənjìm ɨbenɨ, kaʼi ɨmbə̀ʼ ɨchî nɨ wɨə ghɨ̀ ɨnû mbe nɨ yeʼ ɨŋga rɨ̀kə̌.

1 Pità 3:7

Əndəŋ əndəŋ, mbə̀n mɨnom berɨ wumnɨ mbə məyi bə̀ chubɨ mbɨ mɨ̀mə̌d ɨchî nɨ kuʼnɨ. Mbə mɨə yeʼə ghɨ̀ əne, njɨ mbə̀ kyerɨ ni mɨ̀mə̌d ə bɔd chè əwən. Mbə ghɨ əne ɨmbə̀ʼ ɨghəm nɨ Ŋwiə̀ bɨrɨ naʼ ɨ̀tènɨ̀ əmbɨ mbə̀n mɨ̀jìm. Mbə ghɨ əne ɨmbə̀ʼ tɨ əghɨ ə mɔʼɔ ə kən i ə ə̀kɔ̀ŋgɨ̀.

Mə̀Hibrù 11:9

À yɨ ɨbenɨ nyaʼa ghɨ ni wɨ̀ wo chub ɨŋga əbeŋ ze nɨ Ŋwìə̀ nyaʼa kaʼ ni tə bɨrɨ naʼ ɨ bɔ. Wɨ̀ nyaʼa wò chub əŋgu ɨchî nɨ wə̀d rɨ̀sɔ̀ʼ ə chub ɨŋga əbeŋ ə cherə. Wɨ̀ nyaʼa chub ɨŋga mɨ̀ŋwènɨ̀ ɨchî nɨ Aizìk mbɨ Jakɔ̂b nyaʼa bə chubɨ. Mbɨ nyaʼa berɨ bɨ jɨg ɨghɨ mbe nɨ Ŋwìə̀ nyaʼa kaʼ əmbɨ Abràham.

Mə̀Hibrù 11:7

À yɨ ɨbenɨ nyaʼa ghɨ̌ ni Noà zuunɨ ə Ŋwiə̀, əne tekɨ əbaŋ ɨgyɨ̀ ze nɨ nyaʼa chɨ ɨnəbɨ məd rəŋgəʼ. Wɨ̀ nyaʼa ghɨ̀ əne ənɨ Ŋwìə̀ nyaʼa fə patɨ əməd dè ɨnû mbe nɨ chəi wɨ̀ nyaʼa kɨrɨ zə. À yɨ ɨbenɨ məd nyaʼa ghɨ ni Ŋwìə̀ zɨ ɨsaʼi ɨgwɨ ɨsɨg. Əne Ŋwìə̀ nyaʼa nɨŋ ni məd wɨə ghɨ̀ ɨnû nɨ kuʼnɨ ənjìm ɨbenɨ.

Mə̀Hibrù 6:17

Ənɨ Ŋwìə̀ nyaʼa kəb ghɨ zɨə zeŋ əmbɨ ə bə̂d mbe nɨ wɨ̀ nyaʼa kaʼ mɨ̀mə̌d ni chəi tə bɨrɨ nɔ kwepɨ ənû ze nɨ tə nyaʼa fə nuŋɨ, wɨ̀ nyaʼa nɨŋ i ɨkum kàn əŋgu.

Gàlesìyà 4:7

Əne ka àwɔ̀ yɨə wɨrɨ e ə̀bòʼò. Àwɔ̀ yɨə wan. Ɨchî nɨ àwɔ̀ yɨə wan, əne àwɔ̀ yɨ əjɨnəb.

Rm 4:4

Ka ɨchwɨ wə̀d ə̀fàʼì yɨ ɨneʼe. Ɨchwɨ məd yɨ əghɨ ze nɨ wɨ̀ berɨ nɨŋ ɨmbə̀ʼ ə̀fàʼì ze nɨ wɨ̀ faʼi.

Tayitùs 2:13

Tɨ̀ wɨə nùŋə̀ rɨkɔndɨ wòm əbɔrəbɔd ze nɨ Ŋwiə̀ kaʼ ɨ na. Əbɔrəbɔd ze ə bɨrɨ yeʼe ənɨ ə nyùmə̀ we nɨ a Ŋwìə̀ kyeŋ Ə̀nùŋɨ̀sɨg Yeso Kristo wɨrɨ yeʼe mbɨ ɨwumnɨ.

Matìyò 25:34

Əne ɨfɔ̂n we bɨrɨ gha əmbɨ ə bə̂d mbe nɨ yeʼ əbɔ ə jɨgɨ ni, 'Mbə̀ yeʼe, kyɨə mbə̀n mbe nɨ mɨ Mbǎʼ fə zɨ əbɔrəbɔd ɨgwɨ nən. Mbə̀ yeʼe jɨg ənû ɨfɔ̀n ze nɨ mɨ Mbǎʼ nyaʼa fə tekɨ nùŋ ɨ nən tɨ ənɨ wɨ̀ nyaʼa tekɨ ɨsɨg.

Mk 10:17

Ənɨ Yeso nyaʼə jwɨ̀ə̀ wò i ɨghanɨ, mbaŋə̀ mɔʼɔ nyaʼa nòrə̀ wò pè chìndɨ̀ ɨtu ɨnywɨ ɨfě ɨ bɔ, biirɨ ɨ bɔ ni, “Əchwiə̀-ɨnû chɔ̀m, mə̀ kɨə wo ghɨ ənû ə yè bɔŋ jɨg ɨ̀tènɨ̀ rɨ mì ə?”

2 Tès 2:16

A Ə̀nùŋɨ̀sɨg Yeso Kristo ziə mbɨ Ŋwìə̀ a Mbǎʼ, nɨ ghaʼ əwa ənjìm ɨ̀chɔ̀m məd, nəərɨ əwa koŋ bə̀ ghɨ ni tɨ̀ nuŋ ɨkɔndɨ wòm ɨnû chɔ̀m mbe nɨ wɨ̀ kaʼ ɨ na.

Mə̀Hibrù 1:14

Ɨmbə̀ʼ mbɨ̀aŋgɨrə̀ mɨ̀jìm yɨ ɨzwî nɨə fàʼə̀, nɨ Ŋwìə̀ nyaʼa tom ni mbɨ weerɨ bə̂d mbe nɨ bɨrɨ jwɨ̀ rəŋgəʼ ə?