Rm 2:29 - Meta’

²⁹ Wə̀d yɨə Jû rəsìʼ ɨŋga fîŋ. Ənû nɨ ne mbaŋə̀ yɨ ənû rɨŋga fîŋ. À yɨə bə̀ yeʼ ənû nɨ Əzwî Ŋwiə̀ ə ghɨ̀ə̀. Ka Jû rəsìʼ yɨ i ɨchî nɨ mbɨ ŋwaʼnɨ ɨŋga ə̀ŋwàʼnɨ̀. Kaʼi bə̂d ə wumnɨ ə Jû rəsìʼ. À yɨə Ŋwiə̀ ə wumnɨ əməd.

Ikan feg

²⁹ Ju tesiʼ ya wə̀d we ne bḛ Ŋwiye kwàʼ ibo inga fìŋ. Anug ni ŋwed wə̀d tesiʼ ya ikɔpi we ne yaʼi inga fìŋ wə̀d ne à ya Azwighi Ŋwiye ghi, kayi mə̀nɔ̀ʼɔ̀ Muse. Wə̀d ne beri iku ikɔpi gho̰ inga fìŋ məd ya bèrè ighumni ne nɔʼi imbìghè abə Ŋwiye kayi abə bəd igun isəg.

Rm 2:29 交叉引用

Fìlipì 3:3

À yɨə mbǎ nɨ mbɨ ne ɨchî rəsìʼ. Əzwî ə zɨə wèèrɨ̀ əwa ni tɨ wumnɨ ə Ŋwiə̀. Tɨ̀ wɨə ghaʼ ɨchî nɨ tɨ̀ yeʼ ənɨ ɨfɔtɨ mbɨ Kristo Yeso əne chəi tɨə zɨ̀ ta fîŋ ənɨ ɨnû mbe nɨ bə̂d mɨ̀sɔŋɨchù ə ghɨ̀ə̀,

1 Tèsàlonikà 2:4

Tɨ̀ wɨə ghà àmei ɨchî nɨ Ŋwìə̀ kəbɨ ni tɨ̀ ghamə. Wɨ̀ fə nèŋ əwa zə ni tɨ̀ kùʼ ni wɨ̀ saŋ ɨkə̂n chɔ̀m wɔ̂ ɨŋga ta rɨkyerɨ-ɨbɔ. Chəi tɨə ghà ɨmbə̀ʼ ghɨ ni fîŋ rɨ bə̂d bɔŋə. Tɨ̀ wɨə ghàə̀ yeʼ ɨmbə̀ʼ fîŋ Ŋwìə̀ we nɨ kyerɨ ta rɨkɔndɨ bɔŋə.

1 Pità 3:4

Ɨchî nɨ mbə̀ təm berɨ jwɨ̀ yeʼ rɨŋga fîŋ. Kaʼ ɨkwɨ ɨtəm wɔ̂ wɨə bəi. Wɨ yɨ rɨ ənɨ əzwî ze nɨə bɔtɨə. Əzwî ze nɨə bɔtɨə yɨ əghɨ əka ɨnùn əghə ə Ŋwiə̀.

1 Kɔrèn 4:5

Əne tɨ mbə̀ sob ə ɨsaʼi ɨgun ə wə̀d mɔʼɔ bɔŋ nyùmə̀ sɨə kùʼə̀. Mbə̀ womə pè ənɨ Ə̀nùŋɨ̀sɨg wɨrɨ yeʼe. Məd bɨrɨ du ɨnû mbe nɨ bə̂d ə ghɨ̀ ɨŋga ɨsɨ firɨ, bə̀ chwi rɨkɔndɨ te nɨ yeʼ ɨŋga fîŋ rɨ bə̂d. Ənɨ ə nyùmə̀ we, Ŋwìə̀ bɨrɨ naʼ məben-əwe əmbɨ wə̀d jìm ɨchî nɨ zɨə kuʼ əmbɨ wə̀d mɔʼ mɔʼ.

2 Kɔrèn 10:18

Chəi Ə̀nùŋɨ̀sɨg ben wə̀d we nɨ gha ni tə fàʼ chè bə̂d cherə. Ɨ wɨə benɨ yeʼ we nɨ məd ziə ghà ni wɨ̀ fə fàʼ ɨchî chɔ̀m.

Rm 7:6

Àyɨə tɨ̀nîn, Ŋwìə̀ fə chɨ̀ əwa rɨ əton rɨkə, ɨmbə̀ʼ ɨghəm nɨ tɨ̀ fə kwɨ əmbɨ ɨghɨ mbe nɨ nyaʼə yim əwa ənɨ ə bə̂d ndəŋ. Əne yɨ ɨmbə̀ʼ tɨ̀ faʼ ənɨ ɨnə̂njɨ̀ fi we nɨ tɨ̀ berɨ ənjìm Əzwî, nɨ kaʼi əton tɨkə ənun te nɨ mbɨ nyaʼa ŋwaʼnɨ.

Rm 2:27

Mbaŋə̀ ze nɨ chəi mbɨ kɨrɨ ne məd, àyɨə ɨ wɨə nùŋ rɨkə, bɨrɨ zɨ ɨsaʼi ɨgwɨ ne, àwɔ̀ we nɨ kyerɨ rɨkə mbɨ bə̀ nè əwe, àyɨə chəi àwɔ̀ ə nùŋ rɨkə te.

2 Kɔrèn 3:6

Wɨ̀ fə ghɨ̀ ni tɨ̀ kuʼ nɨ fàʼ əton fɨso fi. Ka fɨso fi fe yɨ i əghɨ nɨ mbɨ ŋwaʼnɨ. Fɨso fe yɨ rɨ əmbɨ ə Əzwî. Tɨkə te nɨ mbɨ ŋwaʼnɨ tɨə yeʼe mbɨ ɨvɨ, àyɨə Əzwî ə zɨə nàʼ ɨ̀tènɨ̀.

Jn 12:43

Mɨ̀Farisiî nyaʼa ghaʼ ni bə̂d wumnɨ mɨ̀mə̌d chè ɨchî nɨ tɨ̀ Ŋwìə̀ wumnɨ mɨ̀mə̌d.

Jn 5:44

Mbə̀ kɨə wo ben rɨ ye, ənɨ mbə̀ə wumnɨ àmei mbə bɔŋgɔb, nɨ chəi mbə kəb ni Ŋwìə̀, nɨ mei we mɔʼ wumnɨ əwən ə?

Lk 11:39

Əne Ə̀nùŋɨ̀sɨg nyaʼa ghà ɨ bɔ ni, “Tɨ̀nîn mbə̀nə mɨ̀Farisiî mbɨə sòə̀ njìm toʼ bə̀ sòə̀ njìm əkaŋ, àyɨə tə fîŋ ə swi mbɨ əjə fɔrɨ ɨnû ɨzɨg.

Rm 14:17

Mbə̀ kyerɨ ni ka ənû ɨfɔ̀n ə Ŋwiə̀ yɨ i ənû nɨ jɨg bə̀ nɔ. À yɨ ənû nɨ ghɨ ɨnû nɨ kùʼnɨ̀, ənû nɨ chub ənɨ əbɔrəbɔd mbɨ ənû nɨ chub ənɨ ɨghaʼi ɨchî nɨ tɨ̀ yeʼ ənɨ ɨfɔtɨ mbɨ Əzwî ə Zeŋɨ.

Jn 4:23

Nyùmə̀ wɨə yeʼe, əne wɨ̀ fə yeʼe i, nɨ bə̂d bɨrɨ wumnɨ ə Mbǎʼ ɨchî nɨ Əzwî ə chwiə. Zɨə bɨrɨ yeʼ ni mbɨ wumnɨ əməd ɨchî nɨ wɨ̀ yeʼ ə. Bə̂d mbe nɨə ghɨ̀ əne mbɨə wumnɨ ə Mbǎʼ ɨchî nɨ wɨ̀ kə̀bɨ ni mbɨ wumnɨ əməd.

Lk 17:21

Chəi wə̀d mɔʼɔ bɨrɨ gha ni, 'Zə, əzɔ̂ əgha!' kɨ̀ ni, 'Ə zɨ ə yɨə!' ɨmbə̀ʼ ɨghəm nɨ ənû ɨfɔ̀n ə Ŋwiə̀ ə fə sɨ i əkaʼ nən.”

Rm 3:1

Mɨ̀Jû ə chè bə̂d mbe nɨ kaʼi mɨ̀Jû ənɨ ə ye ə? Njìm ze nɨ wə̀d bɨrɨ jɨg ɨchî nɨ mbɨ ne əməd kɨə ye ə?

1 Kɔrèn 7:19

Mbɨ mɨ fə nè wə̀d kɨ̀ chəi mbɨ kɨrɨ ne əməd, ka əze yɨ i ənû ə mɔʼɔ. Ənû nɨ kuʼnɨ yɨ ni mbɨ nuŋ tɨkə rɨ Ŋwiə̀.