Mk 14:65 - Meta’

⁶⁵ Bə̂d mɔʼɔ nyaʼa kɔ ched mad ɨgwɨ məd. Mbɨ nyaʼa bə̀ kod əghə əməd, som əməd, ghà ɨ bɔ ni, “Kaŋ wə̀d we nɨ som e!” Mənə̂ŋgɨ̀ mbàn Ŋwìə̀ nyaʼa bə̀ nɨŋ əməd som.

Ikan feg

⁶⁵ Bəd mɔ̀ʼɔ ya ko se ched timad igun məd. Mbi ya bə̀ kɔd aghə məd, kɔ̀m aməd ane abo, si ghà ibo gha, “Mə̀ti wə̀d ne kɔ̀mi awe!” Bəd mbe ne nə̀ngə mbàn Ŋwiye ya bə̀ niŋ aməd sɔm.

Mk 14:65 交叉引用

Ɨ̀fàʼì 23:2

Ətu ɨgwɨ ə bə̂d mbàn Ŋwìə̀ nɨ nyaʼə Ànàniàs, nyaʼa ghà əmbɨ ə bə̂d mbe nɨ nyaʼa təm ɨban ə Pɔ̂l ni mbɨ nib ɨchû məd.

Jn 19:3

Mbɨ nyaʼə wò əsɨ məd pè nìbrɨ̀ əməd ghàə̀ ni, “Mbèè! Ŋgə̀ə̀! Tɨ̀ ə chàʼrɨ̀ əwe, kyɨ ɨfɔ̂n mɨ̀Jû!”

Jn 18:22

Ənɨ wɨ̀ nyaʼa gha ənû zɔ̂, wə̀d mɔʼɔ rəbɔʼ mbe nɨ nyaʼə nəŋgɨ ə mbàn Ŋwìə̀, nɨ nyaʼa təm ɨban ɨban, nyaʼa zwi əbɔ ɨfě ɨ bɔ biirɨ ni, “À kɨ ɨchî nɨ à berɨ wiirɨ ɨŋgam əmbɨ ətu ɨgwɨ ə bə̂d mbàn Ŋwìə̀ ə?”

Mk 15:19

Mbɨ nyaʼa buʼ ətu əməd ənɨ ə mbàŋ, chèd mad ənɨ məd bə̀ chìndɨ̀ ɨtu ɨnywɨ ə si wumnɨ əməd.

Mə̀Hibrù 12:2

Tɨ̀ neŋ àmei Yeso we nɨ a ɨbenɨ kɔ bə̀ nwìə̀ àmei ɨgwɨ məd. Wɨ̀ nyaʼa nyìʼ əzed ə baʼnɨ ɨmbə̀ʼ ɨghəm nɨ wɨ̀ nyaʼa kyerɨ ɨghaʼi we nɨ nyaʼa ɨmbì ɨ bɔ. Wɨ̀ nyaʼa bə̀ tə̀ə̀nɨ̀ ɨchî nɨ wɨ̀ nyaʼa wo berɨ tɨ̀nìd ətu ənɨ mbɨ nyaʼa kombɨ əməd əzed ə baʼnɨ. Ɨ wɨə sɨ əbɔ ə jɨgɨ ətən ɨfɔ̀n ə Ŋwiə̀.

Mk 10:34

Bə̂d mbe nɨ kaʼi mɨ̀Jû bɨrɨ baʼrɨ əməd, chèd mad ənɨ məd, te əməd ənɨ ə ŋgwad bə̀ zwiirɨ əməd. Ɨni nɨə che ɨtad, wɨ̀ zwemə.”

Matìyò 27:30

Mbɨ nyaʼa ched mad ənɨ məd bə̀ nɨŋ fɨzed fe rɨ bɔ buʼ ətu əməd əŋgu.