Mk 1:38 - Meta’

³⁸ Wɨ̀ nyaʼa ghà əmbɨ mɨ̀mə̌d ni, “Tɨ̀ wo ɨŋga ɨsɨ mbe nɨ yeʼ ɨban ɨban, ɨmbə̀ʼ mə̀ bə ghà ɨŋgam Ŋwiə̀ əŋgu. Əzɔ̂ yɨ əton nɨ mə̀ nyaʼa yeʼe.”

Ikan feg

³⁸ Wì ya ghà inɔb gha, “Aton ne mə̀ yeʼe igun isəg ya ni ghàm Ìngam Ŋwiye abə bəd. Ane, tì ghò inga isiŋi mbe ne yaʼi iban iban mə̀ bə ghàm Ìngam Ŋwiye angu.”

Mk 1:38 交叉引用

Lk 4:43

Àyɨə, wɨ̀ nyaʼa ghà əmbɨ mɨ̀mə̌d ni, “Mə berɨ bɨ gha ɨkə̂n chɔ̀m ɨmbə̀ʼ ənû ɨfɔ̀n ə Ŋwiə̀ ɨŋga ɨsɨ cherə, ɨmbə̀ʼ ɨghəm nɨ à yɨ ɨmbə̀ʼ ənû ɨfɔ̀n zɔ̂ nɨ Ŋwìə̀ nyaʼa tom əmɨ.”

Jn 17:8

Mə fə ghà ɨkə̂n we nɨ à nyaʼa ghà ɨ num ni mə̀ gha əmbɨ mɨ̀mə̌d. Mbɨ fə zu bə̀ kyerɨ ənɨ rəsìʼ ni à yɨ àwɔ̀ nyaʼa tom əmɨ. Mbɨ fə bə̀ ben ni à yɨ àwɔ̀ nyaʼa tom əmɨ.

Jn 17:4

Mə fə wumnɨ əwe ɨgwɨ ə si ɨchî nɨ mə fə maanɨ ə̀fàʼì ze nɨ à nyaʼa naʼ ɨ num.

Jn 16:28

Mə nyaʼa nɔ̀ʼ rɨ əsɨ Mbǎʼ bɔŋ yeʼe ɨŋga ɨsɨg. Tɨ̀nîn mə wɨə sàŋ ɨsɨg wɨrɨə wò əsɨ Mbǎʼ.”

Lk 2:49

Wɨ̀ nyaʼa wììrɨ̀ əmbɨ mɨ̀mə̌d ni, “Mbə kɨə kə̀b əmɨ ni ye ə? Chəi mbə̀ kyerɨ ni mə berɨ chub ɨŋga nəb mɨ mbǎʼ ə?”

Jn 9:4

Tɨ̀ berɨ faʼ ə̀fàʼì ze nɨ wə̀d we nɨ nyaʼa tom əmɨ naʼ ɨ na. Àyɨə tɨ̀ berɨ fàʼ ənɨ ɨsɨ ə kɨrɨ zeŋə. Ɨzɨmɨ wɨə yeʼe nɨ chəi ənɨ tɨ̀ bə̂d wɨrɨ fàʼ.

Mk 1:37

Ənɨ mbɨ nyaʼa zə əməd, mbɨ nyaʼa ghà ɨ bɔ ni, “Wə̀d jìm wɨə kə̀b əwe.”

Mk 1:39

Wɨ̀ nyaʼa yèn ɨŋga Galiliî jìm, yènə̀ ghà ɨŋgam Ŋwiə̀ ɨŋga nəb rɨ ə̀kàtɨ̀ te nɨ nyaʼa ɨŋga ɨsɨ mbe, bə̀ yènə̀ chɨ̀ ɨzwî rɨbɔ̀ŋ rɨŋga bə̂d.