Matìyò 6:5 - Meta’

⁵ “Ənɨ mbə̀ə kɔ̀ŋgɨ̀ ə Ŋwiə̀, tɨ mbə̀ ghɨ ə ɨghabɨ ɨbekɨ bə̂d. Ɨ mbɨə ghaʼə nɨ təm ɨŋga nəb tɨ ə̀kàtɨ̀ bə̀ fɔrɨ ɨban ɨnə̂njɨ̀ bɔŋ kɔŋgɨ ə Ŋwiə̀. Ɨ mbɨə ghɨ̀ əne àmei ɨmbə̀ʼ bə̂d zə mɨ̀mə̌d. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Ikan feg

⁵ Yeso ya chè imbìghè gha, “Anyumə̀ ne mbə̰ mbe chàʼrà Ŋwiye, imbə̀ʼ mbə̰ ghiyə awən icheg bəd ne bèmnè inug. Mbɔb ya kɔ̀ŋɔ̀ ni təm inga məchamì Ŋwiye fɔrɔ iban inɔnjì bɔŋ se chàʼrà Ŋwiye. Mbɔb ya ghìyə̀ ane məyi ni gha bəd bara awɔb. Mə gha tesiʼ inən gha, mbi fə bèrì ìzɔb chùd.

Matìyò 6:5 交叉引用

Matìyò 6:2

“Əne ənɨ àwɔ̀ ə nàʼ ɨghɨ əmbɨ wə̀d ŋgəʼ, tɨrə̀ fə e tàŋ ɨchî nɨ ɨbekɨ bə̂d ə ghɨ̀ ɨŋga nəb tɨ ə̀kàtɨ̀ bə̀ ghɨ̀ ɨtu ɨzib. Ɨ mbɨə ghɨ̀ əne ɨmbə̀ʼ bə̂d yiirɨ mɨ̀mə̌d. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Lk 18:13

“Àyɨə əfetɨ mɨ̀tagsɨ̀ we nyaʼa təm əsa əgha. Chəi wɨ̀ nyaʼa be nɔ̀ɔ̀rɨ̀ e ətu ɨkaŋ, àyɨə wɨ̀ nyaʼa nuŋ mbi ɨbɔ ɨgun i fîŋ ghà ni, 'Ŋwìə̀, kən ənɨ ə num. Mə yɨə wə̀d ɨnû rɨbɔ̀ŋ!'

Mk 11:25

Ənɨ mbə̀ təm ɨ kɔŋgɨ ə Ŋwiə̀, mbə̀ waʼ ɨnû mbe nɨ mbə bɔŋgɔb ghɨ ənɨ ə nən, ɨmbə̀ʼ ə Mbǎʼ we nɨ yeʼ ɨkaŋ bə waʼ mbə ɨnû rɨbɔ̀ŋ. [

Lk 20:47

Ɨ mbɨə tambɨə mɨku əyi ɨmbə̀ʼ fe ɨghɨ mɨ̀mə̌d. Mbɨ mɨ nɨə ghɨ̀ əne, mbɨ sɨ bègrɨ̀ kɔ̀ŋgɨ̀ ə Ŋwiə̀ ənɨ əgha ə se. Ŋwìə̀ bɨrɨ zɨ ɨsaʼi nɨ che əbɔ ɨgwɨ mɨ̀mə̌d.”

Jems 4:6

À yɨə Ŋwìə̀ ə ghɨ̀ ɨ̀chɔ̀m ənɨ ə na ɨmbə̀ʼ tɨ berɨ ɨka nɨ baŋ ɨnû rɨbɔ̀ŋ. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ŋwìə̀ wɨə tonə bə̂d mbe nɨə nɔ̀ ɨnyod, àyɨə ɨ wɨə ghɨ̀ ɨ̀chɔ̀m ənɨ mbe nɨə swi ɨnyod.”

Lk 18:1

Yeso nyaʼa ghà ənû ə mɨgɨ əmbɨ mbi mə̀mə̀ə̀nɨ̀-ɨnû ɨ chwi ni mbɨ berɨ kɨə kɔ̀ŋgɨ̀ ə Ŋwiə̀ zɨ rɨ bɔd.

Efesùs 6:18

Mbə̀ kɔŋgɨ ə Ŋwiə̀ ənɨ mɨ̀nyùmə̀ jìm bə̀ fɔrɨ ənɨ mbə̀ə ghɨ̀ ɨnû jìm. Mbə̀ ghɨ əne ɨchî nɨ Əzwî ə naʼ ɨka ɨ nən. Əne mbə̀ chub ɨkyèʼe. Tɨ mbə̀ bɔd ə nɨ kɔŋgɨ ə Ŋwiə̀ ɨgwɨ ə bə̂d məd mɨjìm.

Lk 11:43

Ŋgəʼ kyeŋ bɨrɨ nyɨ ɨgwɨ nən mbə̀nə mɨ̀Farisiî! Zɨ̀ bɨrɨ nyɨ ɨmbə̀ʼ ɨghəm nɨ mbə mbɨə ghaʼ ɨtən chɔ̀m ɨŋga nəb tɨ ə̀kàtɨ̀, bə̀ ghaʼə ni bə̂d chaʼrɨ əwən ɨŋga mɨ̀wǐn.

Matìyò 21:22

Mbə mɨ berɨ ɨbenɨ, njɨ Ŋwìə̀ bɨrɨ naʼ ɨghɨjìm mbe nɨ mbə̀ kɔŋgɨ əməd nɔn ɨ bɔ.”

1 Tèsàlonikà 5:17

kɔŋgɨ ə Ŋwiə̀ ənɨ mɨ̀nyùmə̀ jìm,

Jn 16:24

Ɨ pè rɨ̀nîn, chəi mbə̀ kɨrɨ biirɨ ənû ə mɔʼɔ tɨ əmbɨ mɨ Mbǎʼ ənɨ mɨ ɨkum. Mbə̀ biirɨ, wɨ̀ bɨrɨ naʼ ɨ nən, ɨmbə̀ʼ ɨghaʼi swi ɨŋga tə fîŋ.”

Mk 12:38

Ənɨ Yeso nyaʼə chwi ɨnû, wɨ̀ nyaʼa ghà ni, “Mbə̀ we əwən ɨmbə̀ʼ məchwiə̀ rɨ̀kə̌. Mbɨ ghaʼ nɨ zɨ ngywɨ̌ rɨ se ghanə yènə̀ mbɨ rɨwən. Mbɨ bə̀ ghaʼ ni bə̂d chaʼrɨ əwən mbɨ ɨwumnɨ ɨŋga mɨ̀wǐn.

Matìyò 9:38

Əne mbə̀ kɔŋgɨ Ə̀nùŋɨ̀sɨg nɨ berɨ mbeŋ ni wɨ̀ cha bə̂d ə̀fàʼì mbɨ wo kwə̀ŋ ɨghɨ məd.”

Matìyò 23:13

“Ŋgəʼ kyeŋ bɨrɨ nyɨ ɨgwɨ nən, mbə̀nə məchwiə̀ rɨ̀kə̌ bə̀ nyɨ ɨgwɨ nən mbə̀nə mɨ̀Farisiî. Mbə̀ yɨ ɨbekɨ bə̂d! Zɨ̀ bɨrɨ nyɨ ɨmbə̀ʼ ɨghəm nɨ mbə mbɨə wùb ɨchû ɨkam ənû ɨfɔ̀n rɨkaŋ ni tɨ̀ bə̂d nyɨ ə ɨŋga, àyɨə chəi mbən ə bə̀ nyɨə, kɨ̀ bè sàŋ ni mbe nɨə kə̀b nyɨ mbɨ nyɨ.

Matìyò 23:6

Ɨ mbɨə ghaʼ ɨsɨ ɨwumnɨ ənɨ mbɨ kaʼ ɨchwɨ̂. Mbɨ bə̀ ghaʼ ənû nɨ chub ɨgun ɨtən mbe nɨ yeʼ ɨfě ɨŋga nəb tɨ ə̀kàtɨ̀.

Matìyò 6:16

“Ənɨ mbə̀ chub rɨ jɨg, tɨ mbə̀ ghɨ ə ɨghabɨ ə bə̂d nɨə kə̀nə̀, ɨchî nɨ ɨbekɨ bə̂d ə ghɨ̀ə̀. Ɨ mbɨə ŋgɨ̀ndɨ̀ tə rɨfě ɨmbə̀ʼ bə̂d zə ni ɨ mbɨə chubə rɨ jɨg. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Matìyò 6:1

“Mbə̀ we əwən ni tɨ mbə̀ ghɨ ə ɨnû mbe nɨ kuʼnɨ ɨfě bə̂d, àmei ɨmbə̀ʼ mbɨ zə əwən. Mbə mɨ ghɨ əne, njɨ chəi ə Mbǎʼ we nɨ yeʼ ɨkaŋ bɨrɨ chɔʼ ə ə̀fàʼì.

Matìyò 23:5

Ɨ mbɨə ghɨ̀ ɨnû jìm ɨmbə̀ʼ bə̂d zə mɨ̀mə̌d. Ɨ mbɨə tekɨə mbə mbɨ̀rɨkub gôb nɨ mbɨ zɨ ɨŋgam Ŋwiə̀ ɨŋga ni mbɨ kaŋ faŋ. Ɨ mbɨə nyaʼə taə tə ngywɨ̌ ghɨ̀ rɨtɔŋ jeŋgɨ sà.

Lk 6:24

Àyɨə ŋgəʼ kyeŋ bɨrɨ nyɨ ɨgwɨ nən, mbə̀n mbe nɨ berɨ mbɔ̂n, ɨmbə̀ʼ ɨghəm nɨ mbə̀ fə berɨ ɨghɨ mbe nɨə ghɨ̀ə̀ ni mbə̀ chub ɨŋga chɔ̀m.