Matìyò 22:12 - Meta’

¹² Əne wɨ̀ nyaʼa biirɨ ɨ bɔ ni, 'Mɨ sə̀ʼ! À chè rɨ yè nyɨ ɨŋga nəb əgha nɨ chəi à zɨ̌ ngywɨ̌ ɨnamɨ ə?' Chəi mbaŋə̀ ze nyaʼa berɨ ənû nɨ ghà.

Ikan feg

¹² Ane, wì ya biri ibo gha, ‹Ìmə sə̀ʼ, àghò kə̀ che iye nyi inga aŋa ne chəyi àghò zi ndwi inami?› Chəyi wə̀d we ya beri anug ni ghà.

Matìyò 22:12 交叉引用

1 Kɔrèn 4:5

Əne tɨ mbə̀ sob ə ɨsaʼi ɨgun ə wə̀d mɔʼɔ bɔŋ nyùmə̀ sɨə kùʼə̀. Mbə̀ womə pè ənɨ Ə̀nùŋɨ̀sɨg wɨrɨ yeʼe. Məd bɨrɨ du ɨnû mbe nɨ bə̂d ə ghɨ̀ ɨŋga ɨsɨ firɨ, bə̀ chwi rɨkɔndɨ te nɨ yeʼ ɨŋga fîŋ rɨ bə̂d. Ənɨ ə nyùmə̀ we, Ŋwìə̀ bɨrɨ naʼ məben-əwe əmbɨ wə̀d jìm ɨchî nɨ zɨə kuʼ əmbɨ wə̀d mɔʼ mɔʼ.

Matìyò 20:13

“Wɨ̀ nyaʼa wììrɨ̀ əmbɨ mbaŋə̀ mɔʼ rəbɔʼ mɨ̀mə̌d ni, 'Mɨ sə̀ʼ! Chəi mə̀ gu ənû ə mɔʼɔ ɨ ne, ɨmbə̀ʼ tɨ̀ kə̀ʼ ben ni mə bɨrɨ chwɨ əwe ɨkab ə̀fàʼì əni ə fibɨ̀ ə?

Tayitùs 3:11

À fə bè kyerɨ e ni ɨkwɨ wə̀d wɔ̂ fə ton rəsìʼ mbɨ ni ɨ wɨə bə̀ kɨrɨ ghɨ̀ ɨnû rɨbɔ̀ŋ. Wɨ̀ fə sob i ɨsaʼi ziə.

Matìyò 26:50

Yeso nyaʼa wììrɨ̀ ɨ bɔ ni, “Mɨ sə̀ʼ! Ghɨ ənû ze nɨ à yeʼe ghɨ̀!” Ənɨ Judàs nyaʼa ghɨ̀ əne, bə̂d mbe nyaʼa wò chè ə Yeso ənɨ ɨkǎ, yimɨ.

Rm 3:19

Tɨ̀nîn tɨ̀ fə kyerɨ ni ɨnû mbe nɨ tɨkə ə ghàə̀, ɨ tɨə ghàə̀ yeʼ əmbɨ ə bə̂d mbe nɨ yeʼ əton rɨkə, ɨmbə̀ʼ tɨ mbɨ berɨ ə ənû nɨ wɨrɨ ghà. Əne Ŋwìə̀ bɨrɨ saʼ bə̂d mɨ̀jìm mbe nɨ yeʼ ɨŋga ɨsɨg.

Matìyò 5:20

Mə ghà ɨ nən ni kɨrɨ ənɨ ɨnû chɔ̀m mbe nɨ mbə̀ə ghɨ̀ə̀ mbɨ che mbɨ məchwiə̀ rɨ̀kə̌ bə̀ chè mbɨ mɨ̀Farisiî, njɨ chəi mbə̀ bɨrɨ nɔ nyɨ ɨŋga ənû ɨfɔ̀n rɨkaŋ.