Matìyò 17:12 - Meta’

¹² Mə ghà ɨ nən ni Èlaijà nyaʼa fə yeʼe, àyɨə chəi bə̂d nyaʼa kyerɨ əməd. Mbɨ nyaʼa ghɨ̀ mbɨ məd ɨchî nɨ zɨə nyaʼa bɔŋ əmbɨ mɨ̀mə̌d. À yɨə bə̀ ɨchî nɨ Wan Wə̀d bɨrɨ zə ŋgəʼ ɨŋga tɨkyerɨ-ɨbɔ mɨ̀mə̌d.”

Ikan feg

¹² Mə ghà inən gha, Èlayijà ya fə yeʼe, si ya gha, chəyi bəd ya kyeri aməd. Mbɔb ya ghì inug ibo icheg ne ze ya bɔ̀ŋi inɔb. À ya bə̀ icheg ne Ŋwan Wə̀d biri zə̰ ngəʼ inga ìtɔb tikye ibo.”

Matìyò 17:12 交叉引用

Matìyò 16:21

Ɨ kɔ rɨ ənɨ ə nyùmə̀ we, Yeso nyaʼa kɔ ghǎ əmbɨ mbi mə̀mə̀ə̀nɨ̀-ɨnû ni tə berɨ wò ə Jèrusalèm pè jeŋgɨ zə ŋgəʼ ɨŋga rɨkyerɨ-ɨbɔ bə̂d kyeŋ mbe rɨŋga əbeŋ, ɨŋga rɨkyerɨ-ɨbɔ bə̂d kyeŋ mbe rɨ ə mbàn Ŋwìə̀ bə̀ fɔrɨ ɨŋga rɨkyerɨ-ɨbɔ məchwiə̀ rɨ̀kə̌. Mbɨ bɨrɨ zwiirɨ əməd. À sɨ ɨgwɨ ɨni tad, Ŋwìə̀ zwemnɨ əməd.

Ɨ̀fàʼì 4:10

njɨ mbə̀n mɨjìm mbɨ mɨ̀Izre mɨ̀jìm kyerɨ ni mbaŋə̀ zɔ̂ ə təm ɨfě nən, bɔtɨ i kwàʼ ɨchî chɔ̀m ənjìm ɨka we nɨ yeʼ ənɨ ɨkum Yeso Kristo we rɨ ə Nazàret nɨ mbə̀ nyaʼa kòmbɨ̀ əzed ə baʼnɨ, àyɨə Ŋwìə̀ nyaʼa zwemnɨ əməd.

Ɨ̀fàʼì 7:52

À kɨə wə̀d ɨ̀kə̀n Ŋwìə̀ wi nɨ chəi mbə mɨ̀mbǎʼ rəŋwe nyaʼa nwendɨ tɨkyerɨ-ɨwu məd ə? Mbɨ nyaʼa zwiirɨ bə̂d mbe nɨ nyaʼa be ghà ni Wə̀d we nɨə ghɨ̀ ɨnû nɨ kùʼnɨ̀ bɨrɨ yeʼe. Tɨ̀nîn mbə fə fèn əməd mbɨ zwiirɨ.

Ɨ̀fàʼì 2:23

Ŋwìə̀ nyaʼa fə bè kyerɨ i, əne wɨ̀ nyaʼa nùŋ ni mbɨ bɨrɨ gywɨ ə Yeso wɔ̂ nàʼ ɨ nən, mbə ghɨ̀ ni bə̂d nɨə ghɨ̀ ɨnû rɨbɔ̀ŋ kòmbɨ̀ əməd əzed ə baʼnɨ, zwiirɨ.

Jn 1:11

Wɨ̀ nyaʼa wò ɨŋga e əbeŋ, àyɨə chəi bə̂d məd nyaʼa nɨŋ əməd.

Lk 7:33

Jɔ̌n we nɨ nyaʼə nàʼ mɨnib nyaʼa yeʼe, chəi wɨ̀ nyaʼə jɨgə ŋgə̀ŋ, chəi wɨ̀ nyaʼə bə̀ nɔə mɨnoʼ, əne mbə̀ nyaʼa ghà ni, 'Əzwî rɨbɔ̀ŋ ə zɨ ɨŋga məd.'

Matìyò 21:32

Mə ghà əne ɨmbə̀ʼ ɨghəm nɨ Jɔ̌n nyaʼa yeʼe əsɨ nən ɨ chwi ɨnə̂njɨ̀ nɨ kuʼnɨ, àyɨə chəi mbə̀ nyaʼa ben əməd. À yɨ məfetɨ mɨ̀tagsɨ̀ mbɨ ɨ̀kùnɨ̀ nyaʼa ben əməd. Ka àbei ənɨ mbə̀ nyaʼa zə ənû zɔ̂, chəi mbə̀ nyaʼa wɨrɨ bèŋ tə fîŋ ben əməd.

Matìyò 11:2

Ənɨ Jɔ̌n we nɨ nyaʼə nàʼ mɨnib, nɨ nyaʼa ə nəb ndəŋ, nyaʼa zu ɨnû mbe nɨ Kristo nyaʼə ghɨ̀ə̀, wɨ̀ nyaʼa tom mbi mə̀mə̀ə̀nɨ̀-ɨnû əsɨ məd,

Matìyò 8:20

Yeso nyaʼa ghà ɨ bɔ ni, “Kyerɨ ni mɨ̀seŋə ə berɨ tə rɨbɨgɨ, tɨnən bə̀ berɨ tə kàn, àyɨə chəi Wan Wə̀d berɨ əsɨ nɨ nuŋ e ətu əŋgu.”

Matìyò 17:9

Ənɨ mbɨ nyaʼə swiʼ rɨkaŋ ɨwum we, Yeso nyaʼa patɨ mɨ̀mə̌d ghà ni, “Tɨ mbə̀ tɔ gha ə tɨ̀taanɨ njə̀m zɔ̂ əmbɨ wə̀d mɔʼɔ, pè ənɨ Ŋwìə̀ fə zwemnɨ Wan Wə̀d.”

Matìyò 17:11

Wɨ̀ nyaʼa wììrɨ̀ ni, “Èlaijà berɨ be yeʼe ɨmbə̀ʼ wɨrɨ tekɨ ɨnû jìm ɨchî nɨ mbɨ nyaʼa bèi.

Matìyò 17:13

Ənɨ wɨ̀ nyaʼa ghà əne, ɨtu mə̀mə̀ə̀nɨ̀-ɨnû mbe nyaʼa kɨ zeŋ ni ɨ wɨə kə̀ʼə̀ ghàm ɨ nən yeʼ ɨmbə̀ʼ ə Jɔ̌n we nɨ nyaʼə nàʼ mɨnib.

Matìyò 17:22

Ənɨ mə̀mə̀ə̀nɨ̀-ɨnû mbe nyaʼa wo fetɨ ə Galiliî, Yeso nyaʼa ghà əmbɨ mɨ̀mə̌d ni, “Mbɨ bɨrɨ fen Wan Wə̀d əmbɨ ə bə̂d.