Mə̀Hibrù 13:23 - Meta’

²³ Mbə̀ kyerɨ ni mbɨ fə chɨ̀ wa aŋgɔb Timotì rɨ ə ndəŋ. Wɨ̀ mɨ zàmbɨ̀ pè əgha, mə bɨrɨ yeʼe zə əwən mbɨ məd.

Ikan feg

²³ Mbə̀ kyeri gha mbi fə chì Timotì ìwa ifi inga nəb ndəŋ . Wì mə zàmbì yèʼe, nji mə biri yeʼe tì məd ni bàd awən.

Mə̀Hibrù 13:23 交叉引用

Filemɔ̀n 1:1

À yɨə mɔ̌ Pɔ̂l, nɨ mə̀ yeʼ wə̀d ndəŋ ɨmbə̀ʼ ə Kristo Yeso mbɨ Timotì nɨ yeʼ wa aŋgɔb, ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ ne, àwɔ̀ Filemòn, nɨ yeʼ aŋgɔb nɨə fàʼə̀ mbɨ na. Tɨ̀ ghaʼ əwe kwàʼ rɨŋgəʼ.

1 Tèsàlonikà 3:2

Tɨ̀ nyaʼa tom wa aŋgɔb Timotì ni wɨ̀ yeʼe ghɨ tə fîŋ kaanə bə̀ tìmbɨ̀ əwən ɨchî nɨ mbə nuŋ fîŋ ɨgun ə Kristo. Məd wɨə fàʼ əmbɨ ə Ŋwiə̀ mbɨ na ɨchî nɨ tɨə ghà ɨkə̂n chɔ̀m ɨmbə̀ʼ ə Kristo.

2 Timotì 1:8

Əne tɨ e ətu ə nid i nɨ gha ɨmbə̀ʼ a Ə̀nùŋɨ̀sɨg, kɨ̀ nɨ gha ɨmbə̀ʼ ɨchî nɨ mə̀ yeʼ wə̀d ndəŋ ɨmbə̀ʼ əməd. Àyɨə tekɨ ɨnyod nɨ zə ɨkwɨ ŋgəʼ we nɨ mɨə zə ɨmbə̀ʼ ɨkə̂n chɔ̀m. À bɨrɨ ghɨ əne ənjìm ɨka we nɨ Ŋwìə̀ naʼ ɨ ne.

Ɨnû 7:14

Mə nyaʼa wììrɨ̀ ɨ bɔ ni, “Chəi mə̀ kyerɨ, kyɨə masà. Àwɔ̀ ə kyerɨ.” Wɨ̀ nyaʼa ghà ɨ num ni, “Mbɔ̂ yɨə bə̂d mbe nɨ fə chè ɨŋga ŋgəʼ ze nɨ chè əbɔ, àyɨə chəi mbɨ kwɨ. Mbɨ fə sò tə ngywɨ̌ ɨŋga ənəm ə Wan njɨ̀g tɨ sɨə fuə.

Filemɔ̀n 1:22

Ənû ə cherə yɨ ni, tekɨ ətu ə nəb ə bə̂d rɨ̀sɔ̀ʼɔ̀ ɨ num, ɨmbə̀ʼ ɨghəm nɨ mə wɨə wòmə̀ ni ənjìm ə̀kɔ̀ŋgɨ̀ ze nɨ mbə̀ə kɔ̀ŋgɨ̀ə̀, Ŋwiə̀ we tɨ wɨ̀ wɨrɨ nàʼ əmɨ ɨ nən.

1 Timotì 6:12

Kaŋ zɔ̀ŋ ɨchî chɔ̀m ɨmbə̀ʼ ɨbenɨ we nɨ à nuŋ ɨgun ə Kristo. À berɨ kywɨ ənywɨ kwàʼ rɨkǎ ɨmbə̀ʼ jɨg ɨ̀tènɨ̀ rɨ mì. Ŋwìə̀ nyaʼa tɔŋ əwe ni à jɨg ɨ̀tènɨ̀ we ənɨ à nyaʼa ben ɨfě mɨ̀zərɨmbin nɔnɔʼ ni àwɔ̀ yɨə wə̀d Kristo.

Rm 15:28

Ənɨ mə fə maanɨ ə̀fàʼì zɔ̂, nàʼ ɨkab we nɨ mə̀ fetɨ əmbɨ mɨ̀mə̌d, mə bɨrɨ che mo əwən bɔŋ sɨə wò ə Speìn.

Rm 15:25

Tɨ̀nîn, mə wɨ ɨnə̂njɨ̀ wò ə Jèrusalèm ɨ wo naʼ ɨghɨ əmbɨ ə bə̂d Ŋwiə̀ mbe nɨ yeʼ əŋgu.

Kòlosè 1:1

À yɨə mɔ̌ Pɔ̂l, nɨ mə̀ yeʼ wə̀d tom Kristo Yeso nɨ Ŋwìə̀ chɔʼɔ, mbɨ Timotì nɨ yeʼ wa aŋgɔb, ŋwaʼnɨ ə̀ŋwàʼnɨ̀ zɔ̂.