Mə̀Hibrù 12:15 - Meta’

¹⁵ Mbə̀ zə ni tɨ wə̀d mɔʼɔ sam i ɨ̀chɔ̀m we nɨ Ŋwiə̀ ə ghɨ̀ə̀, bə̀ zə ni tɨ wə̀d mɔʼɔ yeʼi ɨghabɨ ɨghaŋ nɨə nywɨ̀ə̀ nɨə kwiə ghɨ̀ə̀ ni bə̂d mɨ̀nɔnɔʼ zə ŋgəʼ mbɨ ɨniʼ we nɨə jwɨ̀ rəŋgu.

Ikan feg

¹⁵ Mbə̀ bə kìrə ika ni gha imbə̀ʼ wə̀d mɔ̀ʼɔ nɔ̀ʼ sam ìchɔ̀mì Ŋwiye. Imbə̀ʼ mbə̰ saŋa awən gha ngwèd tibɔ̀ŋ kweg inən inga fìŋ si ko inug tibɔ̀ŋ.

Mə̀Hibrù 12:15 交叉引用

Mə̀Hibrù 3:12

Mbə̀ we əwən, kyɨə bɔŋgɔb, ɨmbə̀ʼ tɨ wə̀d mɔʼɔ rəbɔʼ nən berɨ i fîŋ rɨbɔ̀ŋ nɨ chəi zɨ ben ə Ŋwiə̀, əne ghɨ̀ mbə̀ sàŋ Ŋwìə̀ we nɨ yeʼ ɨkǎ.

Gàlesìyà 5:4

Mbə̀n mbe nɨə kə̀b təm kùʼnɨ̀ ɨchî nɨ mbə̀ə nùŋ rɨkə, fə sùŋgɨ̀ rɨ ənɨ ə Kristo. Mbə̀ fə ton ɨ̀chɔ̀m we nɨ Ŋwìə̀ ghɨ̌ ənɨ nən.

2 Kɔrèn 6:1

Ɨchî nɨ tɨə fàʼ ɨnɔ̂n mbɨ ə Ŋwiə̀, əne tɨ̀ wɨə buʼ ɨbɔ ɨ nən ni tɨ mbə̀ ben ə ni ɨ̀chɔ̀m we nɨ Ŋwiə̀ ghɨ ənɨ ə nən che ətu ə̀kǒ.

2 Jɔn 1:8

Mbə̀ we əwən ɨmbə̀ʼ tɨ mbə̀ nim ə əghɨ ze nɨ mbə̀ fə faʼ ɨmbə̀ʼ əzɨ əwən, àyɨə mbə̀ wo ɨmbì fàʼ ɨmbə̀ʼ mbə̀ berɨ ɨchɔʼ ə̀fàʼì ɨ swi.

1 Kɔrèn 15:33

Tɨ wə̀d mɔʼɔ tambɨ i əwən, àyɨə mbə̀ kyerɨ ni: “Mɨsə̀ʼ rɨbɔ̀ŋ mbɨə chə̀kɨ̀ə̀ bə̂d chɔ̀m.”

2 Pità 3:14

Əne kyɨə bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ mbɨə wòm ɨnû mbɔ̂, mbə̀ kywɨ ənywɨ zə ni mbə̀ chub ɨzeŋɨ zeŋɨ ɨmbə̀ʼ tɨ Ŋwìə̀ zə i ɨgu ənû mɔʼɔ ɨgwɨ nən. Mbə̀ bə zə ni mbə̀ chub ənɨ əbɔrəbɔd mbɨ ə Ŋwiə̀.

Mə̀Hibrù 4:1

Ənû ze nɨ Ŋwìə̀ nyaʼa kaʼi ə kɨrɨ təm. Wɨ̀ nyaʼa kàʼ ni bə̂d bɨrɨ nyɨ ɨŋga əsɨ ə̀zwììrɨ̀ ze nɨ wɨ̀ bɨrɨ naʼ əmbɨ mɨ̀mə̌d. Əne tɨ̀ we əwa ɨmbə̀ʼ tɨ wə̀d mɔʼɔ rəbɔʼ nən nim i əpan nɨ nyɨ ɨŋga əsɨ ə̀zwììrɨ̀ ze.

1 Kɔrèn 5:6

Ɨchî nɨ mbə̀ə goŋ ɨgɔ̂ rɨka bɔ̀ŋ i. Chəi mbə̀ kyerɨ ni àmei akə ɨfuʼ we nɨə ghɨ̀ ni ŋgə̀ŋ kɔʼ we ə nɔ̀ɔ̀rɨ̀ ŋgə̀ŋ jìm ə?

Mə̀Hibrù 4:11

Əne tɨ̀ kywɨ ənywɨ nyɨ ɨŋga əsɨ ə̀zwììrɨ̀ ze. Tɨ wə̀d mɔʼɔ sam i, ɨchî nɨ mɨ̀Jû nyaʼa ghɨ rɨ̀zuə̀ sam.

2 Kɔrèn 13:5

Mbə̀ kwaʼnɨ ə ɨnyod mbənə mbənə zə ni mbə kɨrɨ nuŋ fîŋ ɨgun ə Kristo ə. Mbə̀ kwaʼnɨ ə ɨnyod. Chəi mbə̀ zə ni əzwî ə Yeso Kristo ə zɨ ɨŋga nən ə? Kɨrɨ ənɨ mbə fə gù ə̀kwàʼnɨ̀ ze!

1 Kɔrèn 10:12

Əne wə̀d mɔʼɔ we nɨ kɔndɨ ni tə fə təm kàànɨ̀ berɨ we i ɨmbə̀ʼ wɨ̀ sɨ gù.

Mə̀Hibrù 6:11

Tɨ̀ wɨə kə̀bə̀ ni wə̀d mɔʼ mɔʼ rəbɔʼ nən wo ɨmbì àmei əne, fàʼ ənɨ i fîŋ jìm wò pè ənɨ ɨnwǐ, ɨmbə̀ʼ mbə̀ berɨ ɨghɨ mbe nɨ mbə̀ nuŋ tə rɨkɔndɨ ɨ wòm.

2 Pità 2:18

Ɨ mbɨə ghàm mɨŋgam əneŋ goŋ ɨgɔ̂. Ɨ mbɨə nɨŋə ɨnyamnɨ-ɨnû mbe nɨ nyamnyod ə feenɨə tambɨə bə̂d mbe nɨ fə cherə jwɨ̀ rəbɔʼ mbe nɨə chub ɨŋga ɨfebrɨ-ɨnû.

Kòlosè 3:5

Əne mbə zwiirɨ ɨghɨ rɨ ɨgwɨ ə si mbe nɨ tə nyamnyod ə feenɨə. Əne yɨ ənû nɨ niirɨ məyi kɨ̀ mbaŋə̀ əbəŋ əbəŋ, ənû nɨ ghɨ ɨnyɔɔnɨ-ɨnû, ənû nɨ feenɨ əyi kɨ̀ mbaŋə̀, tɨkɔndɨ ɨmbə̀ʼ ɨnû rɨbɔ̀ŋ, ənû nɨ ghɨ əjə. (Əjə yɨ ənû nɨ wumnɨ anèŋ.)

Efesùs 5:3

Tɨ mbə̀ tɔ ghambɨ ə ɨmbə̀ʼ ənû nɨ ni məyi kɨ̀ mbaŋə̀ əbəŋ əbəŋ, ənû nɨ ghɨ ɨnyɔɔnɨ-ɨnû kɨ̀ ənû nɨ feenɨ ɨghɨ, ɨmbə̀ʼ ɨghəm nɨ chəi bə̂d Ŋwiə̀ berɨ ghɨ̀ tɨkwɨrɨ ɨnû tɔ̂.

Gàlesìyà 2:13

Ənɨ wɨ̀ nyaʼə ghɨ̀ ə̀bèkɨ̀ ənû zɔ̂, mɨ̀Jû cherə nyaʼa beenɨ əbɔʼ məd. Ka àbei ə Banabàs, wɨ̀ nyaʼa bə̀ fèbə̀ ɨchî nɨ wɨ̀ nyaʼa beenɨ əbɔʼ bə̂d mbe nɨ nyaʼə ghɨ̀ ə̀bèkɨ̀ ənû zɔ̂.

1 Kɔrèn 13:8

Chəi ɨghaʼi ə nɔ mìə̀. À yeʼ ɨmbə̀ʼ ənû nɨ gha ɨkə̂n Ŋwìə̀, zɨə bɨrɨ nwìə̀. À yeʼ ɨmbə̀ʼ ənû nɨ gham mɨŋgam rɨsɔ̀ʼɔ̀, zɨə bɨrɨ nwìə̀. À yeʼ ɨmbə̀ʼ ənû nɨ berɨ ɨwe, zɨə bɨrɨ bɨ nwìə̀.

2 Pità 3:11

Ɨchî nɨ Ŋwìə̀ bɨrɨ nimnɨ ɨghɨ mbɔ̂ jìm ɨchî wɔ̂, mbə̀ kɨə wo yeʼ ɨkwɨ bə̂d mbi ə? Mbə berɨ chub ɨzeŋɨ zeŋɨ bə̀ sweŋ ə ɨnyod əmbɨ ə Ŋwiə̀

2 Pità 1:10

Əne kyɨə bɔŋgɔb, mbə̀ jeŋgɨ kywɨ ənywɨ zə ni mbə̀ chub àmei ɨchî nɨ Ŋwìə̀ nyaʼa chɔʼ əwən bə̀ tɔŋə ni mbə̀ yeʼ mbi bə̂d. Mbə mɨ chub əne, njɨ chəi mbə bɨrɨ nɔ ghɨ ɨnû rɨbɔ̀ŋ.

Lk 22:32

Àyɨə mə fə kɔ̀ŋgɨ̀ ə Ŋwiə̀ ɨgwɨ ne ni tɨ e ɨbenɨ bɔd i. Ənɨ à wɨrɨ bèŋ e fîŋ ben əmɨ, à ghɨ̀ ni fîŋ tɨ mbe bɔŋgɔb wɨrɨ kàànɨ̀.”

Tayitùs 1:15

Ɨnû jìm ə zeŋ əmbɨ ə bə̂d mbe nɨ fîŋ tɨ mɨ̀mə̌d zeŋɨ, àyɨə chəi mbɨ zeŋɨ əmbɨ ə bə̂d mbe nɨ chəi fîŋ tɨ mɨ̀mə̌d bə zeŋ. Chəi mbɨ bə zeŋ əmbɨ mbe nɨ chəi mbɨ nuŋ fîŋ ɨgun ə Kristo, ɨmbə̀ʼ ɨghəm nɨ ɨbə fə nyɨ ɨŋga tɨkɔndɨ tɨ mɨ̀mə̌d bə̀ nyɨ ɨŋga fîŋ tɨ mɨ̀mə̌d.