Lk 6:30 - Meta’

³⁰ Wə̀d mɔʼɔ mɨ nɔn əghɨ rɨ ne, naʼ ɨ bɔ. Wə̀d mɔʼɔ mɨ nɨŋ mbe ɨghɨ, tɨrə̀ wɨrɨ biirɨ e ɨghɨ mbe.

Ikan feg

³⁰ Wə̀d mə nɔ̰ aghi ine, nàʼa ibo. Wə̀d mə niŋ àze aghi, sàŋa ibo. Imbə̀ʼ àghò ywiri biri awe.

Lk 6:30 交叉引用

2 Kɔrèn 8:9

Mbə kyerɨ ɨ̀chɔ̀m we nɨ Ə̀nùŋɨ̀sɨg Yeso Kristo nyaʼa ghɨ̌, nɨ ka à bè yeʼi ni wɨ̀ nyaʼa berɨ mbɔ̂n, àyɨə wɨ̀ nyaʼa bèŋ ənɨ wə̀d ɨkwaŋ ɨmbə̀ʼ əwən, ɨmbə̀ʼ ənjìm ɨchî nɨ wɨ̀ kwaŋɨ, mbə mbe tɨ̀ mbə berɨ mbɔ̂n.

Ɨ̀fàʼì 20:35

Ənɨ ɨnû jìm, mə fə chwi ɨ nən ni zɨə bɔ̀ŋ ni tɨ̀ faʼ rɨkǎ ɨmbə̀ʼ weerɨ bə̂d mbe nɨ kwaŋ ɨghɨ. Mbə̀ kɔndɨ ɨŋgam Ə̀nùŋɨ̀sɨg Yeso ɨchî nɨ wɨ̀ nyaʼa gha ni, 'Wə̀d we nɨə nàʼə̀, wɨə berɨ əbɔrəbɔd chè we nɨə nɨŋə.'”

Matìyò 6:12

Waʼ mba ɨnû rɨbɔ̀ŋ, ɨchî nɨ tɨ̀ fə waʼ ɨnû rɨbɔ̀ŋ bə̂d mbe nɨ gù ɨnû ɨ na.

Lk 18:22

Ənɨ Yeso nyaʼa zu ənû zɔ̂, wɨ̀ nyaʼa ghà ɨ bɔ ni, “À kɨrɨ kwaŋ əghɨ ə mɔʼɔ. Ndə̀ wo fèndɨ̀ ɨghɨjìm mbe nɨ à berɨ, ghàpɨ̀ ɨkab we əmbɨ ə bə̂d ɨkwaŋ, əne à bɨrɨ berɨ mbɔ̂n ɨkaŋ. À mɨ ghɨ̀ əne, à yeʼe beenɨ əbɔʼ num.”

Lk 12:33

Mbə̀ fendɨ mbə ɨghɨ, nàʼ ɨkab we əmbɨ ə bə̂d ɨkwaŋ. Mbə berɨ tɨtagɨ nɨ ka tɨ bɨrɨ nun i. Mbə̀ bə̀ nùŋ ə mbɔ̂n ɨkaŋ əsɨ ze nɨ chəi zɨ̀ bɨrɨ mì, nɨ chəi ənɨ tɨ̀ ɨjɨ tindɨ ɨban bə̀ fɔrɨ ənɨ chəi ənɨ tɨ̀ ɨsəʼɨ chə̀kɨ̀.

Lk 11:41

Àyɨə mbə̀ naʼ ɨghɨ mbe nɨ yeʼ ɨŋga toʼ bə̀ nàʼ mbe nɨ yeʼ ɨŋga ɨkaŋ əmbɨ ə bə̂d ɨkwaŋ, əne ɨghɨjìm bɨrɨ zeŋ ɨ nən.

Lk 6:38

Mbə̀ naʼ ɨghɨ əmbɨ ə bə̂d, əne Ŋwìə̀ bɨrɨ bɨ naʼ ɨ nən. Ŋwìə̀ bɨrɨ nàʼ ɨ nən chè ɨchî nɨ mbə̀ kə̀ʼ nàʼ. Mbɨ bɨrɨ nyem ɨghɨ mbe ə si, fɔtɨ chìʼrɨ̀, mbɨ swi sɨə gwè ɨŋga əghɨ ə ngywɨ ze nɨ yeʼ ɨŋga te rɨtaʼi, ɨmbə̀ʼ ɨghəm nɨ ɨghɨ ze nɨ mbə̀ mɨg nàʼ əmbɨ ə wə̀d cherə yɨə bə̀ àmei əzɨ əwən ze nɨ mbɨ berɨ bɨ mɨg nàʼ ɨ nən.”

Matìyò 18:35

“À yɨ ɨchî nɨ mɨ Mbǎʼ rɨkaŋ bɨrɨ ghɨ̀ mbɨ wə̀d mɔʼ mɔʼ rəbɔʼ nən əwù ze nɨ chəi mbə̀ waʼ ɨnû rɨbɔ̀ŋ wən aŋgɔb ənɨ tə fîŋ jìm.”

Efesùs 4:28

Tɨ wə̀d we nɨə jɨə rəbə jɨ i. Wɨ̀ kɔ faʼ ənɨ mbi ɨbɔ, berɨ ɨghɨ ɨchî nɨ kuʼnɨ, ɨmbə̀ʼ bɨ weerɨ bə̂d ɨkwaŋ.

Matìyò 5:39

Àyɨə mə wɨə ghà ɨ nən ni, tɨ mbə̀ nod əwən tɨ ənɨ ə wə̀d nɨə ghɨ̀ ɨnû rɨbɔ̀ŋ. Wə̀d mɔʼɔ mɨ nìb e ɨnwa jɨgɨ, à bèŋ wɨ tweŋ chwi ɨ bɔ.

Lk 6:29

Wə̀d mɔʼɔ mɨ nìb e ɨnwa, à bèŋ əba zɨə chwi ɨ bɔ. Wə̀d mɔʼɔ mɨ nɨŋ e ngywɨ̌ maʼi, bə sàŋ e ngywɨ̌ bòm ɨ bɔ.

Lk 6:31

Ənû ze mbə̀ kə̀b ni bə̂d cherə ghɨ ənɨ ə nən, mbə̀ bə ghɨ̀ ənɨ mɨ̀mə̌d.