Lk 24:36 - Meta’

³⁶ Ənɨ mbɨ nyaʼə ghà ənû zɔ̂ əne, Yeso ziə nyaʼa təm əkaʼ mɨ̀mə̌d, ghà əmbɨ mɨ̀mə̌d ni, “Əbɔrəbɔd ɨ nən mo.”

Ikan feg

³⁶ Anyumə̀ ne mə̀mə̀nənùg mbe məbe yaya kiri ghàmà inug mbe inɔb, mbi ŋa zə̰, Yeso təm abɔ̀ʼ inɔb, si ghà inɔb gha, “Ŋwiye ziye àbɔrɔ̀bɔd igun inən.”

Lk 24:36 交叉引用

2 Tès 3:16

Ə̀nùŋɨ̀sɨg ziə nɨə nàʼ əbɔrəbɔd, naʼ əbɔrəbɔd ɨ nən ənɨ mɨ̀nyùmə̀ jìm bə̀ fɔrɨ ənɨ mɨnə̂njɨ̀ jìm. Ə̀nùŋɨ̀sɨg chubɨ mbɨ mbə̀n mɨjìm.

Lk 10:5

Mbə mɨ nyɨ ɨŋga nəb mɔʼɔ, mbə̀ be ghà ni, 'Ŋwìə̀ zɨ əbɔrəbɔd ɨgun ə wə̀d jìm we nɨ yeʼ ɨŋga nəb zɔ̂!'

Mk 16:14

Yeso nyaʼa nwìə̀ chwi i ɨnyod əmbɨ mə̀mə̀ə̀nɨ̀-ɨnû mbe wum chɔ̀b mɔʼ ənɨ mbɨ nyaʼə jɨgə. Wɨ̀ nyaʼa ghàm əbɔʼ mɨ̀mə̌d ɨmbə̀ʼ ɨchî nɨ chəi mbɨ nyaʼa berɨ ɨbenɨ bə̀ fɔrɨ ɨmbə̀ʼ ɨchî nɨ fîŋ tɨ mɨ̀mə̌d nyaʼa tu. Wɨ̀ nyaʼa ghɨ̀ əne ɨmbə̀ʼ ɨghəm nɨ chəi mbɨ nyaʼa ben ɨnû mbe nɨ bə̂d mbe nɨ nyaʼa zə əməd ənɨ wɨ̀ nyaʼa fə zwemə, nyaʼə ghàə̀.

Ɨnû 1:4

À yɨə mɔ̌ Jɔ̌n ŋwaʼnɨ ə̀ŋwàʼnɨ̀ zɔ̂ əmbɨ rɨfetɨ bə̂d Kristo te sambe nɨ yeʼ əbà əbeŋ ze rɨ ə Esià. Məd we nɨ yeʼ rɨ̀nîn, nɨ nyaʼa bei əŋgu, nɨ bɨrɨ wɨrɨ yeʼe, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Ɨzwî mbe sambe nɨ yeʼ ɨfě ətən ɨfɔ̀n əməd bə ghɨ̀ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

1 Kɔrèn 15:5

Wɨ̀ nyaʼa jwɨ̀ ɨfě Pità, bə̀ jwɨ̀ ɨfě bə̂d tom mbe wum chɔ̀b rɨbe.

Jn 20:26

Kàb nyaʼa chè ɨfibɨ̀. Mə̀mə̀ə̀nɨ̀-ɨnû Yeso nyaʼa yì wò fetɨ ɨŋga nəb. Tomas wɨə nyaʼa əbɔʼ mɨ̀mə̌d. Mbɨ nyaʼa fə̀n mɨchû nəb, àyɨə Yeso nyaʼa jwɨ̀ təm ɨfě mɨ̀mə̌d ghà ni, “Mbə̀ chub ənɨ əbɔrəbɔd.”

Jn 16:33

Mə fə ghà ɨnû mbɔ̂ ɨ nən ɨmbə̀ʼ mbə̀ chub ənɨ əbɔrəbɔd ɨchî nɨ mbə̀ yeʼ ənɨ ənû ə mɔʼ mbɨ num. Mbə bɨrɨ zə ŋgəʼ ɨŋga ɨsɨg wɔ̂, àyɨə mbə̀ yim fîŋ, mə fə baŋ ɨsɨg!”

Jn 14:27

“Mə sàŋ əbɔrəbɔd ɨ nən. Mə bə̀ nàʼ mɨ əbɔrəbɔd ɨ nən. Chəi mə naʼ ɨchî nɨ ɨsɨg ə nàʼə̀. Tɨ tə fîŋ tɔb i əwən. Tɨ mbə̀ bɔ ə.

Matìyò 10:13

Bə̂d mbe rɨŋga nəb ze mɨ nɨŋ əwən, ə əbɔrəbɔd ə bɨrɨ tən ɨŋga nəb ze. À mɨ yeʼ ni chəi mbɨ nɨŋ əwən, njɨ ə əbɔrəbɔd ə bɨrɨ wɨrɨ tən i ɨ nən.

Ɨ̀fàʼì 1:3

Ənɨ wɨ̀ nyaʼa fə zə ŋgəʼ, kwɨ, wɨrɨ zwemə, wɨ̀ nyaʼa chwi i ɨnyod əmbɨ mɨ̀mə̌d ənɨ ɨnweenɨ nɔnɔʼ ɨmbə̀ʼ mbɨ kyerɨ ni tə wɨ ɨkǎ. Ɨ wɨə nyaʼə jwɨ̀ ɨfě mɨ̀mə̌d ɨŋga ɨni ɨwum kwè. Wɨ̀ nyaʼa mɨ jwɨ̀, wɨ̀ ghà əmbɨ mɨ̀mə̌d ɨmbə̀ʼ ənû ɨfɔ̀n ə Ŋwiə̀.

1 Kɔrèn 15:7

Wɨ̀ nyaʼa bə̀ yì jwɨ ɨfě Jems. Ənɨ əgha ə nyaʼa saarɨ, wɨ̀ nyaʼa bə̀ jwɨ̀ ɨfě bə̂d tom mɨ̀jìm.