Lk 20:25 - Meta’

²⁵ Wɨ̀ nyaʼa ghà əmbɨ mɨ̀mə̌d ni, “Əne mbə̀ naʼ ɨghɨ Kaisà əmbɨ Kaisà, bə̀ nàʼ mbɨ Ŋwiə̀ əmbɨ ə Ŋwiə̀.”

Ikan feg

²⁵ Yeso ya si ghà inɔb gha, “Mbə̀ naʼa ighi Kayisà abə Kayisà bə̀ nàʼ ighi Ŋwiye abə Ŋwiye.”

Lk 20:25 交叉引用

1 Kɔrèn 10:31

Əne, kɨ̀ à jɨg, kɨ̀ à nɔ, kɨ̀ à ghɨ ənû ə mɔʼɔ, ghɨ ɨnû mbe jìm ɨmbə̀ʼ wumnɨ ə Ŋwiə̀.

Ɨ̀fàʼì 5:29

Àyɨə Pità mbɨ ə bə̂d tom Kristo mbə nyaʼa wiirɨ ni, “Tɨ̀ berɨ zuunɨ ə Ŋwiə̀, kaʼi bə̂d.

Mk 12:17

Yeso nyaʼa ghà əmbɨ mɨ̀mə̌d ni, “Mbə̀ naʼ ɨghɨ Kaisà əmbɨ Kaisà, bə̀ nàʼ ɨghɨ Ŋwiə̀ əmbɨ ə Ŋwiə̀.” Mbɨ nyaʼa kàŋ yiirɨ ɨchî nɨ wɨ̀ nyaʼa wiirɨ ɨŋgam we.

Matìyò 22:21

Mbɨ nyaʼa wììrɨ̀ ni, “À yɨ wɨ Kaisà.” Əne wɨ̀ nyaʼa ghà əmbɨ mɨ̀mə̌d ni, “Mbə̀ nàʼ ɨghɨ Kaisà əmbɨ Kaisà, bə̀ nàʼ ɨghɨ Ŋwiə̀ əmbɨ ə Ŋwiə̀.”

Matìyò 17:27

Àyɨə ɨmbə̀ʼ tɨ fîŋ bə̂d mbɔ̂ bə i, ndə̀ wò màʼ saʼ ɨŋga ə sà. Ɨgwi rɨtu we nɨ à gywɨ̌, fiʼ ɨchû ɨməd, à bɨrɨ zə ɨkab ətənɨ ɨŋga. Chɨ ɨkab we wò nàʼ əmbɨ mɨ̀mə̌d ənɨ e ɨghəm bə̀ fɔrɨ ənɨ wum.”

1 Pità 4:11

Wə̀d mɔʼɔ mɨ yeʼə ghà ɨŋgam Ŋwiə̀, wɨ̀ gha àmei ənû ze nɨ Ŋwìə̀ gha ɨ bɔ. Wɨ̀ mɔʼɔ mɨ yeʼə fàʼə̀, wɨ̀ faʼ àmei ənɨ ɨka we nɨ Ŋwìə̀ naʼ ɨ bɔ, ɨmbə̀ʼ ənɨ ɨnû jìm, bə̂d mbe tɨ̀ mbɨ yiirɨ ə Ŋwiə̀ ənjìm ə Yeso Kristo. Ɨwumnɨ jìm mbɨ ɨka jìm yɨ wɨ məd koŋ koŋ. À yɨ əne.

Lk 20:24

“Mbə̀ chwi ɨkab ətənɨ mɔʼɔ ɨ num.” Mbɨ nyaʼa chwi ɨ bɔ. Əne wɨ̀ nyaʼa biirɨ əmbɨ mɨ̀mə̌d ni, “Ɨfě wɔ̂ mbɨ ɨkum wɔ̂ kɨ wɨ̀ we?” Mbɨ nyaʼa wììrɨ̀ ni, “À yɨ wɨ Kaisà.”