Lk 18:7 - Meta’

⁷ Əsob mɨ̀sàʼi rɨbɔ̀ŋ we mɨ yeʼə ghɨ̀ əne, njɨ ka Ŋwìə̀ wa bɨrɨ weerɨ i bə̂d ɨməd mbe nɨ wɨ̀ chɔʼɔ, ɨchî nɨ mbɨə zə̀ʼ ɨ bɔ əziə mbɨ ɨzimɨ ə? Wɨ̀ wa bɨrɨ tàndɨ̀ bɔŋ weerɨ mɨ̀mə̌d ə?

Ikan feg

⁷ Mbə̀ kɔ̀ndi gha chəyi Ŋwiye biri ghì anug ne koʼi abə bəd mbe ne wì chɔʼi? Mbɔb ya dèghè inug ibo ineg ijìm, tisi fɔrɔ tizimi. Mbə̀ kɔ̀ndi gha wì biri chìkì nyumə̀?

Lk 18:7 交叉引用

2 Pità 3:9

Chəi Ə̀nùŋɨ̀sɨg ə kɨə chəkɨə nyumə̀ bɔŋ ghɨ ɨnû mbe nɨ wɨ̀ kaʼi, ɨchî nɨ bə̂d mɔʼɔ ə kɔndɨə ni ɨ wɨə chə̀kɨ̀ə̀. Àyɨə məd wɨə yimə fîŋ mbɨ nən ɨmbə̀ʼ ɨghəm nɨ chəi wɨ̀ kəb ni wə̀d mɔʼɔ nim. Wɨ̀ kə̀b yeʼ ni wə̀d jìm beŋ i fîŋ, waʼ mbi ɨnû rɨbɔ̀ŋ.

Lk 11:13

Əne mbə̀n mbe nɨə ghɨ̀ ɨnû rɨbɔ̀ŋ mɨ kyerɨ ɨchî nɨ naʼ ɨghɨ chɔ̀m əmbɨ mbə bɔn, njɨ ə Mbǎʼ nɨ yeʼ ɨkaŋ bɨrɨ kaŋ naʼ Əzwî ə Zeŋɨ əmbɨ ə bə̂d mbe nɨ nɔn ɨ bɔ!”

1 Timotì 5:5

Ɨku əyi we nɨ chəi wə̀d nɨə nəŋgɨ əməd, nɨ yeʼ tə̀zìʼ wi, fə nùŋ ti rɨkɔndɨ ɨgun ə Ŋwiə̀. Ɨ wɨə wò ɨmbì nɔn ɨnû rɨ əmbɨ ə Ŋwiə̀ bə̀ kɔ̀ŋgɨ̀ əməd ɨzimɨ mbɨ əziə.

Ɨnû 6:10

Mbɨ nyaʼa kyeŋ ənɨ ə gɨ̂ nɨ kǎ ni, “Ə̀tùmbɨ̀ ɨsɨg nɨ zeŋɨ màànɨ̀, nɨə ghɨ̀ ɨnû mbe nɨ wɨ̀ ghǎ, əgha ə kɨə wo sa rɨ ye bɔŋ à sob ɨsaʼi bə̂d mbe nɨ yeʼ ɨgwɨ ə si əne wì ɨchî nɨ mbɨ nyaʼa zwiirɨ əwa ə?”

2 Tès 1:6

Ŋwìə̀ wɨə ghɨ̀ ɨnû nɨ kuʼnɨ, əne wɨ̀ bɨrɨ chə bə̂d mbe nɨə chə əwən.

Lk 2:37

Wɨ̀ nyaʼa chub ənɨ ɨku əyi pè ənɨ wɨ̀ nyaʼə sɨ ɨghəm ɨwu ɨwum famɨ chɔ̀b rɨkwè. Chəi wɨ̀ nyaʼə jwɨ̀ rɨŋga mbàn Ŋwìə̀. Ɨ wɨə nyaʼə wumnɨ ə Ŋwiə̀, chubə zɨ rɨ jɨg bə̀ kɔŋgɨ ə Ŋwiə̀ əziə mbɨ ɨzimɨ.

Matìyò 7:11

Əne mbə̀n mbe nɨə ghɨ̀ ɨnû rɨbɔ̀ŋ mɨ kyerɨ ɨchî nɨ naʼ ɨghɨ chɔ̀m əmbɨ mbə bɔn, njɨ ə Mbǎʼ we nɨ yeʼ ɨkaŋ bɨrɨ kaŋ naʼ ɨghɨ chɔ̀m əmbɨ ə bə̂d mbe nɨ nɔnɨ!

Ɨnû 18:20

Bə̂d mɨ̀jìm mbe nɨ yeʼ ɨkaŋ, mbə̀ ghaʼrɨ əwən ɨmbə̀ʼ ɨghəm nɨ Ŋwìə̀ fə nimnɨ əməd! Bə̂d Ŋwiə̀, bə̂d tom mbɨ ə bə̂d ɨ̀kə̀n, mbə̀ ghaʼrɨ əwən ɨmbə̀ʼ ɨghəm nɨ Ŋwìə̀ fə zɨ̀ ɨsaʼi ɨgwɨ məd ɨmbə̀ʼ ɨnû mbe nɨ wɨ̀ nyaʼa ghɨ̌ ənɨ ə nən!”

1 Tèsàlonikà 3:10

Tɨ̀ wɨə kɔ̀ŋgɨ̀ ə Ŋwiə̀ ənɨ ta fîŋ rɨjìm əziə mbɨ ɨzimɨ ni tɨ̀ we tɨ̀ rɨ wɨrɨ zə əwən əne ghɨ̀ mbə jeŋgɨ berɨ əghɨ ze nɨ kɨrɨ buʼ ɨchî nɨ mbə̀ nuŋ fîŋ ɨgun ə Kristo.

Kòlosè 3:12

Əne mbə̀n mbe nɨ Ŋwìə̀ fə chɔʼ ni mbə̀ yeʼ mbi bə̂d berɨ yeʼ bə̂d zeŋɨ nɨ wɨ̀ ghaʼi kwàʼ rɨŋgəʼ. Mbə berɨ diirɨ bə̂d cherə. Mbə berɨ berɨ ɨbɔŋ fîŋ. Mbə berɨ berɨ bɔtɨ ɨnyod. Mbə berɨ berɨ ɨbɔtɨ fîŋ bə̀ berɨ ɨyim fîŋ.

Rm 8:33

À kɨə we nɨ bɨrɨ zɨ ɨsaʼi ɨgun ə bə̂d mbe nɨ Ŋwìə̀ chɔʼ ə? À yɨə Ŋwìə̀ benɨ ni mbɨ fə təm kùʼnɨ̀.

Ɨnû 7:15

Əne ɨ mbɨ ɨfě ətən ɨfɔ̀n ə Ŋwiə̀ fàʼ ɨ bɔ əziə mbɨ ɨzimɨ ɨŋga mbàn məd. Məd we nɨ chub ɨgun ətən ɨfɔ̀n bɨrɨ kubrɨ mɨ̀mə̌d.

Tayitùs 1:1

À yɨə mɔ̌ Pɔ̂l, nɨ mə yeʼ wə̀d ə̀fàʼì Ŋwìə̀ bə̀ yeʼ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Ŋwìə̀ nyaʼa chɔʼ əmɨ ni mə ghɨ̀ ni ɨbenɨ bə̂d mbe nɨ wɨ̀ chɔʼɔ wɨ kaanə, bə̀ ghɨ̀ ni mbɨ kyerɨ rəsìʼ we nɨ bɨrɨ ghɨ ni mbɨ chub ɨchî nɨ Ŋwìə̀ kə̀bɨ.

2 Timotì 1:3

Mə wɨə nàʼə̀ məben-əwe əmbɨ ə Ŋwìə̀ we nɨ mɨə fàʼ ɨ bɔ mbɨ mɨ fîŋ nɨ zeŋɨ. Mə wɨə ghɨ̀ əne ɨchî nɨ mbɨ mɨ̀mbǎʼ rəŋwe nyaʼə bə̀ ghɨ̀ə̀. Mə wɨə kɔndɨ əwe ənɨ mɨ̀nyùmə̀ jìm mbe nɨ mɨə kɔ̀ŋgɨ̀ ə Ŋwiə̀ ɨzimɨ mbɨ əziə.

Matìyò 24:22

À mɨ yeʼ nɨ chəi Ŋwìə̀ nyaʼa fə be sobrɨ ɨnun ɨni mbe, njɨ chəi wə̀d mɔʼɔ bɨrɨ jwɨ rəŋgəʼ. Wɨ̀ bɨrɨ wom sobrɨ ɨnun ɨni mbe ɨmbə̀ʼ ɨghəm bə̂d mbe nɨ wɨ̀ nyaʼa fə chɔʼɔ.

Matìyò 24:24

Mə wɨə ghà əne ɨmbə̀ʼ ɨghəm nɨ bə̂d mbe nɨ Ŋwìə̀ zɔʼɔ mɨ̀ghab mbɨ ə bə̂d ɨ̀kə̀n Ŋwiə̀ mɨ̀ghab bɨrɨ nɨ jwɨ̀, əne ghɨ̀ ɨnweenɨ-ɨnû ka ka bə̀ ghɨ̀ ɨnû yiirɨ, ɨmbə̀ʼ ɨchî mɨ chwiə, mbɨ fèbrɨ̀ bə̂d mbe nɨ Ŋwìə̀ fə chɔʼɔ.

Lk 21:28

Ɨnû mbɔ̂ mɨ kɔ ghɨ̌, mbə̀ nɔ mbə ɨtu neŋ ɨkaŋ, ɨmbə̀ʼ ɨghəm nɨ nyùmə̀ we nɨ mbɨ bɨrɨ choʼ mbə ɨtu fə tiinɨ.”

2 Timotì 2:10

Əne mə wɨə nyìʼ əton ɨnû jìm ɨmbə̀ʼ bə̂d mbe nɨ Ŋwiə̀ chɔʼɔ jwɨ rəŋgəʼ bə̀ berɨ ɨwumnɨ we nɨ ten i koŋ ɨchî nɨ mbɨ yeʼ ənɨ ɨfɔtɨ mbɨ Kristo Yeso.

1 Pità 1:1

À yɨə mɔ̌ Pità, nɨ mə̀ yeʼ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ə bə̂d mbe nɨ Ŋwiə̀ chɔʼɔ, nɨ yeʼ ɨ̀nɔ̀ʼɔ̀ mbe nɨ jaŋ ɨŋga Pontùs, ɨŋga Gàlesià, ɨŋga Kàpàdosià, ɨŋga Esià bə̀ fɔrɨ ɨŋga Betinià.