Jn 6:57 - Meta’

⁵⁷ Ɨchî nɨ Mbǎʼ we nɨ yeʼ ɨkǎ nyaʼa tom əmɨ, əne mə wɨ ɨkǎ ɨmbə̀ʼ əməd. Əzɔ̂ ə chwi ni wə̀d we nɨ kud mɨ nyamnyod bɨrɨ bɨ yeʼ ɨkǎ ɨmbə̀ʼ əmɨ.

Ikan feg

⁵⁷ Icheg ne ìmə Mbaʼ we ne yaʼi izɔm ya cha amə, mə we izɔm imbə̀ʼ aməd. À ya bə̀ icheg ne wə̀d ne kuri ìmə nyàmnyɔd biri bə yaʼ ika imbə̀ʼ amə.

Jn 6:57 交叉引用

Gàlesìyà 2:20

əne kaʼi mɔ̌ yeʼ ɨkǎ. Wə̀d we nɨ yeʼ ɨkǎ yɨə Kristo we nɨ yeʼ ɨŋga num. Ɨ̀tènɨ̀ we nɨ mə berɨ tɨ̀nîn yɨ ɨmbə̀ʼ ɨchî nɨ mə̀ nuŋ fîŋ ɨgun ə Wan Ŋwìə̀ we nɨ nyaʼa ghaʼ əmɨ əne nàʼ i ɨnyod ənɨ əghɨ ə̀fà ɨmbə̀ʼ əmɨ.

Jn 5:26

Ɨchî nɨ ɨ̀tènɨ̀ yeʼ ɨŋga Mbǎʼ ziə, məd wɨə nàʼ ɨ̀tènɨ̀ əmbɨ ə bə̂d, əne wɨ̀ fə bə̀ ghɨ̀ ni Wan nàʼ ɨ̀tènɨ̀ əmbɨ ə bə̂d.

Jn 17:21

Mə wɨə kɔ̀ŋgɨ̀ əwe ni mɨ̀mə̌d mɨjìm yeʼ ənɨ ənû ə mɔʼ. Mɨ Mbǎʼ, mə kə̀b mbɨ yeʼ ənɨ ənû ə mɔʼ mbɨ na ɨchî ɨ ni à yeʼ ənɨ ənû ə mɔʼ mbɨ num, mə bə̀ yeʼ ənɨ ənû ə mɔʼ mbɨ ne. Zɨə yeʼ əne ɨmbə̀ʼ ɨsɨg we tɨ̀ wɨ ben ni à yɨ àwɔ̀ nyaʼa tom əmɨ.

1 Jɔn 4:9

Ŋwìə̀ wɨə chwi ɨchî nɨ wɨ̀ ghaʼ əwa əni: Wɨ̀ nyaʼa tom i Wan we mɔʼ ɨŋga ɨsɨg ɨmbə̀ʼ tɨ̀ we tɨ̀ rɨ̀ chè ənjìm məd jɨg ɨ̀tènɨ̀.

Jn 3:17

Ŋwìə̀ nyaʼa tom i Wan ɨŋga ɨsɨg, kaʼi ni wɨ̀ zɨ ɨsaʼi ɨgwɨ ə bə̂d rɨŋga ɨsɨg, àyɨə ni bə̂d rɨŋga ɨsɨg mbe tɨ̀ mbɨ chè ənjìm məd jwɨ̀ rəŋgəʼ.

1 Tèsàlonikà 1:9

ɨmbə̀ʼ ɨghəm nɨ bə̂d mbe nɨ yeʼ ɨŋga ɨba ɨbeŋ mbe fə ghà mbənə mbənə ɨmbə̀ʼ ɨkwɨ ɨchî nɨ mbə̀ nyaʼa nɨŋ əwa əkaʼ nən. Mbɨ fə bə̀ ghà ɨmbə̀ʼ ɨchî nɨ mbə̀ nyaʼa ton ənû nɨ wumnɨ mbɨ̀anèŋ sɨ bèŋ kɔ wumnɨ ə Ŋwiə̀ we nɨ yeʼ ɨka bə̀ yeʼ wɨ rəsìʼ.

2 Kɔrèn 13:4

Mbɨ nyaʼa kombɨ əməd əzed ə baʼnɨ ənɨ ə nyùmə̀ we nɨ wɨ̀ nyaʼa bɔrɨ, àyɨə ɨ wɨ ɨkǎ ənɨ ɨka Ŋwiə̀. Ɨchî nɨ tɨ̀ yeʼ ənɨ ɨfɔtɨ mbɨ məd, tɨ̀ bə̀ bɔd, àyɨə ɨchî nɨ tɨə fàʼ ɨ nən, tɨ̀ bɨrɨ chubɨ mbɨ məd ənjìm ɨka Ŋwiə̀.

1 Kɔrèn 15:22

Bə̂d mɨ̀jìm berɨ kwɨ ɨchî nɨ mbɨ yeʼ ənɨ ɨfɔtɨ mbɨ Adàm, əne bə̂ bə̂d mɨ̀jìm bɨrɨ chub ɨkǎ ɨchî nɨ mbɨ yeʼ ənɨ ɨfɔtɨ mbɨ Kristo.

Jn 14:19

À sɨ bùʼ ɨkə nyumə̀, chəi ɨsɨg bɨrɨ wɨrɨ zə əmɨ, àyɨə mbə bɨrɨ zə əmɨ. Ɨchî nɨ mə yeʼ ɨkǎ, əne bə̂ mbə bɨrɨ bɨ yeʼ ɨkǎ.

Jn 14:6

Yeso nyaʼa wììrɨ̀ ɨ bɔ ni, “Mɔ̌ yɨə ɨnə̂njɨ̀ fɔrɨ rəsìʼ bə̀ fɔrɨ ɨ̀tènɨ̀. Chəi wə̀d mɔʼɔ nɨ tɨ̀ wɨ̀ wò əsɨ mɨ Mbǎʼ kɨrɨ ənɨ wɨ̀ che ənɨ mɨ njìm.

Matìyò 16:16

Saimon Pità nyaʼa wììrɨ̀ ni, “Àwɔ̀ yɨə Wə̀d we nɨ Ŋwiə̀ zɔʼɔ, yeʼ Wan Ŋwìə̀ we nɨ yeʼ ɨkǎ.”

Mə̀Hibrù 9:14

njɨ ənəm ə Kristo ə bɨrɨ zeŋnɨ əwa chè. Əzwî ze nɨ ten i koŋ ə nyaʼa ghɨ̀ ni Kristo naʼ i ɨnyod əmbɨ ə Ŋwiə̀ ənɨ əghɨ ə̀fà nɨ chəi ənɔʼɔ ɨmbə̀ʼ zeŋnɨ ta fîŋ tɨ ənɨ ɨnû rɨbɔ̀ŋ mbe nɨə ghɨ̀ ni bə̂d kwɨ. Əne yɨ ɨmbə̀ʼ tɨ̀ faʼ əmbɨ ə Ŋwìə̀ we nɨ yeʼ ɨkǎ.

Jn 6:29

Yeso nyaʼa wììrɨ̀ əmbɨ mɨ̀mə̌d ni, “Ənû ze nɨ Ŋwìə̀ kəbɨ yɨ ni: mbə̀ ben wə̀d we nɨ wɨ̀ nyaʼa tomɨ.”

Jn 6:38

ɨmbə̀ʼ ɨghəm nɨ mə nyaʼa swiʼi rɨkaŋ yeʼe. Chəi mə̀ nyaʼa swiʼi yeʼe ɨmbə̀ʼ ghɨ ɨnû mbe nɨ mə kəbɨ. Mə nyaʼa swiʼi yeʼe ɨmbə̀ʼ ghɨ mbe nɨ wə̀d we nɨ nyaʼa tom əmɨ kəbɨ.

1 Kɔrèn 15:45

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ɨ̀tènɨ̀ wɨə nyaʼa ɨŋga Adàm nɨ nyaʼə wə̀d rɨtu.” Adàm we nɨ sɨ nwìə̀ yɨ Əzwî nɨə nàʼ ɨ̀tènɨ̀.