Jn 13:31 - Meta’

³¹ Ənɨ Judàs nyaʼa fə jwɨ i, Yeso nyaʼa ghà ni, “Nyùmə̀ fə kùʼi nɨ mbɨ bɨrɨ wumnɨ Wan Wə̀d, bə̀ wumnɨ ə Ŋwiə̀ ənjìm məd.

Ikan feg

³¹ Anyumə̀ ne Judàs ya fə gho, Yeso ya gha, “Nyùmə̀ fə kòʼ ne mbi biri ghumni Ŋwan Wə̀d bə̀ ghùmnə Ŋwiye anjìm məd.

Jn 13:31 交叉引用

1 Pità 4:11

Wə̀d mɔʼɔ mɨ yeʼə ghà ɨŋgam Ŋwiə̀, wɨ̀ gha àmei ənû ze nɨ Ŋwìə̀ gha ɨ bɔ. Wɨ̀ mɔʼɔ mɨ yeʼə fàʼə̀, wɨ̀ faʼ àmei ənɨ ɨka we nɨ Ŋwìə̀ naʼ ɨ bɔ, ɨmbə̀ʼ ənɨ ɨnû jìm, bə̂d mbe tɨ̀ mbɨ yiirɨ ə Ŋwiə̀ ənjìm ə Yeso Kristo. Ɨwumnɨ jìm mbɨ ɨka jìm yɨ wɨ məd koŋ koŋ. À yɨ əne.

Jn 14:13

Mə bɨrɨ ghɨ ənû ə mɔʼɔ ze nɨ mbə̀ biirɨ ənɨ mɨ ɨkum, ɨmbə̀ʼ ə bə̂d wumnɨ ə Mbǎʼ ənjìm ə Wan.

Jn 7:39

Yeso nyaʼa ghà ənû zɔ̂ bə̀ ghà ɨmbə̀ʼ Əzwî ə Ŋwiə̀ ze nɨ nyaʼa berɨ nyɨ ɨgun ə bə̂d mbe nɨ nyaʼa ben əməd. Ɨ pe ənɨ ə nyùmə̀ we, chəi Ŋwìə̀ nyaʼa kɨrɨ cha e Əzwî ɨgwɨ ə bə̂d, ɨmbə̀ʼ ɨghəm nɨ chəi wɨ̀ nyaʼa kɨrɨ naʼ ɨwumnɨ we nɨ yeʼ wɨ Yeso ɨ bɔ.

1 Pità 1:21

Mbə̀ fə chè ənjìm məd ben ə Ŋwiə̀ nɨ nyaʼa zwemnɨ əməd bə̀ naʼ ɨwumnɨ ɨ bɔ. À yɨ əton nɨ mbə berɨ nuŋ tə fîŋ bə̀ nùŋ tə rɨkɔndɨ àmei ɨgun ə Ŋwiə̀.

Efesùs 3:10

Wɨ̀ nyaʼa ghɨ̀ əne, ɨmbə̀ʼ tɨ̀nîn, ənjìm ɨfetɨ bə̂d Kristo, ɨzwî ka ka mbe nɨ yeʼ ɨkaŋ fɔrɨ mɨfɔ̂n mɨ̀mə̌d mbe tɨ mbɨ zə ɨwe Ŋwiə̀ ənɨ mɨnə̂njɨ̀ nɔnɔʼ.

Ɨ̀fàʼì 3:13

Ŋwìə̀ Abràham, Ŋwìə̀ Aizìk mbɨ Ŋwìə̀ Jakɔ̂b, Ŋwìə̀ mba mɨ̀mbǎʼ rəŋwe nyaʼa wumnɨ i wə̀d ə̀fàʼì Yeso we nɨ mbə̀ nyaʼa yimɨ nàʼ ni mbɨ zwiirɨ. Mbə nyaʼa bə̀ ton əməd ɨfě Pailèt ənɨ wɨ̀ nyaʼa fə nuŋ ɨŋga i fîŋ ni tə bɨrɨ saŋ əməd wɨ̀ wò i.

Ɨ̀fàʼì 2:36

“Əne mɨ̀Izre mɨ̀jìm kyerɨ ni à yɨə kwàʼ rəsìʼ ni Ŋwìə̀ nyaʼa fə nùŋ ə Yeso wɔ̂ nɨ mbə̀ nyaʼa kombɨ əzed ə baʼnɨ ənɨ Ə̀nùŋɨ̀sɨg bə̀ fɔrɨ ənɨ Wə̀d we nɨ wɨ̀ zɔʼɔ.”

Jn 16:14

Wɨ̀ bɨrɨ wumnɨ əmɨ ɨmbə̀ʼ ɨghəm nɨ wɨ̀ bɨrɨ nɨŋ ɨnû mbe nɨ mə̀ gha ɨ bɔ ghà ɨ nən.

Jn 12:23

Yeso nyaʼa wììrɨ̀ əmbɨ mɨ̀mə̌d ni, “Nyùmə̀ fə kùʼi nɨ Ŋwìə̀ bɨrɨ ghɨ ni mbɨ wumnɨ Wan Wə̀d.

Jn 11:4

Ənɨ Yeso nyaʼa zu ənû zɔ̂, wɨ̀ nyaʼa ghà ni, “Kaʼ Lazarɔ̀s bɨrɨ kwɨ i ɨmbə̀ʼ əwɔn zɔ̂. Àyɨə zɨə bɨrɨ ghɨ ni bə̂d wumnɨ ə Ŋwiə̀ bə̀ wumnɨ Wan Ŋwìə̀.”

Fìlipì 2:11

Wə̀d jìm bɨrɨ ben əsaŋ əsaŋ ni Yeso Kristo yɨ Ə̀nùŋɨ̀sɨg, ɨmbə̀ʼ bə̂d mɨ̀jìm wumnɨ ə Ŋwìə̀ Mbǎʼ.

Efesùs 2:7

Wɨ̀ nyaʼa ghɨ̀ əne, ɨmbə̀ʼ ənɨ nyùmə̀ we nɨə yeʼe, məd we tɨ wɨ̀ chwiə ni chəi ənɨ tɨ mbɨ mɨg ɨ̀chɔ̀m məd we nɨ kaŋ nɔʼ, ɨchî nɨ wɨə ghɨ̀ ɨ̀chɔ̀m we ənɨ ə na ənjìm ə Kristo Yeso.

Efesùs 1:12

Wɨ̀ nyaʼa ghɨ̀ əne ɨmbə̀ʼ mbà mbe nɨ tɨ̀ nyaʼa bə̂d rɨtu nɨ nùŋ ɨkɔndɨ ɨgun ə Kristo yiirɨ ə Ŋwiə̀.

2 Kɔrèn 3:18

Mba mɨjìm mbe nɨ chəi ngywɨ̌ kən ta rɨfě, nɨ tɨə zə ɨzeŋɨ zeŋɨ Ə̀nùŋɨ̀sɨg ɨchî nɨ wɨə mèŋnɨ̀ ɨghabɨ ni à yɨ ɨŋga əneŋ ɨfě, fə bèŋ ɨghabɨ əməd ɨchî nɨ tɨə teə wò ɨmbì ɨmbì. Ɨzeŋɨ zeŋɨ we yɨ rɨ əmbɨ Ə̀nùŋɨ̀sɨg we nɨ yeʼ Əzwî.

Jn 12:28

Mɨ Mbǎʼ, ghɨ ni bə̂d wumnɨ əwe!” Ənɨ wɨ̀ nyaʼa ghà əne, gɨ̂ mɔʼɔ nyaʼa ghàm rɨkaŋ ghà ni, “Mə fə ghɨ̀ ni bə̂d wumnɨ əmɨ. Mə bɨrɨ wɨrɨ ghɨ əne ɨghəm cherə.”

Lk 12:50

Mə bɨrɨ nɨŋ mɨnib mɔʼɔ, əne chəi mɨ fîŋ bɨrɨ chub ənɨ əbɔrəbɔd pè ənɨ mə fə maanɨ!

Matìyò 8:20

Yeso nyaʼa ghà ɨ bɔ ni, “Kyerɨ ni mɨ̀seŋə ə berɨ tə rɨbɨgɨ, tɨnən bə̀ berɨ tə kàn, àyɨə chəi Wan Wə̀d berɨ əsɨ nɨ nuŋ e ətu əŋgu.”

1 Pità 2:12

Mbə mɨchî əkaʼ bə̂d mbe nɨ kaʼi mɨ̀Jû berɨ bɔ̀ŋ, ɨmbə̀ʼ ka mbɨ bè gha ə ni mbə yɨə bə̂d nɨə ghɨ̀ ɨnû rɨbɔ̀ŋ, mbɨ bɨrɨ zə ɨnû chɔ̀m mbe nɨ mbə̀ə ghɨ̀ əne yiirɨ ə Ŋwiə̀ əni ze nɨ wɨ̀ bɨrɨ wɨrɨ yeʼe.