Jn 13:21 - Meta’

²¹ Ənɨ Yeso nyaʼa fə gha ɨnû mbɔ̂, fîŋ məd nyaʼa kɔ tɔb əməd əne wɨ̀ nyaʼa gha əsaŋ əsaŋ ni, “Mə ghà rəsìʼ ɨ nən ni wə̀d mɔʼɔ rəbɔʼ nən bɨrɨ fen əmɨ.”

Ikan feg

²¹ Yeso ya ghà inug mbo̰ ane, fìŋ məd nɔ̀ʼ ko se nàʼà ngəʼ ibo. Wì ya si ghà asaŋ asaŋ gha, “Mə gha kwàʼ tesiʼ inən, wə̀d mɔ̀ʼɔ abɔ̀ʼ inən biri fèn amə.”

Jn 13:21 交叉引用

Matìyò 26:21

Ənɨ mbɨ nyaʼə jɨgə, wɨ̀ nyaʼa ghà ni, “Mə ghà rəsìʼ ɨ nən ni wə̀d mɔʼɔ rəbɔʼ nən bɨrɨ fen əmɨ.”

Jn 13:18

“Chəi mɨə ghà ɨnû mbɔ̂ ɨmbə̀ʼ mbə̀n mɨjìm. Mə kyerɨ bə̂d mbe nɨ mə̀ fə chɔʼɔ. Àyɨə ənû ze nɨ yeʼ ɨŋga Ə̀ŋwàʼnɨ̀ ə Ŋwiə̀ ə berɨ jwɨ ənɨ rəsìʼ ni, 'Wə̀d we nɨ nyaʼa jɨgɨ mbɨ num fə bèŋ ənɨ mɨ wə̀d pə̀n'.

Mk 14:18

Ənɨ mbɨ nyaʼə jɨgə, Yeso nyaʼa ghà ni, “Mə ghà rəsìʼ ɨ nən ni wə̀d mɔʼɔ rəbɔʼ nən bɨrɨ fen əmɨ. Təŋgàŋ yɨ we nɨə jɨgə mbɨ num.”

Jn 12:27

Yeso nyaʼa ghà ni, “Tɨ̀nîn mɨ fîŋ zɨə tɔb əmɨ. Mə kɨə wo gha ni yè ə? Tɨ̀ mə ghà ni, mɨ Mbǎʼ, tɨrə̀ ben e ni nyùmə̀ wɔ̂ yeʼe ɨgwɨ num ə? Chə̂, mə nyaʼa yeʼe ɨmbə̀ʼ nyùmə̀ wɔ̂.

Jn 11:33

Ənɨ Yeso nyaʼa zə ɨchî nɨ wɨ̀ nyaʼə dìə̀, bə̀ zə ɨchî nɨ mɨ̀Jû mbe nɨ nyaʼa mbɨ məd nyaʼa bə̀ dìə̀, ənû ze ə nyaʼa betɨ əməd bə̀ tɔb əməd kwàʼ rɨŋgəʼ.

1 Jɔn 2:19

Bə̂d pə̀n mbɔ̂ yɨ rəkaʼ na, àyɨə chə nyaʼa i mɨ̀mə̌d ɨŋga a ɨfɔtɨ. À kɨ nɨ mbɨ nyaʼa rɨŋga a ɨfɔtɨ, njɨ mbɨ nyaʼa chubɨ mbɨ na. Àyɨə mbɨ nyaʼa jwɨ̀ ɨmbə̀ʼ zɨə zeŋ ni chə nyaʼa i mɨ̀mə̌d ɨŋga a ɨfɔtɨ.

Ɨ̀fàʼì 17:16

Ənɨ Pɔ̂l nyaʼə wòm ə Sailàs mbɨ Timotì ə Atèns, fîŋ məd nyaʼa tɔb əməd ɨmbə̀ʼ ɨchî nɨ wɨ̀ nyaʼa zə ni mbɨ̀anèŋ nyaʼa swi ɨŋga əsɨ ze.

Jn 13:2

Ənɨ Yeso mbɨ mbi mə̀mə̀ə̀nɨ̀-ɨnû nyaʼə jɨgə tɨjɨg rɨ ɨkwirɨ, Debɨ̀rə̀ nyaʼa fə zɨ̀ ɨkɔndɨ ɨŋga fîŋ Judàs Iskàriɔ̀t, nɨ yeʼ wan Saimòn, ni wɨ̀ fen ə Yeso.

Jn 11:38

Ənû ze ə nyaʼa yì bètɨ̀ ə Yeso, əne wɨ̀ nyaʼa wò ətu ɨsì ze. Ɨsî we yɨə nyaʼa ɨsum. Mbɨ nyaʼa kubrɨ ɨchû ɨsum we ənɨ ɨti.

Jn 11:35

Yeso nyaʼa chweŋ mɨsɨ.

Mk 3:5

Wɨ̀ nyaʼa nèŋ mɨ̀mə̌d kad nàànɨ̀, sə ɨtəm bə̀ wɨrɨ kə̀n ɨmbə̀ʼ ɨghəm nɨ fîŋ tɨ mɨ̀mə̌d nyaʼa tu. Wɨ̀ nyaʼa ghɨ̀ əne ghà əmbɨ ə mbaŋə̀ ze ni, “Sem e əbɔ.” Wɨ̀ nyaʼa sèm, əne əbɔ əməd ə nyaʼa wɨrɨ kà i.

Matìyò 26:38

Əne wɨ̀ nyaʼa ghà əmbɨ mɨ̀mə̌d ni, “Ə̀kə̀nɨ̀ ə fə kàŋ swi ɨŋga mɨ fîŋ, kəb zwiirɨ əmɨ. Mbə̀ chub əgha, mba mɨnən chub ɨkyèʼe.”

Jn 13:22

Mə̀mə̀ə̀nɨ̀-ɨnû mbe nyaʼa neŋnɨ ɨnyod, sɨə bìd ə wə̀d we nɨ wɨ̀ gha ənû zɔ̂ ɨmbə̀ʼ əməd.