Jn 12:36 - Meta’

³⁶ Ənɨ ɨsɨ ə kɨrɨ zeŋə, mbə̀ nuŋ fîŋ ɨgun ɨzeŋɨ zeŋɨ we, ɨmbə̀ʼ mbə̀ chub ɨŋga ɨzeŋɨ zeŋɨ.” Ənɨ Yeso nyaʼa fə gha ɨnû mbɔ̂, wɨ̀ nyaʼa nɔ̀ʼ rəkaʼ mɨ̀mə̌d wò nə̀mbɨ̀ i.

Ikan feg

³⁶ Ane, mbə̀ zi fìŋ igun ìzḛzḛ we ane isiŋi ya kiri zḛ, imbə̀ʼ ni chughi inga ìzḛzḛ.” Anyumə̀ ne Yeso ya fə mànì ni ghàm, wì ya nɔ̀ʼ sàŋì inɔ̰̀ bəd we, ghò a asiŋi ne chəyi bəd ya kyeri gha məd we angu.

Jn 12:36 交叉引用

Efesùs 5:8

À nyaʼa ənɨ ə nyùmə̀ mɔʼɔ, mbə mbɨə nyaʼa ɨŋga ɨsɨ firɨ, àyɨə tɨ̀nîn nɨ mbə̀ sɨ bə̂d Ə̀nùŋɨ̀sɨg, mbə mbɨ ɨŋga ɨzeŋɨ zeŋɨ. Əne mbə̀ chub ɨghabɨ ə bə̂d nɨ yeʼ ɨŋga ɨzeŋɨ zeŋɨ,

1 Tèsàlonikà 5:5

Mbə̀n mɨjìm mbɨə ghɨ̀ ɨnû nɨ kuʼnɨ àmei ɨchî nɨ bə̂d ə ghɨ̀ əziə ənɨ ɨsɨ ə zeŋə. Ka tɨ yɨ a bə̂d nɨ chəi tɨə ghɨ̀ ɨnû nɨ kuʼnɨ ɨghabɨ mbe nɨə ghɨ̀ ɨnû ɨzimɨ kɨ̀ ɨŋga ɨsɨ firɨ.

Jn 8:59

Ənɨ wɨ̀ nyaʼa gha əne, mbɨ nyaʼa gwe əti ni mbə bɨrɨ tumbɨ əməd əŋgu, àyɨə wɨ̀ nyaʼa nə̀mbɨ̀ i, əne jwɨ̀ i rɨŋga mbàn Ŋwìə̀.

Lk 16:8

“Mbǎʼ ə̀fàʼì we nyaʼa yiirɨ wə̀d kòb we nɨ nyaʼə nəŋgɨ ɨghɨ məd. Wɨ̀ nyaʼa yiirɨ əməd ɨmbə̀ʼ ɨchî nɨ wɨ̀ nyaʼa berɨ ɨwe, ɨmbə̀ʼ ɨghəm nɨ bə̂d rɨŋga ɨsɨg wɔ̂ ə berɨ ɨwe əku nɨ fàʼ mbɨ ə bə̂d mbe nɨ yeʼ ɨghabɨ mɨ̀mə̌d chè mbe nɨ yeʼ ɨŋga ɨzeŋɨ zeŋɨ.”

Jn 11:54

Əne chəi Yeso nyaʼə wɨrɨə yèn əsaŋ əsaŋ əkaʼ mɨ̀Jû. Wɨ̀ nyaʼa nɔ̀ʼ wo əsɨ ze nɨ mbɨ nyaʼə tɔŋ ənɨ ə Efrèm, nɨ nyaʼa ɨban ɨbad rɨkwàʼi. Wɨ̀ nyaʼa pè chub əŋgu mbɨ mbi mə̀mə̀ə̀nɨ̀-ɨnû.

Jn 1:7

Jɔ̌n nyaʼa yeʼe ɨghabɨ zərɨmbin ɨ gha ɨnû ɨmbə̀ʼ ɨzeŋɨ zeŋɨ we. Ɨ wɨə nyaʼə ghà əne ɨmbə̀ʼ bə̂d mɨjìm mbe tɨ̀ mbɨ zu benɨ.

1 Tèsàlonikà 5:8

Àyɨə ɨchî nɨ tɨə ghɨ̀ ɨnû nɨ kuʼnɨ, tɨ̀ yimbɨ a ɨnyod, zɨ̀ fîŋ ɨgun ə Kristo bə̀ ghaʼ mbə bɔŋgɔb àmei ɨghabɨ ɨchî nɨ sɔgyɨ̀ zɨ ə parɨwa ətənɨ nɨ kən ɨgɔ̂. Mbə̀ nùŋ ɨkɔndɨ wòm ɨchî nɨ Ə̀nùŋɨ̀sɨg bɨrɨ chɨ əwa rəŋgəʼ àmei ɨghabɨ ɨchî nɨ sɔgyɨ̀ zɨ ɨdəm ətənɨ nɨ kən ətu.

Jn 3:21

Àyɨə bə̂d mbe nɨə ghɨ̀ ɨnû nɨ kuʼnɨ mbɨə wò ɨŋga ɨzeŋɨ zeŋɨ ɨmbə̀ʼ bə̂d zə ni à yɨə Ŋwìə̀ ə nàʼ ɨka ni mbɨ ghɨ ɨnû mbe nɨ mbɨə ghɨ̀ə̀.”

Matìyò 21:17

Ənɨ wɨ̀ nyaʼa ghà əne, wɨ̀ nyaʼa sàŋ mɨ̀mə̌d, jwɨ̀ rɨŋga əsɨ ze wò ə Betanì, pè ni əŋgu.

Matìyò 5:14

“Mbə yɨ ɨghabɨ ɨzeŋɨ zeŋɨ əmbɨ ɨsɨg. Chəi ənɨ tɨ mbɨ nə̀m əkəm əsɨ ze nɨ yeʼ ɨkaŋ ɨwum.

Jn 8:12

Yeso nyaʼa yì ghà əmbɨ mɨ̀Farisiî ni, “Mɔ̌ yɨ ɨzeŋɨ zeŋɨ əmbɨ ɨsɨg. Mə bɨrɨ naʼ ɨzeŋɨ zeŋɨ we nɨə nàʼ ɨ̀tènɨ̀ əmbɨ wə̀d mɔʼɔ we nɨ beenɨ əbɔʼ num, əne ka məd bɨrɨ nɔ yen i ɨŋga ɨsɨ firɨ.”

Jn 12:37

Ka à bè yeʼi ni Yeso wɨə nyaʼə ghɨ̀ ɨnû yiirɨ nɔnɔʼ əkaʼ bə̂d mbe, chəi mbɨ nyaʼa ben əməd,

Jn 12:46

Mə fə yeʼe ɨŋga ɨsɨg ɨghabɨ ɨzeŋɨ zeŋɨ, ɨmbə̀ʼ tɨ wə̀d mɔʼɔ we nɨ ben əmɨ wɨrɨ chub i ɨŋga ɨsɨ firɨ.