Jn 12:29 - Meta’

²⁹ Ɨnɔ̂n bə̂d we nɨ nyaʼa təmbɨ ɨban ɨban nyaʼa zu gɨ̂ ze. Mbɨ mɔʼɔ nyaʼa zu ghà ni mbə̀ŋ fə kùm, àyɨə mbɨ cherə nyaʼa ghà ni, “Aŋgɨrə̀ fə ghàm ɨ bɔ.”

Ikan feg

²⁹ Inɔ̰ bəd we ne ya yaʼi angu ya zug gì ze ne ya ghàmi. Mbi mɔ̀ʼɔ ya gha, “À ya mbə̀ŋ ze kùmə̀.” Mə̀mbin ya gha, “À ya angirə̀ ghàmi ibo.”

Jn 12:29 交叉引用

Ɨnû 14:2

Mə nyaʼa zu gɨ̂ nɨ gham rɨkaŋ ɨchî nɨ mɨgyɨ̂ nɔnɔʼ ə jùʼə̀ bə̀ fɔrɨ ɨchî nɨ mbə̀ŋ ə kùmə̀ kwàʼ rɨ̀kǎ. Gɨ̂ ze nyaʼa ghàm ɨchî nɨ mə̀buʼ mɨ̀noŋ ə buʼə mbə mɨ̀noŋ ŋgyi.

Ɨnû 11:19

Mbɨ nyaʼa fiʼ mbàn Ŋwìə̀ ze nɨ yeʼ ɨkaŋ, əne bə̂d nyaʼa zə tɨkub ə fɨso ze ɨŋga. Ɨbi mbə̀ŋ wɨə nyaʼə ŋwàŋə̀, gɨ̂ rɨ ghàmə̀, mbə̀ŋ kùmə̀, si wùd, əwəŋ ə feŋgɨ kwàʼ rɨ̀kǎ.

Ɨnû 8:5

Aŋgɨrə̀ we nyaʼa nɨŋ əkaŋ ze, swe ənɨ mbɨ̀akyiwid nɨə ghə̀ʼə̀, maʼ ɨgwɨ ə si. Wɨ̀ nyaʼa chɨ̀ mbɨ̀akyiwid mbe rɨ ənɨ ɨkwi ɨjə̀ŋ ə̀fààrɨ̀ we. Ənɨ wɨ̀ nyaʼa ghɨ̀ əne mbə̀ŋ nyaʼa kùm, gɨ̂ rɨ mɔʼɔ ghàm, ɨbi mbə̀ŋ ŋwàŋ, si bə̀ wùd.

Ɨnû 6:1

Mə nyaʼa zə ənɨ Wan njɨ̀g we nyaʼa kyeʼrɨ ɨneŋ rɨtu rəbɔʼ mɨneŋ mbe sambe. Mə nyaʼa bə̀ zu gɨ̂ əghɨ ə mɔʼ rəbɔʼ ɨghɨ mbe ɨkwè nɨ yeʼ ɨkǎ ɨchî nɨ zɨ̀ nyaʼa gham ɨghabɨ ɨchî nɨ mbə̀ŋ ə kùmə̀. Zɨ̀ nyaʼa ghà ni, “Yeʼe!”

Ɨ̀fàʼì 9:7

Mbaŋə̀ te nɨ nyaʼə yènə̀ mbɨ Sɔ̂l nyaʼa təm mbə̀ŋnə. Mbɨ nyaʼa zu gɨ̂ ze, àyɨə chəi mbɨ nyaʼa zə wə̀d.