Jn 11:28 - Meta’

²⁸ Ənɨ Màta nyaʼa gha ənû zɔ̂, wɨ̀ nyaʼa wò tɔŋ ə Mèri, aŋgɔb məd, nyeʼ chùmbɨ̀ ɨ bɔ ni, “Əchwiə̀-ɨnû wɨ əgha. Ɨ wɨə tɔŋ əwe.”

Ikan feg

²⁸ Màta ya ghàm ane, nɔ̀ʼ bə̀ndì ghò kàrì ìwi ifi, Mèri, jìti ibo gha, “Àchwitìnùg we aŋa. Məd we kə̀bə̀ awe.”

Jn 11:28 交叉引用

Jn 13:13

Mbə mbɨə tɔŋ əmɨ ni 'Əchwiə̀-ɨnû' bə̀ tɔŋə ni 'Ə̀nùŋɨ̀sɨg.' Ənû nɨ mbə̀ gha ə kùʼ, ɨmbə̀ʼ ɨghəm nɨ à yɨə kaŋə wə̀d we nɨ mə yeʼ wɨwən.

Jn 11:20

Ənɨ Màta nyaʼa zu ni Yeso wɨə yeʼe, wɨ̀ nyaʼa jwɨ̀ wò bòm əməd, àyɨə Mèri nyaʼa chub ɨŋga nəb.

Mk 10:49

Yeso nyaʼa təm əne ghà ni, “Mbə̀ tɔŋ əməd.” Ənɨ mbɨ nyaʼa tɔŋ ə mbaŋə̀ ze, mbɨ nyaʼa ghà ɨ bɔ ni, “Bɔtɨ e fîŋ! Nɔʼ rətiə, ɨ wɨə tɔŋ e.”

Jn 21:7

Ə̀mə̀ə̀nɨ̀-ɨnû we nɨ Yeso nyaʼa ghaʼi nyaʼa ghà əmbɨ Pità ni, “À yɨ Ə̀nùŋɨ̀sɨg!” Ənɨ Saimon Pità nyaʼa zu ni à yɨ Ə̀nùŋɨ̀sɨg, wɨ̀ nyaʼa wɨrɨ zɨ̀ ti ngywɨ̌, tòm ɨgyɨ̀ wò əsɨ Yeso. Wɨ̀ nyaʼa bè chɨ̀ ti ngywɨ ɨmbə̀ʼ ɨghəm nɨ wɨ̀ nyaʼa wo fàʼ.

Jn 20:16

Yeso nyaʼa tɔŋ əməd ni, “Mèri!” Mèri nyaʼa bèŋ neŋ əməd ghà ənɨ ɨŋgam Hibrù ni, “Ràbonì,” əne yɨ ni “Əchwiə̀-ɨnû”.

Jn 10:3

We nɨə nəŋgɨ ɨchû ɨkam wɨə fiʼ ɨchû ɨkam we ɨ bɔ. Njɨ̀g te tɨə zuə gɨ̂ məd. Məd ziə wɨə tɔŋə ti njɨ̀g ənɨ rɨkum tɨ mɨ̀mə̌d. Məd wɨə bə̀ nɨŋə njɨ̀g te ni tɨ jwɨ̀ wò kud ɨfu.

Jn 1:45

Filip nyaʼa wò zə ə Natanaèl ghà ɨ bɔ ni, “Tɨ̀ fə zə wə̀d we nɨ Mose mbɨ ə bə̂d ɨ̀kə̀n nyaʼa ŋwàʼnɨ̀ ɨmbə̀ʼ əməd. Məd yɨə Yeso wan Jòsêf. Wɨ̀ yɨ rɨ ə Nazàret.”

Jn 1:41

Ənû nɨ Andrù nyaʼa ghɨ̌ yɨ ni wɨ̀ nyaʼa bè wò zə wi aŋgɔb ghà ɨ bɔ ni, “Tɨ̀ fə zə Wə̀d we nɨ Ŋwìə̀ zɔʼɔ.” (Ɨkum wɔ̂ ənɨ ɨŋgam Grik yɨ ni Kristo).

Lk 22:11

Mbə̀ gha əmbɨ wə̀d nəb ni, 'Əchwiə̀-ɨnû ə biirɨ ni, ətu ə nəb bə̂d rɨ̀sɔ̀ʼɔ̀ nɨ mə bɨrɨ jɨg Əchwɨ̂ ə Che-ɨgun ɨŋga mbɨ mbɨ mə̀mə̀ə̀nɨ̀-ɨnû ə zi ə?'

Mk 14:14

Mbə̀ nyɨ ɨŋga nəb ze nɨ wɨ̀ nyɨ, ghà əmbɨ wə̀d nəb ni, 'Əchwiə̀-ɨnû ə biirɨ ni, Ətu ə nəb ə bə̂d rɨ̀sɔ̀ʼɔ̀ nɨ mə bɨrɨ jɨg Əchwɨ̂ ə Che-ɨgun ɨŋga mbɨ mbɨ mə̀mə̀ə̀nɨ̀-ɨnû ə zi ə?'

Matìyò 26:18

Wɨ̀ nyaʼa ghà əmbɨ mɨ̀mə̌d ni, “Mbə̀ wo əsɨ mbaŋə̀ mɔʼɔ ɨŋga əsɨ ze nɨ yeʼ ɨmbì ɨ nən pè ghà ɨ bɔ ni, 'Əchwiə̀-ɨnû ə ghà ni, Mɨ nyùmə̀ fə kùʼ i. Mə bɨrɨ jɨg Əchwɨ̂ ə Che-ɨgun mbɨ mbɨ mə̀mə̀ə̀nɨ̀-ɨnû ɨŋga e nəb.'”

Mə̀Hibrù 12:12

Əne mbə̀ zə ni mbə ɨbɔ nɨə sɨə bɔrə wɨrɨ kàànɨ̀ bə̀ zə ni mbə̀ sèmbɨ̀ mbə ɨtu ɨnywɨ nɨə bindɨə.

1 Tèsàlonikà 5:11

Əne mbə̀ timbɨ mbə bɔŋgɔb, ghɨ̀ ni ɨbenɨ wə̀d mɔʼ mɔʼ təm kàànɨ. Mbə̀ ghɨ əne àmei ɨchî nɨ mbə̀ə ghɨ̀ rɨ̀nîn.

Jn 11:29

Ənɨ Mèri nyaʼa zu əne, wɨ̀ nyaʼa gàd əwu əwən nɔ̀ʼ wò əsɨ məd.

Jn 11:30

Chəi Yeso nyaʼa kɨrɨ nyɨ ɨŋga əsɨ ze. Ɨ wɨə nyaʼa kɨrɨ əsɨ ze nɨ Màta nyaʼa bòm əməd.