Jn 1:43 - Meta’

⁴³ À nyaʼa əni ze nɨ beenɨ, Yeso nyaʼa tekɨ ɨŋga i fîŋ ni tə bɨrɨ wo ə Galiliî. Wɨ̀ nyaʼa wò zə ə Filip ghà ɨ bɔ ni, “Beenɨ əbɔʼ num.”

Ikan feg

⁴³ Igun aneg abɔ̀ʼ, Yeso ya fə nɔ̀ŋì inga fìŋ ni ghò a Galìli. Wì ya kɔtɔ Filib, ghà ibo gha, “Yeʼe abɔ̀ʼ inum.”

Jn 1:43 交叉引用

Jn 14:8

Filip nyaʼa ghà ɨ bɔ ni, “Ə̀nùŋɨ̀sɨg, chwiə Mbǎʼ ɨ na. À yɨ ənû nɨ tɨə kə̀b ə ze.”

Matìyò 9:9

Yeso nyaʼa nɔ̀ʼ rɨ əsɨ ze. Ənɨ wɨ̀ nyaʼə yènə̀ wòə̀, wɨ̀ nyaʼa zə mbaŋə̀ mɔʼɔ nɨ mbɨ nyaʼə tɔŋ ənɨ Matiù. Wɨ̀ nyaʼa i ɨŋga nəb nɨ mbɨə fetɨ mɨ̀tagsɨ̀. Yeso nyaʼa ghà ɨ bɔ ni, “Beenɨ əbɔʼ num.” Matiù nyaʼa nɔ̀ʼ beenɨ əbɔʼ məd.

Jn 12:21

Mbɨ nyaʼa wò əsɨ Filip, nɨ nyaʼa rɨ ə Bètsaidà ə Galiliî, pè ghà ɨ bɔ ni, “Masà, tɨ̀ kəb zə ə Yeso.”

1 Jɔn 4:19

Tɨ̀ wɨə ghaʼə Ŋwiə̀ ɨmbə̀ʼ ɨghəm nɨ məd ziə nyaʼa bè ghaʼ əwa.

Jn 6:5

Yeso nyaʼa nèŋ əne zə ɨnɔ̂n bə̂d nɨ nyaʼa kwàʼ wɨ kyeŋ nɨ nyaʼə yeʼe əsɨ məd. Wɨ̀ nyaʼa zə əne, biirɨ əmbɨ Filip ni, “Tɨ̀ kɨə wo zon ŋgə̀ŋ rɨ ə yi, ɨmbə̀ʼ jə bə̂d mbɔ̂ əŋgu ə?”

Fìlipì 3:12

Chəi mə̀ gha ni mə fə berɨ ɨnû mbɔ̂ jìm, kɨ̀ ni mə fə bɔ̀ŋ màànɨ̀, àyɨə mə wɨə kywɨ ənywɨ ɨmbə̀ʼ berɨ mbɨwən. Kristo Yeso nyaʼa ghɨ ni mə̀ yeʼ wə̀d məd ɨmbə̀ʼ berɨ ɨnû mbɔ̂ jìm.

Jn 1:28

Ənû zɔ̂ ə nyaʼa ghɨ̀ ə Betanì, ɨnjin ɨgyɨ̂ Jodàn, əsɨ ze nɨ Jɔ̌n nyaʼə nàʼ mɨnib.

Lk 19:10

Wan Wə̀d nyaʼa yeʼe ɨ kəb bə̂d mbe nɨ nyaʼa nimɨ ɨmbə̀ʼ chɨ mɨ̀mə̌d rəŋgəʼ.”

Matìyò 10:3

Filip mbɨ Bàtòlòmiù; Tomas mbɨ Matiù we nɨ nyaʼə əfetɨ mɨ̀tagsɨ̀; Jems nɨ nyaʼə wan Alfaùs mbɨ Tàdiòs;

Jn 6:7

Filip nyaʼa wììrɨ̀ ɨ bɔ ni, “Ka mɨ̀fraŋ chuʼ əkɨ əbe bɨrɨ kuʼ i nɨ zon ŋgə̀ŋ nɨ tɨ̀ wə̀d mɔʼ mɔʼ rəbɔʼ bə̂d mbɔ̂ jɨg ka àbei ɨkə rɨpiî.”

Jn 1:35

À nyaʼa əni ze nɨ beenɨ, Jɔ̌n nyaʼa yì təm mbɨ mbi mə̀mə̀ə̀nɨ̀-ɨnû mɨbe.

Matìyò 4:12

Ənɨ Yeso nyaʼa zu ni mbɨ fə gywɨ̀ ə Jɔ̌n wò zɨ̀ ə ndəŋ, wɨ̀ nyaʼa nɔ̀ʼ wò ə Galiliî.

Matìyò 8:22

Yeso nyaʼa ghà ɨ bɔ ni, “Beenɨ əbɔʼ num, sàŋ ɨvɨ bə̂d tweŋ mbə ɨvɨ bə̂d.”

Jn 1:29

À nyaʼa əni ze nɨ beenɨ, Jɔ̌n we nɨ nyaʼə nàʼ mɨnib nyaʼa zə ə Yeso ənɨ nyaʼə yeʼe əsɨ məd. Əne wɨ̀ nyaʼa ghà ni, “Mbə̀ zə, wɔ̂ yɨə Wan njɨ̀g Ŋwìə̀. Məd wɨə ghɨ̀ ni Ŋwìə̀ waʼ ɨnû rɨbɔ̀ŋ bə̂d mbe rɨŋga ɨsɨg!

Jn 1:44

Filip yɨə nyaʼə rɨ ə Bètsaidà nɨ nyaʼa əsɨ nɨ Andrù mbɨ Pità nyaʼa bə nɔ̀ʼ rəŋgu.

Jn 2:11

Yeso nyaʼa ghɨ̀ ənû ə yiirɨ rɨtu zɔ̂ ə Kanà əbà əbeŋ ze rɨ ə Galiliî. Wɨ̀ nyaʼa chwi ɨwumnɨ we nɨ wɨ̀ berɨ, əne mə̀mə̀ə̀nɨ̀-ɨnû ɨməd nyaʼa ben əməd.

Jn 1:37

Mə̀mə̀ə̀nɨ̀-ɨnû mbe mɨbe nyaʼa zu ənû ze, əne mbɨ nyaʼa beenɨ əbɔʼ ə Yeso.