Ɨ̀fàʼì 4:34 - Meta’

³⁴ Chəi wɨ mɔʼɔ rəbɔʼ mɨ̀mə̌d nyaʼa kwaŋ əghɨ, ɨmbə̀ʼ ɨghəm nɨ bə̂d mɨjìm mbe nɨ nyaʼa berɨ ɨsɨ si kɨ̀ nəb nyaʼa fèndɨ̀ ɨghɨ mbe, nɨŋ ɨkab we nɨ mbɨ fendɨ əŋgu

Ikan feg

³⁴ Chəyi wə̀d mɔ̀ʼɔ inga ìwɔb inɔ̰ we ne ya cheʼi aghi mɔ̀ʼɔ imbə̀ʼ icheg ne bəd ne ya beri isiŋi ìseg kə̀ bèrì nəb yaya ghò fèndè, se nìŋə ikab yèʼe.

Ɨ̀fàʼì 4:34 交叉引用

Ɨ̀fàʼì 2:45

Ɨ mbɨə nyaʼə fèndɨ̀ mbə ɨsɨ si bə̀ fèndɨ̀ ɨghɨ mbe nɨ mbɨ nyaʼa berɨ wò ghàpɨ̀ ɨkab we əmbɨ ə wə̀d jìm ɨchî nɨ wə̀d mɔʼ mɔʼ nyaʼa kəbɨ.

Lk 16:9

Yeso nyaʼa wò ɨmbì ghà ni, “Mə ghà ɨ nən ni mbə̀ nɨŋ mbɔ̂n ze nɨ mbə̀ berɨ ɨchî rɨbɔ̀ŋ ghɨ̀ mbə mɨ̀sə̀ʼ əŋgu, ɨmbə̀ʼ ənɨ mbɔ̂n ze mi i, mbɨ nɨŋ əwən ɨŋga ɨkwɨ mbe nɨ tən i koŋ.

Lk 12:33

Mbə̀ fendɨ mbə ɨghɨ, nàʼ ɨkab we əmbɨ ə bə̂d ɨkwaŋ. Mbə berɨ tɨtagɨ nɨ ka tɨ bɨrɨ nun i. Mbə̀ bə̀ nùŋ ə mbɔ̂n ɨkaŋ əsɨ ze nɨ chəi zɨ̀ bɨrɨ mì, nɨ chəi ənɨ tɨ̀ ɨjɨ tindɨ ɨban bə̀ fɔrɨ ənɨ chəi ənɨ tɨ̀ ɨsəʼɨ chə̀kɨ̀.

Lk 22:35

Yeso nyaʼa biirɨ əmbɨ mbi mə̀mə̀ə̀nɨ̀-ɨnû ni, “Ənɨ mə̀ nyaʼa tom əwən ghà ni tɨ mbə̀ nɨŋ ə fɨ̀tàgɨ, kɨ̀ ə̀bàmɨ̀, kɨ̀ ɨbi, kɨ̀ ɨtabɨ, mbə wa nyaʼa kwaŋ əghɨ ə mɔʼɔ ə?” Mbɨ nyaʼa wììrɨ̀ ni, “Chə̂.”

Mk 10:21

Yeso nyaʼa nèŋ əməd ghaʼ, əne ghà ɨ bɔ ni, “À kwaŋ əghɨ ə mɔʼɔ. Ndə̀ wò fèndɨ̀ ɨghɨ mbe nɨ à berɨ, wò nàʼ ɨkab we əmbɨ ə bə̂d ɨkwaŋ, əne à bɨrɨ berɨ mbɔ̂n ɨkaŋ. À mɨ ghɨ̀ əne, à yeʼe beenɨ əbɔʼ num.”

Matìyò 19:21

Yeso nyaʼa ghà ɨ bɔ ni, “À mɨ kə̀b bɔ̀ŋ màànɨ̀, ndə̀ wo fèndɨ̀ ɨghɨjìm mbe nɨ à berɨ, wò nàʼ ɨkab we əmbɨ ə bə̂d ɨkwaŋ, əne à bɨrɨ berɨ mbɔ̂n ɨkaŋ. À mɨ ghɨ̀ əne, à yeʼe beenɨ əbɔʼ num.”

1 Timotì 6:19

Mbɨ mɨ yeʼə ghɨ̀ ɨnû mbɔ̂, njɨ mbɨ fə zì əchɨ nɨ kaanɨ ɨmbə̀ʼ ɨghɨ mbe nɨ mbɨ bɨrɨ berɨ əwu rənjìm. Mbɨ bɨrɨ bɨ jɨg ɨ̀tènɨ̀ we nɨ yeʼ wɨ rəsìʼ.

Ɨ̀fàʼì 4:37

nyaʼa fen i mbeŋ, wò mbɨ ɨkab we pè nùŋ ɨfě bə̂d tom mbe.

Jems 1:27

Ənû ə Ŋwìə̀ ze nɨ Ŋwiə̀ Mbǎʼ ben ni zɨə zeŋ, nɨ chəi ənû rɨbɔ̀ŋ ɨŋga, yɨ nɨ nəŋgɨ mɨchɨ bə̀ fɔrɨ nɨ nəŋgɨ mɨku əyi mbe nɨə zəə ŋgəʼ. À yɨə bə ni tɨ wə̀d ben i ɨnû rɨŋga ɨsɨg chəkɨ i əməd.

1 Tèsàlonikà 4:12

Mbə ghɨ əne ɨmbə̀ʼ bə̂d mbe nɨ kaʼi bə̂d Kristo wumnɨ əwən fɔrɨ ɨmbə̀ʼ tɨ mbə̀ kəb ə ni bə̂d cherə naʼ ɨghɨ mbe nɨ mbə̀ kəbɨ.

2 Kɔrèn 8:14

Tɨ̀nîn nɨ mbə̀ berɨ ɨghɨ nɔnɔʼ, mbə̀ naʼ ɨghɨ mbe nɨ mbɨ kəbɨ, ɨmbə̀ʼ ənɨ mbɨ bə̀ berɨ ɨghɨ nɔnɔʼ, mbɨ bɨrɨ bɨ naʼ mbe nɨ mbə̀ kəbɨ. Mbə mɨ ghɨ̀ əne, bə̂d mɨ̀jìm bɨrɨ yeʼ əndəŋ əndəŋ.