Ɨ̀fàʼì 4:19 - Meta’

¹⁹ Àyɨə Pità mbɨ Jɔ̌n nyaʼa wììrɨ̀ əmbɨ mɨ̀mə̌d ni, “Mbə̀ sob mbənə mbənə ni zɨə wa kùʼ ɨfě Ŋwiə̀ ɨ zuunɨ əwən kɨ̀ ɨ zuunɨ ə Ŋwiə̀ ə?

Ikan feg

¹⁹ Si ya gha, Pità tì Jɔn ya ywìtì inɔb gha, “Mbə̀ kə kɔ̀ndɔ gha? Anug ne bɔŋi imbìghè abə Ŋwiye àkə aza? Àkə ni zugri awən kə̀ àkə ni zugri Ŋwiye?

Ɨ̀fàʼì 4:19 交叉引用

Ɨ̀fàʼì 5:29

Àyɨə Pità mbɨ ə bə̂d tom Kristo mbə nyaʼa wiirɨ ni, “Tɨ̀ berɨ zuunɨ ə Ŋwiə̀, kaʼi bə̂d.

1 Kɔrèn 10:15

Mə wɨə ghà əmbɨ ə bə̂d nɨ berɨ ɨwe ni: Mbə̀ kwaʼnɨ mbə ɨtu ɨmbə̀ʼ ənû zɔ̂ nɨ mə̀ bɨrɨ gha ɨ nən.

1 Timotì 2:3

Ənû nɨ kɔŋgɨ ə Ŋwiə̀ ɨgwɨ ətu ə bə̂d mɨjìm ə kàŋ bɔ̀ŋ. Ŋwiə̀ ziə nɨə chɨ̀ əwa rəŋgəʼ ə ben ni zɨə bɔ̀ŋ.

Jn 7:24

Tɨ mbə̀ saʼ ə wə̀d beenɨ əbɔʼ ɨnû mbe nɨ mbə̀ə zəə. Mbə̀ saʼ beenɨ yeʼ əbɔʼ ɨchî nɨ kuʼnɨ.”

Matìyò 22:21

Mbɨ nyaʼa wììrɨ̀ ni, “À yɨ wɨ Kaisà.” Əne wɨ̀ nyaʼa ghà əmbɨ mɨ̀mə̌d ni, “Mbə̀ nàʼ ɨghɨ Kaisà əmbɨ Kaisà, bə̀ nàʼ ɨghɨ Ŋwiə̀ əmbɨ ə Ŋwiə̀.”

Jems 2:4

njɨ chəi mbə̀ kɨrɨ ghabrɨ bə̂d əkaʼ nən, bə̀ saʼ bə̂d mbɨ rɨkɔndɨ rɨbɔ̀ŋ ə?

Efesùs 6:1

Bɔn, mbə zuunɨ mbə mɨ̀mbǎʼ mbɨ mbə mɨ̀nɨ̌ŋ ɨmbə̀ʼ ɨghəm nɨ mbə̀ yeʼ ənɨ ɨfɔtɨ mbɨ Ə̀nùŋɨ̀sɨg. Ə ze yɨ ənû nɨ kuʼ ni mbə̀ ghɨ ə.

2 Kɔrèn 4:2

Tɨ̀ fə ton ɨnû mbe nɨ bə̂d ə ghɨ̀ ənə̀mə, nɨ yeʼ ɨnû mbe nɨə nàʼ tɨ̀nìd ətu. Tɨ̀ fə ton nɨ ghɨ ɨbèkɨ̀ ɨnû, kɨ̀ nɨ nyam ɨŋgam Ŋwiə̀ mbɨ mɨghab. Àyɨə ɨchî nɨ tɨə ghà rəsìʼ əsaŋ əsaŋ, tɨ̀ wɨə chwiə ni bə̂d kyerɨ ni ɨnû mbe nɨ tɨə ghɨ̀ə̀ yɨ ɨnû nɨ bɔŋ ɨfě Ŋwiə̀.

Mə̀Hibrù 11:23

À yɨ ɨbenɨ nyaʼa ghɨ ni, ənɨ mbɨ nyaʼa gywɨ ə Mose, mbǎʼ məd mbɨ ɨŋgɔb məd nyaʼa nə̀m əməd əmɨg ə tad. Mbɨ nyaʼa ghɨ̀ əne ɨmbə̀ʼ ɨghəm nɨ mbɨ nyaʼa zə ni wan we nyaʼa təm. Chəi mbɨ nyaʼa bɔ ənû ze nɨ ɨfɔ̂n we rɨ ə Ijìpt nyaʼa sobɨ.

Lk 22:8

Yeso nyaʼa tom ə Pità mbɨ Jɔ̌n ghà ni, “Mbə̀ wo tekɨ tɨjɨg Əchwɨ̂ ə Che-ɨgun ɨmbə̀ʼ tɨ̀ jɨg.”

Ɨ̀fàʼì 4:13

Ənɨ bə̂d mbe nɨə tekɨ ɨnû mbɨ ə bə̂d kyeŋ mbe rɨŋga əbeŋ nyaʼa zə ɨchî nɨ Pità mbɨ Jɔ̌n nyaʼə ghàmə̀ mbɨ ə fîŋ nɨ kǎ, bə̀ kyerɨ ni chəi mbɨ nyaʼa kyerɨ ə̀ŋwàʼnɨ̀ mbɨ ni mbɨ yɨ ɨnatɨ bə̂d, mbɨ nyaʼa yiirɨ. Mbɨ nyaʼa bə̀ kyerɨ ni ɨ mbɨə nyaʼə yènə̀ mbɨ Yeso.

Ɨ̀fàʼì 5:28

“Tɨ̀ nyaʼa fə jeŋgɨ patɨ əwən ni tɨ mbə̀ chwi ə ənû ə mɔʼɔ ənɨ ɨkum wɔ̂, àyɨə ɨnû mbe nɨ mbə̀ə chwiə fə jaŋ ɨŋga Jèrusalèm jìm. Mbə mbɨə bə̀ kə̀b ghɨ̀ ni ndɔ̀n ɨmbə̀ʼ ɨchî nɨ mbɨ zwiirɨ əməd nyɨ ɨgwɨ na.”