Ɨ̀fàʼì 25:6 - Meta’

⁶ Ənɨ wɨ̀ nyaʼa fə chubɨ mbɨ mɨ̀mə̌d ɨni famɨ kɨ̀ ɨni wum, wɨ̀ nyaʼa swiʼi wò ə Kàisàriyà. À nyaʼa əni ze nɨ beenɨ, wɨ̀ nyaʼa wò chub ɨŋga nəb ɨsaʼi, ghà ni mbɨ nɨŋ ə Pɔ̂l yeʼe mbɨ məd.

Ikan feg

⁶ Anyumə̀ ne wì ya fə chughi tì inɔb ane ineg mɔ̀ʼɔ icheg ìfàmi kə̀ ìghum, wì ya swiʼi ghò a Kàserìyà. Àsi aneg abɔ̀ʼ, wì ya ghò chughi inga nəb isaʼi, ghà gha mbe niŋ Pɔl yèʼe.

Ɨ̀fàʼì 25:6 交叉引用

Ɨ̀fàʼì 25:17

Ənɨ mbɨ nyaʼa yeʼe fetɨ əgha, chəi mə nyaʼa chəkɨ ə nyùmə̀. Àmei ɨgwɨ əni ze nɨ beenɨ, mə nyaʼa wò chub ɨŋga nəb ɨsaʼi ghà ni mbɨ yeʼe mbɨ ə mbaŋə̀ ze.

Ɨ̀fàʼì 25:10

Pɔ̂l nyaʼa wììrɨ̀ ni, “Mə yɨ əni ɨŋga nəb ɨsaʼi Kaisà, nɨ yeʼ əsɨ nɨ tɨ̀ à saʼ əmɨ əŋgu. Chəi mə̀ gu ənû ə mɔʼɔ əmbɨ mɨ̀Jû ɨchî nɨ à kàŋ kyerɨ.

Matìyò 27:19

Ənɨ wɨ̀ nyaʼa chub ɨgun ətən ze nɨ wɨ̀ nyaʼə chub ɨgun sobə mɨsaʼi, ɨwi məd nyaʼa chà ɨkə̂n ɨ bɔ ni: “Tɨrə̀ berɨ e ənû ə mɔʼɔ nɨ ghɨ̀ mbɨ mbaŋə̀ zɔ̂, ɨmbə̀ʼ ɨghəm nɨ chəi wɨ̀ gu ənû ə mɔʼɔ. Mə wɨə ghà əne ɨmbə̀ʼ ɨghəm nɨ mə kàŋ zə ŋgəʼ əku ə njə̀m ɨzimɨ wɔ̂ ɨmbə̀ʼ əməd.”

Jems 2:6

Àyɨə mbə fə tìbrɨ̀ wə̀d ɨkwaŋ. Kaʼ à wa kɨ i bə̂d mbɔ̂n mbe ə nyèm əwən ə? Kaʼ à wa kɨ i mɨ̀mə̌d ə sùŋ əwən nɨŋə wò ɨŋga nəb ɨsaʼi ə?

2 Kɔrèn 5:10

Mba mɨjìm berɨ təm ɨfě Kristo ni wɨ̀ saʼ əwa, ɨmbə̀ʼ wə̀d mɔʼ mɔʼ nɨŋ əghɨ ze nɨ kuʼ ɨ bɔ. Wɨ̀ bɨrɨ nɨŋ ɨ̀chɔ̀m kɨ̀ wɨ̀ nɨŋ ɨbə beenɨ əbɔʼ ɨchî nɨ wɨ̀ nyaʼa faʼ ənɨ wɨ̀ nyaʼa kɨrɨ ɨŋga nyamnyod.

Jn 19:13

Ənɨ Pailèt nyaʼa zu ɨŋgam we, wɨ̀ nyaʼa nɨŋ ə Yeso jwɨ̀ ɨsɨg pè chub ɨgun ətən ze nɨ wɨə chubə saʼə mɨsaʼi. Ətən ze nyaʼa əsɨ ze nɨ mbɨ nyaʼə tɔŋ ənɨ Ɨkye ɨkam əti. Mbɨ nyaʼə tɔŋ əsɨ ze ənɨ ɨŋgam Hibrù ni Gàbatà.

Ɨ̀fàʼì 8:40

Àyɨə mbɨ nyaʼa zə ə Filip ə Azotùs. Ɨ wɨə nyaʼə yènə̀ ghà ɨkə̂n chɔ̀m ɨŋga ɨsɨ jìm. Ɨ wɨə nyaʼə yènə̀ ghà əne wò pè ə Kàisàriyà.

Ɨ̀fàʼì 25:1

Ənɨ ɨni nyaʼa chè ɨtad nɨ Festùs nyaʼa pè ɨŋga əbà əbeŋ ze nɨ wɨ̀ nyaʼa wo tùmbɨ̀, wɨ̀ nyaʼa nɔ̀ʼ rɨ ə Kàisàriyà kɔʼ wò ə Jèrusalèm.

Ɨ̀fàʼì 25:4

Festùs nyaʼa wììrɨ̀ ni Pɔ̂l wɨ ə nəb ndəŋ ə Kàisàriyà fɔrɨ ni əmad ze, məd ziə bɨrɨ wo əŋgu.

Ɨ̀fàʼì 25:5

Wɨ̀ nyaʼa wò ɨmbì ghà ni, “Mbə̀ saŋ bə̂d kyeŋ mɔʼɔ rəbɔʼ mbe nɨə tekɨ ɨnû ɨŋga əbeŋ mɨ̀Jû swiʼi wò mbɨ num. Wɨ̀ mɨ gù ənû ə mɔʼɔ, mbɨ sɨ zɨ̀ ɨsaʼi ɨgwɨ məd.”