Ɨ̀fàʼì 21:20 - Meta’

²⁰ Ənɨ mbɨ nyaʼa zu ənû zɔ̂, mbɨ nyaʼa yiirɨ ə Ŋwiə̀, ghà əmbɨ Pɔ̂l ni, “Aŋgɔb, zə ɨchî nɨ mɨ̀Jû, chuʼ mbɨ ə chuʼ fə ben ə Kristo. Mɨ̀mə̌d mɨjìm fə zɨ̀ ətu nɨ nuŋ tɨkə rɨ Mose.

Ikan feg

²⁰ Anyumə̀ ne mbi ya zughi inug mbe ne Pɔl ya gha inɔb, mbi ya ghumni Ŋwiye, si ghà abə Pɔl gha, “Ìwa ifi, àghò bàd icheg ne mə̀Ju ka chuʼ sə̀ʼə fə bḛ Kristo bə̀ zì atog ni nɔ̀ŋì mə̀nɔ̀ʼɔ̀ Muse.

Ɨ̀fàʼì 21:20 交叉引用

Rm 10:2

Mə we tɨ̀ mə ben ni ɨ mbɨə zɨ̀ ətu nɨ faʼ əmbɨ ə Ŋwiə̀, àyɨə chəi mbɨ zɨ ətu yeʼ ɨgun ənû ze nɨ mbɨ kyerɨ ɨmbə̀ʼ ə Ŋwiə̀.

Gàlesìyà 1:14

Mə wɨə nyaʼə wò ɨmbì ənɨ ənû ə Ŋwiə̀ mɨ̀Jû chè mɨ̀Jû nɔnɔʼ nɨ nyaʼa tum rɨ̀ghə̀m. Mə nyaʼa kàŋ jeŋgɨ zɨ̀ ətu nɨ ghɨ ɨnû mbe nɨ mba mɨ̀mbǎʼ rəŋwe nyaʼə ghɨ̀ə̀.

Ɨ̀fàʼì 22:3

“Mɔ̌ yɨə Jû. Mbɨ nyaʼa gywɨ əmɨ ə Tasùs ə Selisià. Mə nyaʼa kwi əgha ə Jèrusalèm bə̀ kwembɨ ə̀ŋwàʼnɨ̀ əton ə Gàmalièl. Mə nyaʼa kwembɨ rɨkə te nɨ mbɨ nyaʼa naʼ əmbɨ mba mɨ̀mbǎʼ rəŋwe. Mə wɨə nyaʼə bə̀ zɨ̀ ətu ənɨ ə̀fàʼì ə Ŋwiə̀ ɨchî nɨ mbə̀n mɨjìm ə zɨ̀ rə̀chɔ̀ŋ.

Ɨ̀fàʼì 15:1

Bə̂d mɔʼɔ nyaʼa swiʼi rɨ ə Jùdeyà wò ə Antiɔ̀k. Mbɨ nyaʼa pè kɔ chwi ɨnû əmbɨ ə bə̂d Kristo mbe rəŋgu ghàə̀ ni, “Chəi mbə̀ bɨrɨ jwɨ rəŋgəʼ əwù ze nɨ chəi mbɨ ne əwən ɨchî nɨ zɨə yeʼ ɨŋga tɨkə rɨ Mose.”

Ɨ̀fàʼì 11:18

Ənɨ mbɨ nyaʼa zu ənû zɔ̂, chəi mbɨ nyaʼa wɨrɨ berɨ ənû ə cherə nɨ ghà. Əne mbɨ yiirɨ ə Ŋwiə̀, ghà ni, “Ŋwìə̀ fə bə̀ nàʼ əpan əmbɨ bə̂d mbe nɨ kaʼi mɨ̀Jû ni mbɨ beŋ tə fîŋ jɨg ɨ̀tènɨ̀.”

Ɨ̀fàʼì 15:5

Àyɨə bə̂d mɔʼɔ mbe nɨ nyaʼa ben ə Kristo, nɨ nyaʼa rɨŋga ɨfɔtɨ mɨ̀Farisiî, nyaʼa təm rətiə ghà ni, “Zɨə kùʼ ni mbɨ ne bə̂d mbe nɨ kaʼi mɨ̀Jû bə̀ ghà əmbɨ mɨ̀mə̌d ni mbɨ nuŋ tɨkə rɨ Mose.”

2 Tès 1:10

Ɨgwɨ əni ze nɨ wɨ̀ bɨrɨ yeʼe, bə̂d məd bɨrɨ yiirɨ, bə̂d mɨjìm mbe nɨ ben əməd bə̀ nàʼ ɨwumnɨ ɨ bɔ. Mbə̀n bə bɨrɨ yeʼ əbɔʼ mɨ̀mə̌d, ɨmbə̀ʼ ɨghəm nɨ mbə̀ ben ənû ze nɨ tɨ̀ nyaʼə ghà ɨ nən.

Ɨ̀fàʼì 15:24

Tɨ̀ fə zu ni bə̂d mɔʼɔ fə nɔ̀ʼ rəkaʼ na yeʼe əwɔ ghanə chə əwən mbɨ mɨŋgam bə̀ tɔbə tə fîŋ, nɨ chəi tɨ̀ nyaʼa gha ni mbɨ ghɨ əne.

Ɨ̀fàʼì 6:7

Ɨŋgam Ŋwiə̀ wɨə nyaʼə jàŋə̀ wò ɨmbì. Ɨnun bə̂d mbe nɨ nyaʼa ben ə Kristo ə Jèrusalèm wɨə nyaʼə bə̀ nɔʼrɨə wò ɨmbì ənɨ ə bid. Bə̂d mbàn Ŋwìə̀ nɔnɔʼ nyaʼa bə̀ ben ə Kristo.

Ɨ̀fàʼì 4:21

Ənɨ mbɨ nyaʼa ghà əne, mə̀saʼ əbeŋ mbe nyaʼa yì patɨ mɨ̀mə̌d kwàʼ rɨ̀kǎ, sàŋ ni mbɨ wo ə. Chəi mbɨ nyaʼa zə ɨnə̂njɨ̀ nɨ chə mɨ̀mə̌d, ɨmbə̀ʼ ɨghəm nɨ bə̂d mɨ̀jìm mbɨə nyaʼə yiirɨ ə Ŋwiə̀ ɨmbə̀ʼ ənû ze nɨ nyaʼa ghɨ̌.

Ɨ̀fàʼì 4:4

Àyɨə bə̂d mɨ̀nɔnɔʼ rəbɔʼ mbe nɨ nyaʼa zu ɨŋgam Ŋwiə̀ we, nyaʼa ben ə Kristo. Ɨnun mbaŋə̀ nyaʼa pè ɨghabɨ ə chuʼ rɨtân.

Ɨ̀fàʼì 2:41

Bə̂d mbe nɨ nyaʼa zu ɨŋgam məd benɨ, nyaʼa nɨŋ mɨnib. Bə̂d mbe nɨ nyaʼa yì əbɔʼ bə̂d Kristo əni ze yɨə nyaʼa ɨghabɨ ə chuʼ rɨtad.

Jn 12:24

Mə ghà rəsìʼ ɨ nən ni fɨtam kywɨ̀ mɨ rɨ nyɨ i ɨŋga si, kwɨ, fɨ bɨrɨ ten tə̀zìʼ wi. Fɨ mɨ kwɨ, fɨ bɨrɨ kɔ rɨtam nɔnɔʼ.

Lk 15:32

Àyɨə zɨə nyaʼa kùʼ ni tɨ̀ ghɨ ɨghaʼi, ɨmbə̀ʼ ɨghəm nɨ we aŋgɔb wɔ̂ nyaʼa kwɨ, àyɨə tɨ̀nîn ɨ wɨ ɨkǎ, wɨ̀ nyaʼa nim, àyɨə tɨ̀nîn mə fə zə əməd.'”

Lk 12:1

À nyaʼa ənɨ ə nyùmə̀ we, ɨnɔ̂n bə̂d chuʼ mbɨ ə chuʼ nyaʼa wò fetɨ. Mbɨ nyaʼa fetɨ əne, mbɨ mɔʼɔ sɨə tə̀ʼrɨ̀ə̀ mbɨ cherə. Yeso nyaʼa bè kɔ ghǎ əmbɨ mbi mə̀mə̀ə̀nɨ̀-ɨnû ni, “Mbə̀ we əwən ɨmbə̀ʼ ɨfuʼ mɨ̀Farisiî we nɨə ghɨ̀ ni ŋgə̀ŋ kɔʼ. Əne yɨ mə̀ gha ni mbə̀ we ɨmbə̀ʼ ɨbekɨ ɨnû mɨ̀mə̌d.

Gàlesìyà 1:24

Əne mbɨ nyaʼa wumnɨ ə Ŋwiə̀ ɨmbə̀ʼ əmɨ.

Matìyò 9:8

Ənɨ mɨnɔ̂n bə̂d mbe nyaʼa zə ənû ze, mbɨ nyaʼa bɔ, əne yiirɨ ə Ŋwiə̀ ɨchî nɨ wɨ̀ naʼ ɨkwɨ ɨka wɔ̂ əmbɨ ə bə̂d.