Gàlesìyà 5:2 - Meta’

² Mbə̀ zwetɨ! Mɔ̌ Pɔ̂l wɨə ghà ɨ nən ni mbə mɨ tɔ ben ni mbɨ ne əwən, njɨ ənû ze nɨ Kristo ghɨ̌ ɨmbə̀ʼ əwən ə chè ətu ə̀kǒ.

Ikan feg

² Mbə̀ zug! À ya mo Pɔl we ghà inən gha, mbə̰ mə̀ ya kɔndɔ gha anug ni ŋwed wə̀d biri ghì mbə təm kòʼ, nji mbə̀ kyeri gha anug ze ne Kristo fə fàʼi inən fə chè ako.

Gàlesìyà 5:2 交叉引用

Gàlesìyà 5:6

Ɨchî nɨ tɨ̀ yeʼ ənɨ ɨfɔtɨ mbɨ Kristo, əne chəi ənû nɨ mbɨ ne wə̀d kɨ̀ ənû nɨ chəi mbɨ ne wə̀d ə berɨ ənû ə mɔʼɔ nɨ ghɨ̀. Ənû ə kyeŋ yɨ nɨ chwi ni tɨ̀ fə nuŋ fîŋ ɨgun ə Kristo ɨchî nɨ tɨə ghaʼə bə̂d.

Ɨ̀fàʼì 15:1

Bə̂d mɔʼɔ nyaʼa swiʼi rɨ ə Jùdeyà wò ə Antiɔ̀k. Mbɨ nyaʼa pè kɔ chwi ɨnû əmbɨ ə bə̂d Kristo mbe rəŋgu ghàə̀ ni, “Chəi mbə̀ bɨrɨ jwɨ rəŋgəʼ əwù ze nɨ chəi mbɨ ne əwən ɨchî nɨ zɨə yeʼ ɨŋga tɨkə rɨ Mose.”

Mə̀Hibrù 4:2

Ɨkə̂n chɔ̀m nyaʼa yeʼe ɨ na ɨchî nɨ wɨ nyaʼa bə̀ yeʼe əmbɨ ə bə̂d mbe nɨ nyaʼa ghɨ ɨnû rɨbɔ̀ŋ ɨŋga ɨbad rɨkwàʼi. Mbɨ nyaʼa zu ɨkə̂n we àyɨə chəi wɨ nyaʼa weerɨ mɨ̀mə̌d, ɨmbə̀ʼ ɨghəm nɨ mbɨ nyaʼa zu àyɨə chəi mbɨ nyaʼa benɨ.

Gàlesìyà 5:11

Mbɨ bɔŋgɔb, mə mɨ yeʼə ghàə̀ ni mbɨ ne bə̂d, njɨ əton nɨ bə̂d ə kɨrɨ nwendɨ tum rɨkyerɨ-ɨwu kɨ ɨmbə̀ʼ ə yè ə? À mɨ yeʼ nɨ mə̀ kaŋ gha əne, njɨ chəi ənû ze nɨ mɨə ghà ɨmbə̀ʼ ɨchî nɨ Kristo nyaʼa kwɨ əzed ə baʼnɨ ə wɨrɨ berɨ ənû ə mɔʼɔ nɨ ghɨ̀.

2 Kɔrèn 10:1

Mɔ̌ Pɔ̂l, wɨə nɨŋ ɨkum Kristo we nɨ nyaʼə bɔtɨ ɨnyod bə̀ bɔtɨə fîŋ buʼ ɨbɔ ɨ nən. Bə̂d mɔʼɔ rəbɔʼ nən mbɨə ghà ni mə wɨə swi ɨnyod ənɨ mə yeʼ ɨfě nən, àyɨə mə berɨ ɨka fîŋ ənɨ chəi əmɨ mbɨ nən.

Ɨ̀fàʼì 15:24

Tɨ̀ fə zu ni bə̂d mɔʼɔ fə nɔ̀ʼ rəkaʼ na yeʼe əwɔ ghanə chə əwən mbɨ mɨŋgam bə̀ tɔbə tə fîŋ, nɨ chəi tɨ̀ nyaʼa gha ni mbɨ ghɨ əne.

1 Tèsàlonikà 2:18

Tɨ̀ nyaʼa kàŋ kə̀b nɨ wɨrɨ yeʼe əsɨ nən àyɨə Satàn nyaʼa kən əwa. Mɔ̌ Pɔ̂l nyaʼa kàŋ kəb yeʼe ɨghəm nɔnɔʼ.

Filemɔ̀n 1:9

àyɨə ɨchî nɨ mə ghaʼ əwe, mə kə̀b yeʼ nɨ buʼ ɨbɔ ɨ ne. À yɨə mɔ̌ Pɔ̂l, nɨ mbɨ zɨ əmɨ ə ndəŋ ɨmbə̀ʼ ɨghəm nɨ mə təm ənɨ ɨkum Kristo Yeso,

1 Kɔrèn 16:21

À yɨə mɔ̌ Pɔ̂l kaŋ ŋwaʼnɨ ə̀chàʼrɨ̀ zɔ̂ ənɨ mɨ əbɔ.

Ɨ̀fàʼì 15:5

Àyɨə bə̂d mɔʼɔ mbe nɨ nyaʼa ben ə Kristo, nɨ nyaʼa rɨŋga ɨfɔtɨ mɨ̀Farisiî, nyaʼa təm rətiə ghà ni, “Zɨə kùʼ ni mbɨ ne bə̂d mbe nɨ kaʼi mɨ̀Jû bə̀ ghà əmbɨ mɨ̀mə̌d ni mbɨ nuŋ tɨkə rɨ Mose.”

Filemɔ̀n 1:19

Àyɨə mɔ̌ Pɔ̂l ŋwaʼnɨ ə̀ŋwàʼnɨ̀ zɔ̂ ənɨ mɨ əbɔ, mə bɨrɨ wi ɨ ne. Kyerɨ ni à yim njɔ ɨ num ɨmbə̀ʼ ɨchî nɨ mə nyaʼa ghɨ ni à ben ə Kristo.