Fìlipì 2:29 - Meta’

²⁹ Əne mbə nɨŋ əməd mbɨ ɨghaʼi ɨchî nɨ mbə̀ə nɨŋə bə̂d mbe nɨ ben ə Kristo. Mbə̀ naʼ ɨwumnɨ əmbɨ ə bə̂d nɨ yeʼ ɨghabɨ əməd,

Ikan feg

²⁹ Ane, anyumə̀ ne wì yèʼe, mbə̀ niŋ aməd kwàʼ ane igyendi icheg ne mbə̰ mbe nìŋə bəd mbe ne bḛ Anɔŋisəg. Mbə̀ ya ghùmnə bəd ne yaʼi icheg məd,

Fìlipì 2:29 交叉引用

1 Timotì 5:17

Zə ni mbɨ naʼ ɨwumnɨ əmbɨ ə bə̂d mbe nɨə chà ɨfetɨ bə̂d Kristo bə̀ jeŋgɨ chɔʼ ə̀fàʼì mɨ̀mə̌d, maanɨ mbe nɨə fàʼ rɨkǎ nɨ ghà ɨŋgam Ŋwiə̀ bə̀ fɔrɨ ni chwi ɨnû ɨmbə̀ʼ ə Kristo.

1 Tèsàlonikà 5:12

Mba bɔŋgɔb, tɨ̀ wɨə buʼ ɨbɔ ɨ nən ni mbə naʼ ɨwumnɨ əmbɨ ə bə̂d mbe nɨə fàʼ rɨ̀kǎ ɨ nən, chà əwən bə̀ kəərɨ əwən.

1 Kɔrèn 16:18

Mbɨ nyaʼa ghɨ̀ mɨ fîŋ zùtɨ̀ ɨchî nɨ mbɨ nyaʼa bə̀ ghɨ tən zùtɨ̀. Zɨə bɔ̀ŋ ni bə̂d kyerɨ ni mɨ̀mə̌d mbɨə fàʼ ə̀fàʼ ə chɔ̀m.

Rm 16:2

Mbə̀ nɨŋ əməd ənɨ ɨkum Ə̀nùŋɨ̀sɨg ɨchî nɨ zɨə kuʼ ni mbɨ nɨŋ bə̂d Ŋwiə̀. Mbə̀ bə̀ wèèrɨ̀ əməd mbɨ əghɨ ə mɔʼɔ ze nɨ wɨ̀ biirɨ ɨ nən, ɨmbə̀ʼ ɨghəm nɨ məd ziə fə wèèrɨ̀ bə̂d mɨ̀nɔnɔʼ, bə̀ wèèrɨ̀ əmɨ.

2 Kɔrèn 10:18

Chəi Ə̀nùŋɨ̀sɨg ben wə̀d we nɨ gha ni tə fàʼ chè bə̂d cherə. Ɨ wɨə benɨ yeʼ we nɨ məd ziə ghà ni wɨ̀ fə fàʼ ɨchî chɔ̀m.

1 Kɔrèn 16:10

Timotì mɨ yeʼe, mbə̀ zə ni wɨ̀ chub ɨchî chɔ̀m əkaʼ nən. Məd wɨə fàʼ əmbɨ Ə̀nùŋɨ̀sɨg ɨchî nɨ mɔ̌ ə bə̀ fàʼə̀.

3 Jɔn 1:10

Ənɨ mə̀ yeʼe, mə bɨrɨ ghɨ mbə̀ kyerɨ ɨnû jìm mbe nɨ wɨ̀ fə ghɨ̌, əne yɨ ɨnû rɨbɔ̀ŋ mbe nɨ wɨə ghà ɨmbə̀ʼ əwa. Ɨghabɨ ni chəi əze ə kɨrɨ kuʼ, chəi məd ə nɨŋə bɔŋgɔb əkwɨ ni əwù ze nɨ mbɨ yeʼe. Ɨ wɨə bə̀ təmnɨə bə̂d mbe nɨə kəb nɨŋ bɔŋgɔb mbɔ̂ əkwɨ nən. Mbɨ mɨ tɔ nɨŋ, wɨ̀ chɨ̀ mɨ̀mə̌d rɨŋga ɨfetɨ bə̂d Kristo.

Mə̀Hibrù 13:17

Mbə̀ zuunɨ bə̂d mbe nɨə chà əwən, bə̀ ghɨ̀ ɨnû mbe nɨ mbɨ gha ɨ nən. Ɨ mbɨə nəŋgɨ əwən nɨ chəi mbɨ ə zwììrɨ̀ə̀. Mbɨ berɨ gha ɨnû mbe nɨ mbɨ fə ghɨ əmbɨ ə Ŋwiə̀. Mbə mɨ zuunɨ mɨ̀mə̌d, mbɨ bɨrɨ fàʼ mbɨ ɨghaʼi kaʼi mbɨ ə̀kə̀nɨ̀, ɨmbə̀ʼ ɨghəm nɨ chəi ə̀kə̀nɨ̀ ə bɨrɨ weerɨ əwən.

Kòlosè 4:10

Àristakùs, nɨ mə yeʼ ə nəb ndəŋ mbɨ məd wɨə chàʼrɨ̀ əwən. Mak we nɨ məd mbɨ Banabàs yeʼ bɔn tɨ ənɨ əghaŋ ə wə̀d mɔʼ wɨə bə̀ chàʼrɨ̀ əwən. (Mbɨ fə gha ɨ nən ɨmbə̀ʼ əməd. Wɨ̀ mɨ yeʼe əsɨ nən mbə̀ nɨŋ əməd ɨchî chɔ̀m.)

2 Kɔrèn 7:2

Mbə tekɨ əsɨ ɨ na ɨŋga tə fîŋ. Chəi tɨ̀ ghɨ ənû rɨbɔ̀ŋ ənɨ ə wə̀d mɔʼɔ. Chəi tɨ̀ febrɨ wə̀d mɔʼɔ. Chəi tɨ̀ nyem wə̀d mɔʼɔ ɨmbə̀ʼ jɨg əməd.

Rm 10:15

Mbɨ kɨə wo gha ɨŋgam Ŋwiə̀ ɨmbə̀ʼ əməd rɨ yè nɨ chəi mbɨ tom mɨ̀mə̌d ə? Ə zɨ ɨŋga Ə̀ŋwàʼnɨ̀ ə Ŋwiə̀ ni, “À yɨə kàŋ ənû ə chɔ̀m ni bə̂d mbe nɨə ghà ɨkə̂n chɔ̀m mbɨə yeʼe!”

Ɨ̀fàʼì 28:10

Mbɨ nyaʼa nàʼ ɨghɨ nɔnɔʼ ɨ na. Ənɨ tɨ̀ nyaʼa kəb wo a, mbɨ nyaʼa zɨ̀ ɨghɨ mbe nɨ tɨ̀ nyaʼa kəbɨ ɨŋga əbaŋ.

Ɨ̀fàʼì 8:8

Əze ə nyaʼa ghɨ̀ ni ɨghaʼi swi ɨŋga fîŋ bə̂d mbe rɨŋga əsɨ ze.

Ɨ̀fàʼì 2:46

Ɨ mbɨə nyaʼə fɔtɨə wò ə mbàn Ŋwìə̀ ɨni jìm ɨnɔ̂n. Ɨ mbɨə nyaʼə bəʼrɨə ŋgə̀ŋ ɨŋga mbə ɨkwɨ bə̀ fɔtɨə jɨgə mbɨ ɨghaʼi fɔrɨ mbɨ ə fîŋ chɔ̀m.

Jn 13:20

Mə ghà rəsìʼ ɨ nən ni wə̀d mɔʼɔ we nɨ nɨŋ wə̀d we nɨ mə̀ tomɨ fə bə̀ nɨŋ əmɨ. We nɨ nɨŋ əmɨ, fə bə nɨŋ wə̀d we nɨ nyaʼa tom əmɨ.”

Lk 9:5

À mɨ yeʼ nɨ chəi mbɨ nɨŋ əwən əsɨ ə mɔʼɔ, mbə̀ kud əgywɨ tɨ ənɨ mbə ɨwu ənɨ mbə̀ə jwɨ̀ə̀, ɨmbə̀ʼ əze ə bɨrɨ yeʼ ənweenɨ əmbɨ mɨ̀mə̌d ni mbɨ fə ton ɨkə̂n chɔ̀m.”

Fìlipì 2:28

Əne mə wɨə kàŋə̀ ghaʼə nɨ wɨrɨ cha əməd, ɨmbə̀ʼ ənɨ mbə̀ zə əməd, ɨghaʼi bɨrɨ swi ɨŋga tə fîŋ. Chəi mə bɨrɨ wɨrɨ nwìʼ ɨnyod ɨmbə̀ʼ əwən.