2 Pità 3:4 - Meta’

⁴ Mbɨ bɨrɨ biirɨ ni, “Ɨmbə̀ʼ Yeso nyaʼa kàʼ ni tə bɨrɨ wɨrɨ yeʼe ə? Məd wi ə? Tɨ ənɨ mba mɨ̀mbǎʼ rəŋwe nyaʼa fə saŋ ɨsɨg, ɨnû jìm mbɨə kɨrɨ i àmei ɨchî nɨ mbɨ nyaʼa i tɨ ənɨ Ŋwìə̀ nyaʼa tekɨ ɨsɨg!”

Ikan feg

⁴ Mbi biri gha, “Imbə̀ʼ Yeso ya kàʼ gha ziye biri ywiri yeʼe? Məd weg? Ìmba mə̀mbaʼ mbe te aneg ya fə sàŋì isəg. Si ya gha, nɔ̀ʼ ane Ŋwiye ya tangi isəg, inug ijìm mbe kiri yi kwàʼ icheg ne mbi ya yaʼi!”

2 Pità 3:4 交叉引用

Lk 12:45

Àyɨə wə̀d ə̀fàʼì we mɨ ghà ɨŋga i fîŋ ni, 'Mɨ mbǎʼ ə̀fàʼì fə tan nɨ yeʼe.' Wɨ̀ nɨə ghà əne, wɨ̀ kɔ som bə̂d ə̀fàʼì mbaŋə̀ mbɨ mbɨ məyi, bə̀ kɔ ghanə jɨgə, bə̀ nɔə be i.

Matìyò 24:48

Wə̀d ə̀fàʼì we nɨ chəi wɨə fàʼ ənɨ i fîŋ jìm mɨ ghà ɨŋga i fîŋ ni, 'Mɨ mbǎʼ ə̀fàʼì fə tan nɨ yeʼe,'

1 Tèsàlonikà 2:19

À kɨ mɨwe ə ghɨ̀ ni tɨ̀ nuŋ ɨkɔndɨ ɨgwɨ ɨghɨ mbe nɨ tɨ ə wòm ə? À kɨ mɨwe bɨrɨ ghɨ ni tɨ̀ ghaʼrɨ ə? À kɨ mɨwe bɨrɨ ghɨ ni tɨ̀ goŋ ɨgɔ̂ ɨfě Ə̀nùŋɨ̀sɨg Yeso ənɨ wɨrɨ yeʼe ɨghabɨ ni tɨ̀ yɨə bə̂d nɨ chè ə̀nòtɨ̀ ə? Kaʼ à wa kɨ i mbə̀nə ə?

Mk 13:19

ɨmbə̀ʼ ɨghəm nɨ ŋgəʼ ze nɨ bɨrɨ jwɨ̀ ɨŋga ɨni mbe bɨrɨ chè ŋgəʼ jìm ze nɨ kweʼ jwɨ̀ kɔ rɨ ənɨ ə Ŋwìə̀ nyaʼa tekɨ ɨsɨg yeʼe pè rɨ̀nîn. Chəi ɨkwɨ ŋgəʼ cherə bɨrɨ wɨrɨ nɔ jwɨ̀ ɨghabɨ zɔ̂.

Ɨnû 3:14

Ə̀nùŋɨ̀sɨg nyaʼa bə̀ ghà ɨ num ni, “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Laodisià ni, 'Wɔ̂ yɨ ɨŋgam rɨ əmbɨ À yɨ əne. Məd wɨə ghà rəsìʼ. Ɨ wɨə bə̀ ghɨ̀ ɨnû mbe nɨ wɨ̀ ghǎ. Ŋwìə̀ nyaʼa chè ənjìm məd tekɨ ɨghɨjìm.

Mk 10:6

Àyɨə tɨ ənɨ ɨsɨg nyaʼa kɔ, 'Ŋwìə̀ nyaʼa tekɨ bə̂d mbaŋə̀ mbɨ əyi.

Matìyò 24:28

Əsɨ ze nɨ əvɨ nyam ə yeʼ əŋgu, mɨzam bɨrɨ wo fetɨ əŋgu.

Matìyò 16:27

Wan Wə̀d bɨrɨ yeʼe mbɨ mbi mbɨ̀aŋgɨrə̀ mbɨ ɨka we nɨ Mbǎʼ məd naʼ ɨ bɔ. Wɨ̀ bɨrɨ pè chɔʼ ə̀fàʼì wə̀d mɔʼ mɔʼ ɨchî nɨ wɨ̀ fàʼi.

Matìyò 16:28

Mə ghà rəsìʼ ɨ nən ni chəi bə̂d mɔʼɔ rəbɔʼ mbɔ̂ nɨ təmbɨ əgha bɨrɨ kwɨ ə zɨ rɨ tɨ̀ mbɨ zə Wan Wə̀d nɨə yeʼe ɨghabɨ ɨfɔ̀n.”

Ɨ̀fàʼì 7:60

Ənɨ wɨ̀ nyaʼa ghà əne, wɨ̀ nyaʼa chìndɨ̀ ɨtu ɨnywɨ ə si, kyeŋ rɨ̀kǎ ghà ni, “Ə̀nùŋɨ̀sɨg, tɨrə̀ yim e mɨ̀mə̌d ɨŋga fîŋ ɨmbə̀ʼ ənû rɨbɔ̀ŋ zɔ̂ nɨ mbɨ ghɨ.” Ənɨ wɨ̀ nyaʼa ghà əne, wɨ̀ nyaʼa mèndɨ̀.

2 Pità 3:12

ɨchî nɨ mbɨə wòm əni ze nɨ wɨ̀ bɨrɨ wɨrɨ yeʼe. Mbə̀ kywɨ ənywɨ zə ni əni ze ə zambɨ yeʼe. Ɨgwɨ əni ze, ɨwid bɨrɨ tɔn ɨkaŋ, wɨ nim. Əzuʼ rɨ ənɨ ɨwid we bə̀ ghɨ̀ ni ɨghɨ mbe nɨ yeʼ ɨkaŋ mbɨ sam.