2 Kɔrèn 1:9 - Meta’

⁹ À yɨ rəsìʼ ni ə zɨə nyaʼa ɨghabɨ ni mbɨ nyaʼa fə sob ni mbɨ zwiirɨ əwa. Ənû zɔ̂ ə nyaʼa ghɨ̀ ɨmbə̀ʼ tɨ̀ rɨ zɨ a mba ɨnû ɨŋga ta rɨkyerɨ-ɨbɔ. Zɨə nyaʼa ghɨ̀ ɨmbə̀ʼ tɨ̀ zɨ mba ɨnû yeʼ ɨŋga rɨkyerɨ-ɨbɔ Ŋwìə̀ we nɨə zwemnɨə bə̂d.

Ikan feg

⁹ Tesiʼ ya gha, tì ya fə se ghɔ̀mɔ̀ iwu. Inug ya yaʼ ane ni gha imbə̀ʼ tì ywirì nḛ awa igun ìwa ika ni dù inga ngəʼ. Tì ya se nḛ̀ məyi igun Ŋwiye we ne tì wì zwèmni bəd ane iwu.

2 Kɔrèn 1:9 交叉引用

2 Kɔrèn 3:5

Tɨ̀ rɨka kùʼ a nɨ gha ni ɨnû mbɔ̂ yɨ rɨ na. À yɨə Ŋwìə̀ ghɨ ni tɨ̀ kuʼ ə.

Mə̀Hibrù 11:19

Abràham nyaʼa ben ni Ŋwìə̀ we tɨ̀ wɨ̀ zwemnɨ bə̂d, əne yɨ ɨnə̂njɨ̀ mɔʼɔ nɨ ghà ni wɨ̀ nyaʼa wɨrɨ nɨŋ ə Aizìk nɨ nyaʼa fə kwɨ.

2 Kɔrèn 4:7

Àyɨə tɨ̀ berɨ mbɔ̂n zɔ̂ ɨŋga rɨkyiŋ si, ɨmbə̀ʼ zɨə zeŋ ni ɨka kyeŋ wɔ̂ yɨ wɨ Ŋwiə̀, kaʼi wa.

Lk 18:9

Yeso nyaʼa bə̀ yì ghà ənû ə mɨgɨ zɔ̂ əmbɨ ə bə̂d mɔʼɔ mbe nɨ nyaʼə ghàə̀ ni mbə mbɨə ghɨ̀ ɨnû nɨ kuʼnɨ, əne sɨə tə̀ə̀nɨ̀ə̀ bə̂d cherə.

Rm 8:36

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ɨmbə̀ʼ əwe, bə̂d mbɨə zwiirɨ əwa ɨni jìm. Ɨ mbɨə nɨŋ əwa ɨghabɨ ni tɨ̀ yɨə njɨ̀g nɨ mbɨə wo kyemɨ.”

2 Kɔrèn 1:8

Mba bɔŋgɔb, tɨ̀ kə̀b ni mbə kyerɨ ŋgəʼ ze nɨ tɨ̀ nyaʼə zə ɨŋga əbà əbeŋ ze rɨ ə Esià. Ɨkom we nɨ mbɨ nyaʼa zɨ ɨgwɨ na nyaʼa kaŋ faŋ bə̀ nìd kəb nyem əwa. Wɨ̀ nyaʼa ghɨ̀ tɨ̀ kɔndɨ ni chəi tɨ̀ bɨrɨ wɨrɨ chub ɨkǎ.

2 Kɔrèn 1:10

Məd we nɨ nyaʼa chɨ əwa rɨŋga ŋgəʼ rɨbɔ̀ŋ ze nɨ nyaʼa nɨrə zwiirɨ əwa, bɨrɨ kɨrɨ wo ɨmbì chɨ əwa. Tɨ̀ fə nuŋ ta rɨkɔndɨ ɨgwɨ məd ni wɨ̀ bɨrɨ kɨrɨ yi chɨ əwa rəŋgəʼ