1 Pità 2:1 - Meta’

¹ Mbə waʼ ɨnû rɨbɔ̀ŋ jìm, waʼ ɨnû nɨ fɨg bə̂d, waʼ ɨbekɨ ɨnû, waʼ ɨnû nɨ ghɨ ə̀dìì bə̀ waʼ ɨnû nɨ ghɨ mɨniə.

Ikan feg

¹ Mbə̀ waʼ inug tìbɔŋ ijìm, bə̀ waʼ anug ni tambi bəd. Mbə̀ bə waʼ anug ni fùbrì inug, bə̀ waʼ anug ni ghì àdeg fɔrɔ anug ni chìkì tikum bəd.

1 Pità 2:1 交叉引用

Efesùs 4:31

Mbə̀ waʼ mɨŋgam jìm mbe nɨə tɔbə fîŋ rɨ bə̂d, waʼ ənû nɨ chɔb, waʼ ənû nɨ sə ɨtəm, waʼ ənû nɨ taŋ, waʼ ənû nɨ ghambɨ wə̀d, bə̀ waʼ ənû nɨ ghɨ tɨkwɨrɨ ɨbə jìm.

Jems 1:21

Əne mbə̀ waʼ ɨzwɨ̂ ɨnû jìm bə̀ waʼ ɨnû ɨzɨg jìm mbe nɨ mbɨə ghɨ̀ə̀. Mbə swi ə ɨnyod, ben ɨŋgam Ŋwiə̀ we nɨ wɨ̀ zɨ ɨŋga tə fîŋ. Ɨŋgam we bɨrɨ ghɨ̀ ni mbə̀ jwɨ rəŋgəʼ.

Jems 4:11

Mbɨ bɔŋgɔb, tɨ wə̀d gha i ɨnû rɨbɔ̀ŋ ɨgwɨ wi aŋgɔb. Wə̀d we nɨə ghà ɨnû rɨbɔ̀ŋ ɨgwɨ wi aŋgɔb kɨ̀ beə saʼ əməd wɨə ghàə̀ ni tɨkə rɨ Ŋwiə̀ rɨka kuʼi. Məd wɨə bə̀ saʼə tɨkə rɨ Ŋwiə̀. Àwɔ̀ mɨ yeʼ wə̀d nɨə saʼə tɨkə rɨ Ŋwiə̀, njɨ kaʼ àwɔ̀ wɨə nùŋ e rɨkə te. À wɨə saʼə rɨwən.

1 Pità 3:10

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Wə̀d we nɨ ghaʼ nɨ chub ɨchî chɔ̀m bə̀ zə ɨni chɔ̀m, berɨ yimbɨ i ɨnemɨ ɨmbə̀ʼ tɨ wɨ̀ gha i ɨŋgam rɨbɔ̀ŋ. Wɨ̀ bə yimbɨ i ɨchû ɨmbə̀ʼ tɨ wɨ̀ gha i mɨghab.

1 Pità 4:4

Tɨ̀nîn ɨ mbɨə yiirɨə ni chəi mbə̀ ə wɨrɨə fɔtɨ əbɔʼ mɨ̀mə̌d ɨmbə̀ʼ ghɨ ɨnû rɨbɔ̀ŋ mbe nɨ mbə nyaʼə beə ghɨ̀ə̀. Ɨchî nɨ chəi mbə̀ə wɨrɨə fɔtɨ əbɔʼ mɨ̀mə̌d, ɨ mbɨə sɨə zɔ̀m əwən.

1 Pità 4:2

Əne mbə̀ nɨŋ nyùmə̀ we nɨ buʼ ɨ nən ɨgwɨ ə si ghɨ̀ ɨnû mbe nɨ Ŋwiə̀ kəbɨ, kaʼi mbe nɨ bə̂d rɨ ɨgwɨ ə si ə kə̀bə̀.

Jems 5:9

Mbɨ bɔŋgɔb, tɨ mbə̀ ghambɨ ə mbə bɔŋgɔb ɨmbə̀ʼ tɨ Ŋwìə̀ saʼ i əwən. Mbə̀ zə, wə̀d we nɨ bɨrɨ saʼ ɨsɨg fə sɨ i ɨchû nəb!

Mə̀Hibrù 12:1

Ɨchî nɨ mɨ̀zərɨmbin mbɔ̂ ɨnɔ̂n kyeŋ kaŋ kad əwa, əne tɨ̀ waʼ ɨnû jìm mbe nɨə kən ɨnə̂njɨ̀ ɨ na bə̀ waʼ ɨnû rɨbɔ̀ŋ mbe nɨ kod əwa. Tɨ̀ notɨ ə̀nòtɨ̀ ze nɨ yeʼ ɨmbì ɨ na mbɨ ɨnyiʼ fîŋ.

1 Timotì 3:11

Əndəŋ əndəŋ, məyi mɨ̀mə̌d berɨ yeʼ mbe nɨ bə̂d ə bə̀ wumnɨ mɨ̀mə̌d. Tɨ mbɨ yeʼ məyi nɨə chəkɨ rɨkum bə̂d. Mbɨ berɨ yeʼ ɨbɔtɨ məyi bə̀ yeʼ məyi nɨ bə̂d nuŋ tə fîŋ ɨgwɨ mɨ̀mə̌d ənɨ ɨnû jìm.

1 Pità 2:22

Chəi wɨ̀ nyaʼa ghɨ ənû rɨbɔ̀ŋ ə mɔʼɔ. Chəi mɨghab mɔʼɔ nyaʼa jwɨ̀ rɨŋga ɨchù məd.

Tayitùs 2:3

Əndəŋ əndəŋ, bə ghà əmbɨ məyi mbe nɨ fə kaanɨ ni mbɨ chub ɨzeŋɨ zeŋɨ. Tɨ mbɨ chəkɨ ə tɨkum bə̂d kɨ̀ bè ben ə̀bòʼò əmbɨ mɨnoʼ. Mbɨ berɨ yeʼ məyi nɨə chwi ɨnû chɔ̀m,

1 Kɔrèn 14:20

Mbɨ bɔŋgɔb, tɨ tə rɨkɔndɨ yeʼi ɨghabɨ tɨ bɔn kwa. Mbə̀ yeʼ ɨghabɨ ə bɔn bɔd ənɨ zɨə de ɨnû rɨbɔ̀ŋ, àyɨə mbə̀ berɨ tɨkɔndɨ bə̂d kyeŋ.

Rm 1:29

Tɨkwɨrɨ ɨzɨg jìm, tɨkwɨrɨ ɨnû rɨbɔ̀ŋ jìm, tɨkwɨrɨ ɨchî jìm nɨ feenɨ ɨghɨ bə̀ fɔrɨ tɨkwɨrɨ ɨbə jìm fə swi ɨŋga fîŋ tɨ mɨ̀mə̌d. Ənû nɨ ghɨ ə̀dìì, ənû nɨ zwiirɨ bə̂d, ənû nɨ chɔb, ənû nɨ tambɨ bə̂d fɔrɨ ənû nɨ taŋ mɨnaŋ fə bə̀ swi ɨŋga fîŋ tɨ mɨ̀mə̌d. Ɨ mbɨə ghɨ̀ mɨniə,

Lk 6:42

Kɨ̀ tɨ̀ à ghà əmbɨ we aŋgɔb ni, 'Aŋgɔb, sɨ mə chɨ əchəb əghɨ ze nɨ yeʼ ɨŋga e ɨghə,' nɨ chəi àwɔ̀ ə zə əkwirɨ ɨwəŋ ze nɨ yeʼ ɨŋga we ə? Àwɔ̀ yɨ əbekɨ ə wə̀d! Fə be chɨ̀ əkwirɨ ɨwəŋ ze nɨ yeʼ ɨŋga e ɨghə, əne à bɨrɨ zə ɨsɨ ɨchî chɔ̀m bɔŋ chɨ əchəb əghɨ ze nɨ yeʼ ɨŋga ɨghə we aŋgɔb.

Matìyò 23:28

Əbà rɨ əsaŋ, mbə yɨ ɨghabɨ ə bə̂d nɨə ghɨ̀ ɨnû nɨ kuʼnɨ, àyɨə əbà rɨŋga, ɨbekɨ fɔrɨ ɨnû rɨbɔ̀ŋ swi ɨŋga nən.”

Matìyò 7:5

Àwɔ̀ yɨ əbekɨ ə wə̀d! Fə be chɨ̀ əkwirɨ ɨwəŋ ze nɨ yeʼ ɨŋga e ɨghə, əne à bɨrɨ zə ɨsɨ ɨchî chɔ̀m bɔŋ chɨ əchəb əghɨ ze nɨ yeʼ ɨŋga ɨghə we aŋgɔb.

2 Kɔrèn 12:20

Mə wɨə bɔə ni mə mɨ yeʼe, chəi mə bɨrɨ zə əwən ɨchî nɨ mə̀ kəb ni mbə̀ yeʼ ə. Mə wɨə bə̀ bɔə ni chəi mbə bɨrɨ zə əmɨ ɨchî nɨ mbə̀ kəb ni mə yeʼ ə. Mə wɨə bɔə ni ɨghə̀m mə bɨrɨ zə bə̂d nɨə tàŋə̀, zə mbe nɨə ghɨ̀ ə̀dìì, zə mbe nɨə sə ɨtəm, zə mbe nɨə siə, zə mbe nɨə chəkɨ rɨkum mbɨ cherə, zə mbe nɨə ghɨ̀ mɨniə, zə mbe nɨə tərə bə̀ zə mbe nɨə bùùrɨ̀ ɨsɨ.

Ɨnû 14:5

Chəi mɨghab kweʼ jwɨ̀ rɨŋga ɨchû mɨ̀mə̌d. Chəi bəi ɨgu ənû ɨgwɨ mɨ̀mə̌d.

1 Pità 2:16

Mbə̀ chub ɨghabɨ ə bə̂d mbe nɨ yeʼ ənɨ ə ɨghəm, àyɨə tɨ mbə nɨŋ əwən ɨchî nɨ mbə̀ə chub ənɨ ə ɨghəm ɨmbə̀ʼ ghɨ ɨnû rɨbɔ̀ŋ. Mbə̀ chub ɨchî nɨ bə̂d ə̀fàʼì Ŋwiə̀ berɨ chubɨ.

Jems 4:5

Kɨ̀ mbə̀ wa kɔndɨ ni à yɨ ətu ə̀kǒ nɨ Ə̀ŋwàʼnɨ̀ ə Ŋwiə̀ ə ghà ni, “Ŋwìə̀ wɨə ghə̀ʼnɨ̀ Əzwî əməd ze nɨ wɨ̀ ghɨ ni zɨə yeʼ ɨŋga na.”

Jems 3:14

À mɨ berɨ ə̀dìì rɨbɔ̀ŋ, à mɨ bə̀ kə̀b ɨghɨ àmei ɨmbə̀ʼ e ɨghəm, tɨrə̀ goŋ e ɨgɔ̂ ɨmbə̀ʼ əzɨ əwən kɨ̀ bè ton ɨnû mbe nɨ yeʼ mbɨ rəsìʼ.

1 Tèsàlonikà 2:3

Ka ɨchî nɨ tɨ̀ nyaʼə ghà ɨŋgam Ŋwiə̀ yɨ i rɨ ənɨ ɨchî nɨ tɨ̀ feb ənû, kɨ̀ rɨ ənɨ tɨkɔndɨ rɨbɔ̀ŋ, kɨ̀ ɨmbə̀ʼ tambɨ əwən.

1 Kɔrèn 5:8

Əne tɨ̀ jɨg əchwɨ̂ ze, kaʼi mbɨ ə ŋgə̀ŋ ze nɨ ɨfuʼ ənun we nɨə ghɨ̀ ni ŋgə̀ŋ kɔʼ yeʼ ɨŋga. Ɨfuʼ ənun we nɨə ghɨ̀ ni ŋgə̀ŋ kɔʼ yɨ ənû nɨ ghɨ̀ ɨnû rɨbɔ̀ŋ mbɨ ənû nɨ ghɨ ɨzɨg. Àyɨə tɨ̀ jɨg əchwɨ̂ ze yeʼ ənɨ ə ŋgə̀ŋ nɨ chəi ɨfuʼ we nɨə ghɨ̀ ni ŋgə̀ŋ kɔʼ ɨŋga. Tɨ̀ jɨg ənɨ ə fîŋ zeŋɨ zeŋɨ bə̀ sɨə ghà ɨnû mbe nɨ yeʼ mbɨ rəsìʼ.

Jn 1:47

Yeso nyaʼa zə ə Natanaèl nɨ nyaʼə yeʼe əsɨ məd, əne wɨ̀ nyaʼa ghà ɨmbə̀ʼ əməd ni, “Mbə̀ zə wɔ̂ yɨ wə̀d Izre rəsìʼ. Chəi əbegrɨ-ənû ɨŋga məd!”

Lk 11:44

Ŋgəʼ kyeŋ bɨrɨ nyɨ ɨgwɨ nən! Zɨ̀ bɨrɨ nyɨ ɨmbə̀ʼ ɨghəm nɨ mbə mbɨ ɨghabɨ mɨsî nɨ chəi bə̂d ə zəə, əne bə̂d mbɨə yèn ɨgun nɨ chəi mbɨ kyerɨ.”

Lk 12:1

À nyaʼa ənɨ ə nyùmə̀ we, ɨnɔ̂n bə̂d chuʼ mbɨ ə chuʼ nyaʼa wò fetɨ. Mbɨ nyaʼa fetɨ əne, mbɨ mɔʼɔ sɨə tə̀ʼrɨ̀ə̀ mbɨ cherə. Yeso nyaʼa bè kɔ ghǎ əmbɨ mbi mə̀mə̀ə̀nɨ̀-ɨnû ni, “Mbə̀ we əwən ɨmbə̀ʼ ɨfuʼ mɨ̀Farisiî we nɨə ghɨ̀ ni ŋgə̀ŋ kɔʼ. Əne yɨ mə̀ gha ni mbə̀ we ɨmbə̀ʼ ɨbekɨ ɨnû mɨ̀mə̌d.

Mk 12:15

Tɨ̀ maʼa kɨ̀ tɨ rɨ̀ maʼ əwa ə?” Yeso nyaʼa kyerɨ ɨbekɨ ɨnû mɨ̀mə̌d, əne wɨ̀ nyaʼa ghà əmbɨ mɨ̀mə̌d ni, “Mbə̀ kɨə kəb kwaʼnɨ əmɨ ɨmbə̀ʼ ə yè ə? Mbə̀ yeʼe mbɨ ɨkab ətənɨ mɔʼɔ mə zə.”

Matìyò 24:51

Wɨ̀ bɨrɨ pe zɨ ɨchə ɨgwɨ əməd, bə̀ nɨŋ əməd nùŋ əbɔʼ ɨbekɨ bə̂d, əsɨ nɨ bə̂d bɨrɨ sɨə zə̀ʼə̀ kud əsɔŋ.

Matìyò 15:7

Mbə̀ yɨ ɨbekɨ bə̂d! Wə̀d ɨ̀kə̀n Ŋwìə̀ Aizayà nyaʼa ghà ɨnû nɨ kuʼnɨ ɨmbə̀ʼ əwən ənɨ wɨ̀ nyaʼa ghǎ ni,