1 Jɔn 2:22 - Meta’

²² Wə̀d mɨghab kɨə we? Kaʼ à wa kɨ i wə̀d we nɨə ghàə̀ ni ka Yeso yɨ i wə̀d we nɨ Ŋwìə̀ zɔʼ ə? Wə̀d we nɨ ton ə Mbǎʼ bə̀ ton Wan yɨə wə̀d pə̀n Kristo.

Ikan feg

²² Wə̀d inug ako kə we? À ya wə̀d we ne to̰ yi gha Yeso kayi Wə̀d we ne Ŋwiye zɔ̀ʼi. Wì ya to̰ yi Mbaʼ bə̀ to̰ yi Ŋwan. Iku wə̀d we ya Wə̀d ìpàb Kristo.

1 Jɔn 2:22 交叉引用

2 Jɔn 1:7

Mətambɨ-bə̂d mɨ̀nɔnɔʼ fə jàŋ ɨŋga ɨsɨg. Chəi mbɨ ben ni Yeso Kristo nyaʼa yeʼe ɨŋga ɨsɨg ɨŋga nyamnyod wə̀d mɨ̀sɔŋɨchù. Ɨkwɨ wə̀d ɨghabɨ wɔ̂ yɨ ətambɨ-bə̂d fɔrɨ wə̀d pə̀n Kristo.

1 Jɔn 4:3

Chəi Əzwî ə Ŋwìə̀ ɨŋga wə̀d jìm we nɨ chəi wɨ̀ ben ə Yeso. Əzwî ze nɨ yeʼ ɨŋga məd yɨ rɨ əmbɨ ə wə̀d pə̀n Kristo. Mbə nyaʼa fə zu ni əzwî ze ə bɨrɨ yeʼe, əne tɨ̀nîn ə zɨə sɨ i ɨŋga ɨsɨg.

1 Jɔn 2:18

Mbɨ bɔn, nyùmə̀ we nɨ ɨsɨg ə wò nwìə̀ fə tiinɨ. Mbə nyaʼa fə zu ni wə̀d pə̀n Kristo wɨə yeʼe. Tɨ̀nîn bə̂d pə̀n Kristo nɔnɔʼ fə yeʼe. Əzɔ̂ ə fə ghɨ̀ tɨ̀ kyerɨ ni nyùmə̀ we nɨ ɨsɨg ə wò nwìə̀ fə tiinɨ.

Jûd 1:4

Mə wɨə ghà əne ɨmbə̀ʼ ɨghəm nɨ bə̂d mɔʼɔ nɨ chəi mbɨə wumnɨ ə Ŋwiə̀ fə nyaʼrɨ yeʼe nyɨ əkaʼ nən. Ɨ mbɨə bèŋ ɨ̀chɔ̀m a Ŋwìə̀ ɨmbə̀ʼ ghɨ ɨnyamnɨ-ɨnû. Ɨ mbɨə bə̀ ton ə Yeso Kristo nɨ àmei məd yeʼ a Mbǎʼ ə̀fàʼì bə̀ yeʼ a Ə̀nùŋɨ̀sɨg we mɔʼ. Ə̀ŋwàʼnɨ̀ ə Ŋwìə̀ ə nyaʼa fə ghà rəŋwe ni Ŋwìə̀ bɨrɨ zɨ ɨsaʼi ɨgwɨ mɨ̀mə̌d.

1 Jɔn 4:20

Wə̀d mɔʼɔ mɨ ghà ni tə ghaʼ ə Ŋwìə̀, àyɨə wɨ̀ bàn wi aŋgɔb, əne məd yɨə wə̀d mɨghab, ɨmbə̀ʼ ɨghəm nɨ ka wə̀d we nɨ chəi wɨ̀ ghaʼ wi aŋgɔb nɨ wɨə zəə, bɨrɨ bɨ ghaʼ i Ŋwìə̀ we nɨ chəi wɨ̀ kweʼ zə.

1 Jɔn 2:23

Wə̀d we nɨ ton Wan fə bə̀ ton ə Mbǎʼ. We nɨ ben Wan fə bə̀ ben ə Mbǎʼ.

1 Jɔn 1:6

Tɨ̀ mɨ ghà ni tɨ̀ wɨ ənɨ ɨfɔtɨ mbɨ məd, àyɨə tɨ̀ wɨə kɨrɨ ɨŋga ɨsɨ firɨ, əne yɨ ni tɨ̀ wɨə ghàə̀ mɨghab fɔrɨ ni chəi tɨə beenɨ əbɔʼ rəsìʼ.

1 Jɔn 2:4

Wə̀d mɔʼɔ we nɨ ghà ni tə kyerɨ əməd, àyɨə chəi wɨə nùŋə̀ rɨkə məd, yɨə wə̀d mɨghab. Chəi rəsìʼ ɨŋga ɨnû mbe nɨ wɨə ghàə̀.

Jn 8:44

Mbə yɨə bɔn Debɨ̀rə̀ we nɨ yeʼ ə mbǎʼ. Mbə mbɨə kə̀b ghɨ àmei ɨnû mbe nɨ ə mbǎʼ kəbɨ. Məd yɨə nyaʼə ə̀zwììrɨ̀-bə̂d tɨ ənɨ ɨsɨg nyaʼa kɔ. Chəi wɨ̀ berɨ ənû ə mɔʼɔ nɨ ghɨ̀ mbɨ rəsìʼ, ɨmbə̀ʼ ɨghəm nɨ chəi məd ə ghà rəsìʼ. Ənɨ wɨ̀ gha mɨghab, ɨ wɨə ghɨ̀ àmei ənû ze nɨ yeʼ ɨŋga fîŋ məd, ɨmbə̀ʼ ɨghəm nɨ məd yɨə wə̀d mɨghab fɔrɨ mbǎʼ mɨghab.

Ɨnû 3:9

Zə, mə bɨrɨ ghɨ ni bə̂d mɨghab mbe nɨ yeʼ ɨŋga ɨfetɨ bə̂d Satàn yeʼe gundɨ ə si ənɨ e ɨfě, əne ben ni mə ghaʼ əwe. Mɨ̀mə̌d mbɨə ghàə̀ ni mbɨ yɨə mɨ̀Jû, àyɨə ka mbɨ yɨə mbɨwən.

Matìyò 24:5

ɨmbə̀ʼ ɨghəm nɨ bə̂d mɨ̀nɔnɔʼ bɨrɨ yeʼe, əne nɨŋ mɨ ɨkum yènə̀ ghàə̀ ni, 'Mɔ̌ yɨə Wə̀d we nɨ Ŋwiə̀ zɔʼɔ.' mbɨ bɨrɨ gha əne fèbrɨ̀ bə̂d mɨ̀nɔnɔʼ.

Matìyò 24:24

Mə wɨə ghà əne ɨmbə̀ʼ ɨghəm nɨ bə̂d mbe nɨ Ŋwìə̀ zɔʼɔ mɨ̀ghab mbɨ ə bə̂d ɨ̀kə̀n Ŋwiə̀ mɨ̀ghab bɨrɨ nɨ jwɨ̀, əne ghɨ̀ ɨnweenɨ-ɨnû ka ka bə̀ ghɨ̀ ɨnû yiirɨ, ɨmbə̀ʼ ɨchî mɨ chwiə, mbɨ fèbrɨ̀ bə̂d mbe nɨ Ŋwìə̀ fə chɔʼɔ.

1 Jɔn 5:1

Wə̀d we nɨ ben ni Yeso yɨə Wə̀d we nɨ Ŋwìə̀ zɔʼɔ yɨə wə̀d Ŋwìə̀. Wə̀d we nɨ ghaʼ mbǎʼ wan, ə bə̀ ghaʼ wan məd.