1 Kɔrèn 9:27 - Meta’

²⁷ Mə wɨə yimbɨ mɨ ɨnyod ɨmbə̀ʼ wɨ ben ə̀bòʼò ɨ num, ɨmbə̀ʼ mə mɨ ghà ɨkə̂n chɔ̀m əmbɨ ə bə̂d cherə, tɨ mə̀ sam əmɨ ɨchwɨ we.

Ikan feg

²⁷ Mə ya nyìmbe ìmə nyɔd, ghìyə̀ gha wi yaʼ àbòʼì inum, imbə̀ʼ mə nɔ̀ʼ ghà ikən chɔm abə bəd ndəŋ si chè sam ineʼi we.

1 Kɔrèn 9:27 交叉引用

Rm 8:13

Mbə mɨ chub ɨchî nɨ nyamnyod kəbɨ, mbə bɨrɨ kwɨ, àyɨə mbə mɨ che ənjìm Əzwî zwiirɨ ɨnû rɨbɔ̀ŋ mbe nɨ nyamnyod ə ghɨ̀ə̀, mbə bɨrɨ tènə̀.

1 Kɔrèn 9:25

Bə̂d mɨ̀jìm mbe nɨə ferɨə mbɨə yimbɨ ɨnyod ɨchî chɔ̀m ənɨ ɨnû jìm. Ɨ mbɨə ghɨ̀ əne ɨmbə̀ʼ nɨŋ ɨchwɨ nɨ yeʼ tɨ̀kwě te nɨə bə̀ə. Àyɨə tɨ̀ wɨə ghɨ̀ əne ɨmbə̀ʼ nɨŋ te nɨ chəi tɨə bə̀ə.

Kòlosè 3:5

Əne mbə zwiirɨ ɨghɨ rɨ ɨgwɨ ə si mbe nɨ tə nyamnyod ə feenɨə. Əne yɨ ənû nɨ niirɨ məyi kɨ̀ mbaŋə̀ əbəŋ əbəŋ, ənû nɨ ghɨ ɨnyɔɔnɨ-ɨnû, ənû nɨ feenɨ əyi kɨ̀ mbaŋə̀, tɨkɔndɨ ɨmbə̀ʼ ɨnû rɨbɔ̀ŋ, ənû nɨ ghɨ əjə. (Əjə yɨ ənû nɨ wumnɨ anèŋ.)

1 Pità 2:11

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ kyerɨ ni mbə yɨ ɨ̀nɔ̀ʼɔ̀ fɔrɨ ni mbə̀ yɨə bə̂d rɨ̀sɔ̀ʼɔ̀ ɨŋga ɨsɨg wɔ̂. Əne mə wɨə buʼ ɨbɔ ɨ nən ni tɨ mbə̀ ghɨ ə ɨnû rɨbɔ̀ŋ mbe nɨ tə nyamnyod ə feenɨə. Mbɔ̂ yɨ ɨnû mbe nɨə màʼə̀ bid ɨŋga tə fîŋ.

1 Kɔrèn 8:13

Əne, əghɨ ze nɨ mə̀ jɨg ə mɨ ghɨ̀ ni wum aŋgɔb gu ənû, chəi mə̀ bɨrɨ nɔ wɨrɨ kud nyam, ɨmbə̀ʼ tɨ wum aŋgɔb gu i.

Lk 9:25

Njìm ze nɨ wə̀d bɨrɨ jɨg kɨə ye, əwu ze nɨ wɨ̀ berɨ ɨsɨg wɔ̂ jìm, əne nim kɨ̀ sam i ɨ̀tènɨ̀ ə?

2 Timotì 2:22

Ton ɨnû rɨbɔ̀ŋ mbe nɨ ŋgwàʼ bə̂d ə feenɨə. Beenɨ yeʼ əbɔʼ ɨnû jìm mbe nɨə ghɨ̀ ni à ghɨ ɨnû nɨ kuʼnɨ. Əne yɨ ənû nɨ nuŋ fîŋ ɨgun ə Kristo, ənû nɨ ghaʼ bə̂d cherə mbɨ ənû nɨ chub ənɨ əbɔrəbɔd. Ghɨ ɨnû mbɔ̂ fɔtɨ mbɨ ə bə̂d mbe nɨə kɔ̀ŋgɨ̀ Ə̀nùŋɨ̀sɨg ənɨ ə fîŋ nɨ zeŋɨ.

2 Kɔrèn 11:27

Mə wɨə nyaʼə fàʼ rɨ̀kǎ bə̀ nwìʼ ɨnyod. Chəi mə nyaʼa gwenɨ ɨzimɨ nɔnɔʼ. Mə wɨə nyaʼa chub ə njì, ədɔʼ ə bə̀ ne əmɨ. Mə wɨə nyaʼə chub ɨghəm nɔnɔʼ nɨ chəi əghɨjɨg. Mə wɨə nyaʼə kwaŋ ngywɨ̌ əne ɨfə wɨə nyaʼə kɔ əmɨ.

2 Pità 2:15

Chəi mbɨə wɨrɨə ghɨ̀ ɨnû nɨ kuʼnɨ. Ɨ mbɨə sɨə ghɨ̀ àmei ɨnû rɨbɔ̀ŋ. Ɨ mbɨə ghɨ̀ yeʼ ɨnû mbe nɨ Balàm nɨ nyaʼə wan Beò nyaʼə ghɨ̀ə̀. Balàm nyaʼa ghaʼ ɨkab we nɨ wɨ̀ nyaʼa wo berɨ tɨ ənɨ ɨnû rɨbɔ̀ŋ mbe nɨ wɨ̀ nyaʼə ghɨ̀ə̀.

Ɨ̀fàʼì 1:25

ni wɨ̀ faʼ ə̀fàʼì zɔ̂ ɨghabɨ ə wə̀d tom, ɨchî nɨ Judàs nyaʼa saŋ ə̀fàʼì rəŋgu wò ənɨ əzi rɨmbin.”

Lk 18:5

àyɨə mə bɨrɨ weerɨ ɨku əyi wɔ̂ ɨmbə̀ʼ ɨghəm nɨ ɨ wɨə chə əmɨ, njɨ chəi mə bɨrɨ berɨ ə̀zwììrɨ̀ ɨchî nɨ wɨə jwɨ̀ə̀ yeʼe.'”