1 Kɔrèn 7:38 - Meta’

³⁸ Əne mbaŋə̀ ze nɨ nam wi əyi kwirɨ fə ghɨ̀ ənû nɨ kuʼnɨ. Ze nɨ ton i nɨ nam, fə ghɨ̀ ənû nɨ bɔŋ chè.

Ikan feg

³⁸ Ane, mbaŋà ze ne nam àyi ne wì ya taŋi inam, wè ghì anug ne bɔŋi. Àsi mbaŋà ze ne chəyi zì nami ŋwan àyi we, wè ghì anug ne bɔ̀ŋi chè.

1 Kɔrèn 7:38 交叉引用

Mə̀Hibrù 13:4

Wə̀d jìm yim ɨnamɨ mbɨ ɨwumnɨ. Tɨ mbə̀ ghɨ̀ ə ɨfabrɨ-ɨnû, ɨmbə̀ʼ ɨghəm nɨ Ŋwìə̀ bɨrɨ saʼ bə̂d mbe nɨə ghɨ̀ ɨfabrɨ-ɨnû, bə̀ saʼ mbe nɨə ni məyi kɨ̀ mbaŋə̀ əbəŋ əbəŋ.

1 Kɔrèn 7:37

Àyɨə mbaŋə̀ mɔʼɔ mɨ fə tekɨ ɨŋga i fîŋ, nɨ chəi mbɨ nyeŋ əməd, àyɨə ɨ we tɨ̀ wɨ̀ yimbɨ i ɨnyod ɨchî nɨ wɨə nòmə̀, əne fə nùŋ ɨŋga i fîŋ ni chəi tə bɨrɨ nam wi əyi kwirɨ, mbaŋə̀ ze fə ghɨ̀ ənû nɨ kuʼnɨ.

1 Kɔrèn 7:8

Tɨ̀nîn, mə wɨə ghà əmbɨ ə bə̂d mbe nɨ chəi mbɨ namɨ bə̀ ghà əmbɨ mɨku əyi ni: zɨə bɔ̀ŋ ni mbɨ chub rɨ nam ɨchî nɨ mə̀ bə chubɨ.

1 Kɔrèn 7:26

Mə mɨ nèŋ ŋgəʼ ze nɨ yeʼ rɨ̀nîn, mə kɔndɨ ni zɨə bɔ̀ŋ ni wə̀d chub i ɨchî nɨ wɨ̀ yeʼ ə.

Matìyò 5:32

Àyɨə mə wɨə ghà ɨ nən ni, mbaŋə̀ mɔʼɔ mɨ saanɨ ɨnamɨ mbɨ i ɨwi, kɨrɨ ənɨ ɨwi məd we ni mbaŋə̀ cherə, njɨ wɨ̀ fə ghɨ̀ ɨwi məd we ənɨ əyi nɨə niirɨə mbaŋə̀. Mbaŋə̀ ze nɨ nam əyi we nɨ saanɨ ɨnamɨ fə ni əyi cherə.

1 Kɔrèn 7:39

Əyi berɨ chubɨ mbɨ i ɨnom ənɨ ə nyùmə̀ we nɨ ɨnom məd kɨrɨ i ɨkǎ. Àyɨə ɨnom məd mɨ fə kwɨ, ɨ wɨ tɨ̀ wɨ̀ nam mbaŋə̀ mɔʼɔ ze nɨ wɨ̀ ghaʼi, àyɨə mbaŋə̀ ze berɨ yeʼ wə̀d Kristo.