1 Kɔrèn 3:10 - Meta’

¹⁰ Ŋwìə̀ nyaʼa ghɨ̀ ɨ̀chɔ̀m ənɨ ə num, ghɨ̀ mə bɔm əchɨ ə nəb ɨghabɨ əbɔm nəb nɨ jeŋgɨ kyerɨ ə̀fàʼì. Wə̀d cherə wɨə kod ɨgun əchɨ ze. Àyɨə wə̀d mɔʼ mɔʼ we i ɨchî nɨ wɨə kod ɨgun əchɨ ze,

Ikan feg

¹⁰ Mə ya fàʼà ane ika we ne Ŋwiye ghi ìchɔ̀mì inum nàʼi inum. Mə ya fàʼà icheg wə̀d ne taŋ kyèri àfàʼì ni zèg ati kwàʼ icheg wə̀d ne zèghè ati nəb. Ane, wə̀d ndəŋ we se kɔ̀rɔ igun ati ze. Si ya gha, wə̀d imɔʼ imɔʼ niŋə nyumə̀ ane icheg ne wì ya kɔ̀rɔ igun ati ze.

1 Kɔrèn 3:10 交叉引用

1 Kɔrèn 3:11

ɨmbə̀ʼ ɨghəm nɨ chəi əchɨ ə nəb ə cherə nɨ tɨ̀ wə̀d bɔm chè rɨ ənɨ əze nɨ Ŋwìə̀ nyaʼa fə bɔmɨ. Əchɨ ze yɨə Yeso Kristo.

Efesùs 2:20

nɨ mbɨ bɔm ɨgun əchɨ ze nɨ bə̂d tom Kristo mbɨ ə bə̂d ɨ̀kə̀n Ŋwiə̀ nyaʼa bɔmɨ. À yɨə Kristo Yeso ziə nɨ yeʼ ɨti rɨ ɨbu nəb.

Rm 15:20

Ənû nɨ mɨə kə̀bə̀ yɨ ni mə gha ɨkə̂n chɔ̀m yeʼ ɨŋga ɨsɨ mbe nɨ chəi bə̂d kɨrɨ zu ənû ɨmbə̀ʼ ə Kristo əŋgu, ɨmbə̀ʼ tɨ mə̀ kod əmɨ ɨgun əchɨ ə nəb wə̀d cherə.

Matìyò 24:45

“Wə̀d ə̀fàʼì we nɨə fàʼ ənɨ i fîŋ jìm bə̀ berɨ ɨwe, nɨ mbǎʼ ə̀fàʼì məd nuŋ ni wɨ̀ nəŋgɨ bə̂d ə̀fàʼì ɨŋga i nəb, bə̀ nàʼ ɨghɨjɨg əmbɨ mɨ̀mə̌d ənɨ ə nyùmə̀ nɨ kuʼu kɨ wi ə?

Ɨnû 21:19

Mbɨ nyaʼa yèʼ ɨchɨ rɨ ənɨ ə̀gùʼ ze ənɨ tɨkwɨrɨ əti ɨka ɨnun jìm. Əti rɨtu yɨə nyaʼə jaspà. Əze nɨ pe ənɨ mbɨ be yɨə nyaʼə safi. Əze nɨ pe ənɨ mbɨ tad yɨə nyaʼə agate. Əze nɨ pe ənɨ mbɨ kwè yɨə nyaʼə emeràl.

1 Kɔrèn 9:2

À mɨ yeʼ nɨ chəi bə̂d mɔʼɔ ben ni mə yɨə wə̀d tom Kristo, njɨ mə kyerɨ ni mbən ə benɨ, ɨmbə̀ʼ ɨghəm nɨ mbə̀ yɨ ənweenɨ ze nɨ chwi ni mɔ̌ yɨə wə̀d tom Kristo.

Matìyò 7:24

“Wə̀d jìm we nɨ zu ɨnû mbɔ̂ nɨ mə gha bə̀ ghɨ̀ ɨnû rəŋgu, yɨ ɨghabɨ wə̀d ɨwe nɨ nyaʼa bɔm i nəb ɨgun ɨwɔ̌.

1 Pità 4:11

Wə̀d mɔʼɔ mɨ yeʼə ghà ɨŋgam Ŋwiə̀, wɨ̀ gha àmei ənû ze nɨ Ŋwìə̀ gha ɨ bɔ. Wɨ̀ mɔʼɔ mɨ yeʼə fàʼə̀, wɨ̀ faʼ àmei ənɨ ɨka we nɨ Ŋwìə̀ naʼ ɨ bɔ, ɨmbə̀ʼ ənɨ ɨnû jìm, bə̂d mbe tɨ̀ mbɨ yiirɨ ə Ŋwiə̀ ənjìm ə Yeso Kristo. Ɨwumnɨ jìm mbɨ ɨka jìm yɨ wɨ məd koŋ koŋ. À yɨ əne.

2 Timotì 2:15

Kywɨ ənywɨ ghɨ̀ ni Ŋwìə̀ ben ə̀fàʼì ze nɨ àwɔ̀ ə fàʼə̀, ɨmbə̀ʼ à yeʼ wə̀d ə̀fàʼì nɨ chəi e ətu ə nìrə̀, bə yeʼ we nɨə chwi ɨŋgam we nɨ yeʼ wɨ rəsìʼ ənɨ ɨnə̂njɨ̀ nɨ kuʼnɨ.

Kòlosè 4:17

Mbə̀ gha əmbɨ Akipùs ni wɨ̀ maanɨ ə̀fàʼì ze nɨ Ə̀nùŋɨ̀sɨg zɨ ɨŋga tɨkyerɨ-ɨbɔ məd.

Rm 12:3

Ɨchî nɨ Ŋwìə̀ fə ghɨ ɨ̀chɔ̀m ənɨ ə num, mə wɨə ghà əmbɨ wə̀d jìm əkaʼ nən ni tɨ wɨ̀ kɔndɨ i ni tə chè ɨchî nɨ tə yeʼ ə, àyɨə wə̀d jìm kɔndɨ ənû ɨmbə̀ʼ i ɨnyod ɨchî nɨ kuʼnɨ. Wə̀d mɔʼ mɔʼ kɔndɨ beenɨ əbɔʼ ɨchî nɨ Ŋwìə̀ naʼ ɨbenɨ ɨ bɔ.

Rm 1:5

Ŋwiə̀ wɨə ghɨ̀ ɨ̀chɔ̀m ənɨ ə na ənjìm ə Wan məd we. Tɨ̀ yɨə bə̀ ə bə̂d tom ɨmbə̀ʼ jaŋ ɨkum məd əkaʼ bə̂d mɨ̀jìm mbe nɨ kaʼi mɨ̀Jû, ɨmbə̀ʼ mbɨ zɨ̀ tə fîŋ ɨgwɨ məd bə̀ zuunɨ əməd.

Ɨ̀fàʼì 18:27

Ənɨ wɨ̀ nyaʼə kə̀b baanɨ wo ə Àkàiyà, bə̂d Kristo mbe rɨ ə Efesùs nyaʼa tìmbɨ̀ əməd, əne ŋwàʼnɨ̀ əmbɨ bə̂d Kristo mbe rɨ ə Àkàiyà ni mbɨ nɨŋ əməd. Ənɨ wɨ̀ nyaʼa pe əŋgu, wɨ̀ nyaʼa nàʼ ə̀wèèrɨ̀ ə kyeŋ əmbɨ ə bə̂d mbe nɨ Ŋwìə̀ nyaʼa ghɨ ɨ̀chɔ̀m ənɨ mɨ̀mə̌d mbɨ ben ə Kristo.

Lk 11:35

Əne mbə̀ we ə ni tɨ ɨzeŋɨ zeŋɨ we nɨ yeʼ ɨŋga nən beŋ ənɨ ɨsɨ firɨ.

Jems 3:1

Mbɨ bɔŋgɔb, tɨ bə̂d mɨ̀nɔnɔʼ rəkaʼ nən yeʼ əwən məchwiə̀-ɨnû, ɨmbə̀ʼ ɨghəm nɨ mbə̀ fə kyerɨ ə ni Ŋwìə̀ bɨrɨ saʼ mbà mbe nɨə chwi ɨnû ənɨ ɨnə̂njɨ̀ nɨ kaanɨ.

1 Timotì 4:16

We əwe ɨmbə̀ʼ e nyamnyod bə̀ we əwe ɨmbə̀ʼ ɨnû mbe nɨ àwɔ̀ ə chwiə. Yim ɨnû mbe nɨ mə̀ gha ɨ ne ɨmbə̀ʼ ɨghəm nɨ à mɨ ghɨ̀ əne, àwɔ̀ mbɨ ə bə̂d mbe nɨə zu ɨnû mbe nɨ àwɔ̀ ə ghàə̀ bɨrɨ jwɨ̀ rəŋgəʼ.

Kòlosè 1:29

Mə wɨə ghɨ̀ ɨnû mbɔ̂ ənɨ ɨka jìm we nɨ Kristo naʼ ɨ num.

Rm 15:15

Mə fə ŋwàʼnɨ̀ ɨnû mɔʼɔ ɨ nən mbɨ ɨka fîŋ ɨmbə̀ʼ nɔɔrɨ mbə ɨtu, ɨmbə̀ʼ ɨ̀chɔ̀m we nɨ Ŋwìə̀ naʼ ɨ num

Lk 21:8

Wɨ̀ nyaʼa wììrɨ̀ ni, “Mbə we əwən ɨmbə̀ʼ tɨ wə̀d mɔʼɔ ghɨ i ni mbə̀ febə, ɨmbə̀ʼ ɨghəm nɨ bə̂d mɨ̀nɔnɔʼ bɨrɨ yeʼe nɨŋ mɨ ɨkum yènə̀ ghàə̀ ni, 'Mə yɨ wɨwən!' fɔrɨ ni, 'Nyùmə̀ fə tiinɨ!' Tɨ̀ mbə beenɨ ə əbɔʼ mɨ̀mə̌d.

Ɨnû 21:14

Ə̀gùʼ ɨkam ze rɨ əsɨ ze nyaʼa berɨ əti əchɨ ə nəb wum chɔ̀b rɨ̀be. Mbɨ nyaʼa ŋwàʼnɨ̀ rɨkum bə̂d tom Wan njɨ̀g mbe wum chɔ̀b rɨ̀be ɨgun əti ze.

2 Kɔrèn 10:15

Chəi tɨ̀ bɨrɨ goŋ ɨgɔ̂ ɨmbə̀ʼ ə̀fàʼì ze nɨ bə̂d cherə faʼi. À ɨkɔndɨ yɨ ni ɨchî nɨ ə ɨbenɨ ə kwiə, a ə̀fàʼì əkaʼ nən ə bɨrɨ bə̀ sɨə nɔʼə wò ɨmbì,

1 Tèsàlonikà 3:2

Tɨ̀ nyaʼa tom wa aŋgɔb Timotì ni wɨ̀ yeʼe ghɨ tə fîŋ kaanə bə̀ tìmbɨ̀ əwən ɨchî nɨ mbə nuŋ fîŋ ɨgun ə Kristo. Məd wɨə fàʼ əmbɨ ə Ŋwiə̀ mbɨ na ɨchî nɨ tɨə ghà ɨkə̂n chɔ̀m ɨmbə̀ʼ ə Kristo.

2 Pità 3:15

Mbə̀ neŋ ɨchî nɨ Ŋwìə̀ ə yimə fîŋ mbɨ nən, əne nɨŋ əze ɨghabɨ əpan nɨ wɨ̀ naʼ ɨ nən ni mbə̀ jwɨ rəŋgəʼ. Wa aŋgɔb Pɔ̂l, nɨ tɨ̀ ghaʼi kwàʼ rɨŋgəʼ, nyaʼa bə̀ ŋwàʼnɨ̀ ənû zɔ̂ ɨ nən ɨchî nɨ Ŋwìə̀ nyaʼa naʼ ɨwe ɨ bɔ ni wɨ̀ ghɨ əne.