1 Kɔrèn 13:5 - Meta’

⁵ Ka ɨghaʼi wɨə ghɨ̀ i ni wə̀d seenɨ, kɨ̀ ni wə̀d kəb əghɨ àmei əmbɨ i nyamnyod, kɨ̀ ni wə̀d kɨə sə ɨtəm, kɨ̀ ni wə̀d nuŋ ɨnû rɨbɔ̀ŋ jìm mbe nɨ mbɨ ghɨ ənɨ məd.

Ikan feg

⁵ Chəyi àkɔ̀ŋì ze ghìyə̀ gha bəd ya ghìyə̀ ichug, kə̀ gha wə̀d ya kə̀bə̀ gha nji ighi ijìm yaʼ ìmbi məd. Chəyi àkɔ̀ŋì ze ghìyə̀ gha wə̀d ya zàmbà gàŋa, kə̀ gha wə̀d ya nìŋə inug tibɔ̀ŋ ijìm ne bəd mbe ghìyə̀ ibo nyìme inga fìŋ.

1 Kɔrèn 13:5 交叉引用

1 Kɔrèn 10:24

Tɨ wə̀d mɔʼɔ kəb i àmei ɨnû mbe nɨ bɔŋ ɨ bɔ. Wɨ̀ kəb yeʼ mbe nɨ bɔŋ əmbɨ ə bə̂d cherə.

Jems 1:19

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ berɨ kyerɨ ənû zɔ̂. Wə̀d jìm tɔ ɨ̀tǒŋ zu ənû. Tɨ wɨ̀ kɨə ghàm i. Tɨ wɨ̀ kɨə sə i ɨtəm,

Fìlipì 2:21

Bə̂d mɨ̀jìm mbə mbɨə zɨ̀ ɨtu àmei ənɨ ɨnû mbe nɨ mbɨ kəbɨ, kaʼi mbe nɨ Yeso Kristo kə̀bɨ.

Fìlipì 4:8

Mbɨ bɔŋgɔb, ənû nɨ sɨ nwìə̀ yɨ ni, ənû ə mɔʼɔ mɨ bɔ̀ŋ, ənû ə mɔʼɔ mɨ yeʼ əŋgu nɨ bə̂d ə yiirɨə, mbə nuŋ tə rɨkɔndɨ ɨgun ɨnû mbe. Ənû nɨ yeʼ əzɨ rəsìʼ, ənû nɨ tɨ bə̂d wumnɨ, ənû nɨ kuʼnɨ, ənû nɨ zeŋɨ, ənû nɨ bə̂d ə ghaʼə mbɨ ənû nɨ tɨ bə̂d feenɨ, yɨ mbe nɨ tɨ̀ mbə nùŋ tə rɨkɔndɨ ɨgun.

Gàlesìyà 5:13

Mbɨ bɔŋgɔb, Ŋwìə̀ nyaʼa tɔŋ əwən ni mbə̀ yeʼ mbi bə̂d, ɨmbə̀ʼ tɨ mbə̀ wɨrɨ ben ə ɨ̀bòʼò əmbɨ rɨkə. Tɨ ənû zɔ̂ ni chəi mbə̀ wɨrɨ ben ɨ̀bòʼò ə chwi ni mbə̀ ghɨ ɨnû mbe nɨ tə nyamnyod ə feenɨə. Mə kə̀b yeʼ ni ɨghaʼi ghɨ ni mbə̀ faʼ əmbɨ mbə bɔŋgɔb,

1 Kɔrèn 12:25

Wɨ̀ nyaʼa ghɨ̀ əne ɨmbə̀ʼ tɨ ə̀ghàbrɨ̀ ə jwɨ i əkaʼ ɨsɨ ɨnyod mbe. Wɨ̀ nyaʼa kə̀b yeʼ ni ɨsɨ ɨnyod jìm nəŋgɨ mbə bɔŋgɔb.

2 Kɔrèn 5:19

Əne yɨ ni, Ŋwiə̀ nyaʼa chè ənjìm ə Kristo màànɨ̀ taŋ mbɨ ə bə̂d ɨmbə̀ʼ mbɨ yeʼ bə̂d ɨməd. Chəi wɨ̀ nyaʼa taŋ tɨ̀gurɨ-ɨnû bə̂d ɨgwɨ mɨ̀mə̌d. Wɨ̀ nyaʼa zɨ̀ ɨkə̂n ɨmbə̀ʼ ənû nɨ maanɨ taŋ ɨŋga ta rɨkyerɨ-ɨbɔ ni tɨ sɨə ghà əmbɨ ə bə̂d.

1 Kɔrèn 10:33

Mbə̀ ghɨ ɨghabɨ ə mɔ̌, ɨmbə̀ʼ ɨghəm nɨ mə wɨə kəbɨ ni fîŋ rɨ bə̂d mɨjìm bɔŋ ɨchî nɨ mɨə ghɨ̀ ɨnû jìm. Chəi mə̀ kəb nɨ ghɨ àmei ɨnû mbe nɨ bɔŋ ɨ num. Mə wɨə kəb ghɨ̀ yeʼ mbe nɨ bɔŋ əmbɨ ə bə̂d mɨ̀nɔnɔʼ, ɨmbə̀ʼ ɨ mbe tɨ̀ mbɨ jwɨ̀ rəŋgəʼ.

1 Kɔrèn 11:18

Ənû rɨtu yɨ ni, mə fə zu ni ənɨ mbə̀ fetɨ ɨghabɨ ə bə̂d Kristo, ə̀ghàbrɨ̀ ə zɨə jwɨ̀ əkaʼ nən. Mə we tɨ̀ mə ben ni à yɨ rəsìʼ.

Matìyò 5:22

Àyɨə mə wɨə ghà ɨ nən ni: Wə̀d mɔʼɔ mɨ sə ɨtəm əbɔʼ wi aŋgɔb, mbɨ bɨrɨ saʼ əməd. Wə̀d mɔʼɔ mɨ zɔ̀m wi aŋgɔb, mbɨ bɨrɨ nɨŋ əməd wò ni mə̀saʼ əbeŋ saʼ əməd. Wə̀d mɨ ghà əmbɨ wi aŋgɔb ni, 'Àwɔ̀ yɨ əneŋ!' mbɨ bɨrɨ maʼ əməd ɨŋga əsɨ ɨchə nɨ chəi ɨwid ə nɔ nìmə.

Lk 7:39

Ənɨ Farisiî we nɨ nyaʼa tɔŋ ə Yeso nyaʼa zə ənû ze, wɨ̀ nyaʼa ghà ɨŋga i fîŋ ni, “Mbaŋə̀ zɔ̂ mɨ kàŋ kə̀ʼ yeʼ wə̀d ɨ̀kə̀n Ŋwìə̀, njɨ wɨ̀ kyerɨ əyi wɔ̂ nɨə bètɨ̀ əməd bə̀ kyerɨ ɨkwɨ əyi we nɨ wɨ̀ yeʼ wɨwən, ɨmbə̀ʼ ɨghəm nɨ əyi wɔ̂ wɨə ghɨ̀ ɨnû rɨbɔ̀ŋ.”

Mk 3:5

Wɨ̀ nyaʼa nèŋ mɨ̀mə̌d kad nàànɨ̀, sə ɨtəm bə̀ wɨrɨ kə̀n ɨmbə̀ʼ ɨghəm nɨ fîŋ tɨ mɨ̀mə̌d nyaʼa tu. Wɨ̀ nyaʼa ghɨ̀ əne ghà əmbɨ ə mbaŋə̀ ze ni, “Sem e əbɔ.” Wɨ̀ nyaʼa sèm, əne əbɔ əməd ə nyaʼa wɨrɨ kà i.

2 Tès 3:7

Mbə fə kyerɨ ə kwàʼ ɨchî chɔ̀m ni mbə berɨ fàʼ àmei ɨchî nɨ tɨ̀ nyaʼə fàʼə̀. Chəi tɨ̀ nyaʼə ghɨ̀ ɨgwed ənɨ tɨ̀ nyaʼa mbɨ nən.

1 Kɔrèn 7:36

Mbaŋə̀ mɔʼɔ mɨ kɔndɨ ni chəi tɨə ghɨ̀ ɨnû ɨchî nɨ kuʼnɨ əmbɨ wi əyi kwirɨ, wɨ̀ mɨ yeʼə nòm əku ɨchî nɨ zɨə berɨ nɨ yeʼ əne, wɨ̀ ghɨ̀ ənû ze nɨ wɨ̀ kəbɨ. Wɨ̀ nam. Kaʼi ənû rɨbɔ̀ŋ nɨ nam.

Matìyò 9:4

Yeso nyaʼa kyerɨ tɨkɔndɨ tɨ mɨ̀mə̌d, əne wɨ̀ nyaʼa ghà ni, “Mbə̀ kɨə kɔndɨ ɨnû rɨbɔ̀ŋ ɨŋga tə fîŋ ɨmbə̀ʼ ə yè ə?

2 Timotì 2:10

Əne mə wɨə nyìʼ əton ɨnû jìm ɨmbə̀ʼ bə̂d mbe nɨ Ŋwiə̀ chɔʼɔ jwɨ rəŋgəʼ bə̀ berɨ ɨwumnɨ we nɨ ten i koŋ ɨchî nɨ mbɨ yeʼ ənɨ ɨfɔtɨ mbɨ Kristo Yeso.

2 Timotì 4:16

Ənɨ ə nyùmə̀ rɨtu we nɨ mə nyaʼa təm ni mbɨ saʼ əmɨ, chəi wə̀d mɔʼɔ nyaʼa yeʼe ɨ kəŋgɨ əmɨ. Wə̀d jìm nyaʼa waʼ əmɨ. Tɨ Ŋwìə̀ ŋwaʼnɨ i ɨnû mbe nɨ mbɨ ghɨ ənɨ rɨkum tɨ mɨ̀mə̌d.