29 Saájee nsi̱káchiꞌi Jesús nchinúún ráa, jee nkachiꞌ re̱ꞌ: ―Saꞌá ni̱ꞌ sánikua̱ꞌ jínúꞌ iniꞌ rán kúneí iniꞌ rán.
Saájee nna̱xiníkó Jesús jee nkachiꞌ‑i nu̱u̱nꞌ ña: ―Noꞌó ñaꞌan, na̱ ka̱ꞌ kúneí víꞌí ka̱ꞌ iniꞌ nú nuꞌuꞌ. ¡Kuvi sáni kuíni nú ya̱ saꞌá ni̱ꞌ! ―nkachiꞌ re̱ꞌ. Jee ne̱ máá hora yukuán, jee nnuvi se̱ꞌya sɨ́ꞌɨ́ ña.
Jee nkachiꞌ Jesús nu̱u̱nꞌ re̱ꞌ: ―Kuáꞌán. Chi jie̱ꞌe̱ꞌ ya̱ ínúꞌ iniꞌ nú kúneí iniꞌ nú nuꞌuꞌ, jee nxi̱núvi‑i nó. Ntañúꞌún kuitɨꞌ nnu̱nijinꞌ nchinúún re̱ꞌ, jee nna̱kune̱ꞌyá re̱ꞌ, jee nchi̱nikɨnꞌ re̱ꞌ Jesús ichi vá.
Soo nna̱koto yátá Jesús, jee niniꞌ re̱ꞌ ña, jee nkachiꞌ re̱ꞌ: ―Nasaꞌá neí iniꞌ nú, se̱ꞌya sɨ́ꞌɨ́, chi jie̱ꞌe̱ꞌ ya̱ ínúꞌ iniꞌ nú kúneí iniꞌ nú nuꞌuꞌ jee nxi̱núvi ni̱ꞌ noꞌó ―nkachiꞌ re̱ꞌ, jee kuísá máá hora yukuán nnuvi ña.
Saájee nkachiꞌ Jesús nu̱u̱nꞌ capitán vá: ―Kuánoꞌonꞌ veꞌi nú, jee kuvi tiñu sánikua̱ꞌ nku̱neí iniꞌ nú ya̱ kuvi saꞌá ni̱ꞌ maa. Jee kuísá hora yukuán jee nnuvi musúꞌ vá.
Saájee nku̱náꞌví iniꞌ Jesús ráa, jee nsi̱káchiꞌi Jesús nchinúún ráa, jee kuísá ntañúꞌún kuitɨꞌ nnu̱nijinꞌ nchinúún ráa, jee nna̱kune̱ꞌyá ráa, jee nchi̱nikɨnꞌ ráa Jesús.
Jee sáá nki̱vɨ Jesús veꞌi, jee ña̱tuꞌva ni núvíꞌ rá te̱e kuáá vá nu̱u̱nꞌ Jesús, jee ni̱ka̱tu̱ꞌún re̱ꞌ ráa, jee nkachiꞌ re̱ꞌ: ―¿Á jínúꞌ iniꞌ rán ya̱ kuvi saꞌá ni̱ꞌ ya̱ nu̱nijínꞌ nchinúún rán? ―nkachiꞌ re̱ꞌ. Jee nkachiꞌ ráa nu̱u̱nꞌ re̱ꞌ: ―Saá, I̱toꞌoꞌ.
