Mateo 6:28 - Mixteco del suroeste de Tlaxiaco Oaxaca

²⁸ ’Jee, ¿na̱ jie̱ꞌe̱ꞌ chi nániꞌvɨꞌ iniꞌ rán jie̱ꞌe̱ꞌ saꞌma kuꞌun rán rúja? Kune̱ꞌyá rán na̱ja jiáꞌnu rá itaꞌ ni̱kɨ̱ꞌ xtíláꞌ yúkú ya̱ ni ntu̱ví sátíñú yɨ́ɨ́ ráa, jee ni ntu̱ví táví ráa.

Mateo 6:28 交叉引用

Mateo 6:25

’Jee saáva káchíꞌ ni̱ꞌ nu̱u̱nꞌ rán ya̱ koto nániꞌvɨꞌ iniꞌ rán jie̱ꞌe̱ꞌ na̱ja kutekuꞌ rán, va̱ni jie̱ꞌe̱ꞌ rénákúvi ya̱ kajiꞌ rán, áxí, rénákúvi ya̱ koꞌo rán, jee koto nániꞌvɨꞌ iniꞌ rán jie̱ꞌe̱ꞌ yɨkɨkúñu rán, va̱ni ré jie̱ꞌe̱ꞌ na̱ saꞌma kuꞌun rán. Chi, ¿á nsáꞌ ya̱ yɨ́yáꞌvi ka̱ꞌ ví ya̱ sáꞌá Ndiosíꞌ jín‑ó ni tékúꞌ‑ó nsú ka̱ꞌ ya̱ kajiꞌ‑ó rúja?, jee, ¿á nsáꞌ yɨ́yáꞌvi ka̱ꞌ yɨkɨkúñu‑ó, nsú káꞌ saꞌma ñúꞌún‑ó rúja?

Filipenses 4:6

Koto núkuíꞌyá iniꞌ rán na̱ni jie̱ꞌe̱ꞌ, chisaꞌ jie̱ꞌe̱ꞌ nta̱ká tiñu, kaꞌanꞌ rán jín Ndiosíꞌ jee ka̱ka̱nꞌ rán nu̱u̱nꞌ re̱ꞌ jee suni nakuatáꞌví rán nu̱u̱nꞌ re̱ꞌ jee saájee ka̱ka̱nꞌ táꞌvíꞌ ránꞌ nu̱u̱nꞌ re̱ꞌ ya̱ jíniñúꞌún rán.

Lucas 12:27

’Kune̱ꞌyá rán na̱ja jiáꞌnu rá itaꞌ ni̱kɨ̱ꞌ xtíláꞌ yúkú, ya̱ ni ntu̱ví sátíñú yɨ́ɨ́ ráa jee ni ntu̱ví táví ráa. Soo káchíꞌ ni̱ꞌ nu̱u̱nꞌ rán, ya̱ Salomón, ya̱ viiꞌ nku̱ñáꞌnú re̱ꞌ nta̱túníꞌ re̱ꞌ ñuunꞌ Israel jee súka̱ꞌ viiꞌ nasɨ́kuitɨꞌ ni̱yo rá saꞌma nñúꞌun re̱ꞌ, soo ni maá Salomón ni ntu̱ví nñúꞌun re̱ꞌ saꞌma kuéntáꞌ kua̱ꞌ viiꞌ nasɨ́kuitɨꞌ níji ɨɨn rá itaꞌ vá.

Mateo 6:31

Jee saáva koto nániꞌvɨꞌ iniꞌ rán jee kachiꞌ rán: “¿Ná kúvi ya̱ kajiꞌ‑ó?”, áxí, “¿ná kúvi ya̱ koꞌo‑ó?”, áxí, “¿ná kúvi ya̱ kuꞌun‑ó?”

Lucas 3:11

Jee nna̱xiníkó re̱ꞌ nu̱u̱nꞌ ráa: ―Ɨɨn ñɨvɨ ya̱ retú kúmí‑i u̱vi̱ꞌ saꞌma, íyó ku̱ꞌva‑a ɨɨn nu̱u̱nꞌ ñɨvɨ ya̱ ntu̱náꞌ kúmí. Jee ñɨvɨ ya̱ íyó ya̱ yájíꞌ‑i, jee suni sukuán saꞌá jín ñɨvɨ ya̱ ntu íyó ya̱ kajiꞌ ―nkachiꞌ re̱ꞌ.

Mateo 10:10

ni ñunu rán, ni koto níso sɨ́ɨ́n rán inka ka̱ꞌ saꞌma naku̱ꞌun rán, ni ni̱jia̱nꞌ rán, ni karútíꞌ rán. Chi ɨɨn ñɨvɨ ya̱ retú sátíñú‑u, jee íyó ni̱ꞌi̱nꞌ‑i ya̱ kajiꞌ‑i jie̱ꞌe̱ꞌ tiñu sáꞌá‑a.

Mateo 6:27

Jee, ¿né ɨɨn ránoꞌó retú nániꞌvɨꞌ níviniꞌ iniꞌ‑i jee á kuvi sikuéꞌnu‑u maáa kusúkún‑u ɨɨn yɨ̱kɨ kání ka̱ꞌ rúja?

Lucas 10:41

Jee nna̱xiníkó I̱toꞌoꞌ‑ó jee nkachiꞌ re̱ꞌ nu̱u̱nꞌ ña: ―Marta, Marta, na̱ ka̱ꞌ nániꞌvɨꞌ nániꞌvɨꞌ iniꞌ nú jee ñúníní iniꞌ nú jie̱ꞌe̱ꞌ kue̱ꞌe̱ꞌ rá tiñu íyó nu̱u̱nꞌ nú.

Lucas 12:11

’Jee sáá kɨ̱na̱siáꞌa rá ñɨvɨ ránoꞌó iniꞌ rá veꞌi sinagoga ichinúúnꞌ rá te̱e jiéꞌnéꞌ kua̱chi jín rá te̱e nísotíñú, jee koto nániꞌvɨꞌ iniꞌ rán na̱ja naxiníkó rán ni ná kúvi ya̱ kachiꞌ rán nama rán maárán ni ná kúvi ya̱ kaꞌanꞌ rán.

Lucas 12:22

Saájee nkachiꞌ Jesús nu̱u̱nꞌ rá te̱e kútáꞌán jín re̱ꞌ súkuáꞌa re̱ꞌ ráa: ―Saáva káchíꞌ ni̱ꞌ nu̱u̱nꞌ rán ya̱ koto nániꞌvɨꞌ iniꞌ rán jie̱ꞌe̱ꞌ na̱ja kutekuꞌ rán, va̱ni jie̱ꞌe̱ꞌ rénákúvi ya̱ kajiꞌ rán, jee koto nániꞌvɨꞌ iniꞌ rán jie̱ꞌe̱ꞌ yɨkɨkúñu rán, va̱ni ré jie̱ꞌe̱ꞌ na̱ saꞌma kuꞌun rán.

1 Pedro 5:7

Naku̱ꞌva rán nu̱u̱nꞌ Ndiosíꞌ ntáká rá tiñu xínániꞌvɨꞌ iniꞌ íyó rán, chi máá re̱ꞌ ví ya̱ kúmí re̱ꞌ ránoꞌó.