Mateo 5:40 - Mixteco del suroeste de Tlaxiaco Oaxaca

⁴⁰ Jee retú néni ɨɨn ñɨvɨ kuíni‑i kakɨnꞌ kua̱chi si̱kɨ̱ꞌ nú jee kaneeꞌ‑e camisáꞌ nú, jee suni ku̱ꞌva nú saꞌma níji nú nu̱u̱nꞌ‑u ranika̱ꞌ.

Mateo 5:40 交叉引用

Lucas 6:29

Jee retú ɨɨn ñɨvɨ kátúꞌ‑u ɨɨn ichi yɨkɨnúúnꞌ nú, jee naku̱ꞌva nú inka ka̱ꞌ ichi yɨkɨnúúnꞌ nú nu̱u̱nꞌ‑u, jee koto nánikó nú maa. Jee retú ɨɨn ñɨvɨ káneeꞌ‑e saꞌma nú, jee koto kúsáꞌán nú nu̱u̱nꞌ‑u, chisaꞌ ku̱ꞌva nú kɨ̱ꞌɨ̱nꞌ‑ɨ ranika̱ꞌ jín saꞌma níji nú.

1 Corintios 6:7

Jee saáva, ya nstívɨ́ rán maárán jie̱ꞌe̱ꞌ ya̱ íyó tuntíxín ya̱ kántáꞌán rán nteñu maárán jín táꞌán rán jee kua̱ꞌa̱nꞌ rán nu̱u̱nꞌ te̱e nísotíñú sáva sanáaꞌ maa. ¿Á ntu̱ví íyó váꞌa ka̱ꞌ keꞌneꞌ iniꞌ rán ya̱ saꞌá niváꞌa ñɨvɨ jín ránoꞌó résa? Jín, ¿á ntu̱ví íyó váꞌa ka̱ꞌ keꞌneꞌ iniꞌ rán ya̱ saꞌá máñáꞌ ñɨvɨ jín rán rúja?

Mateo 5:39

Soo nuꞌuꞌ káchíꞌ ni̱ꞌ nu̱u̱nꞌ ránú ya̱: Koto núníꞌin ránú nu̱u̱nꞌ ñɨvɨ niváꞌa. Chisaꞌ retú ɨɨn ñɨvɨ kátúꞌ‑u yɨkɨnúúnꞌ ichi kuáꞌá nú, jee natee nú iyo inka ichi yɨkɨnúúnꞌ nú nu̱u̱nꞌ‑u.

Mateo 5:41

Jee néni ɨɨn ñɨvɨ tetuvi‑i noꞌó kuniso nú nantíñú‑u kaka nú jín‑i ɨɨn kilómetro, jee kaka jín‑i ne̱ u̱vi̱ꞌ kilómetro.

1 Corintios 7:36

Soo retú íyó néni ɨɨn te̱e ya̱ íyó ñaꞌan káa náꞌví re̱ꞌ jee retú jíka kui̱ya̱ꞌ ña, jee retú jiáni iniꞌ re̱ꞌ ya̱ ntu váꞌa sáꞌá re̱ꞌ jín ña, jee jiáni iniꞌ re̱ꞌ ya̱ íyó tana̱ꞌá re̱ꞌ jín ña, va̱tu̱ni sáꞌá re̱ꞌ sáni kuíni re̱ꞌ, jee ntu sáꞌá re̱ꞌ kua̱chi. Jee tana̱ꞌá ráa.