Mateo 3:5 - Mixteco del suroeste de Tlaxiaco Oaxaca

⁵ Jee rá ñɨvɨ ñuunꞌ Jerusalén, jín rá ñɨvɨ ntáká rá inka ñuunꞌ nu̱u̱nꞌ sánitɨ́ɨn Judea, jín suni ntáká rá ñuunꞌ káá yatin yuꞌú ntekáꞌnú Jordán kéne ráa jiáꞌánꞌ ráa nu̱u̱nꞌ re̱ꞌ tésóꞌo ráa rá tu̱ꞌun stékútu̱ꞌún re̱ꞌ.

Mateo 3:5 交叉引用

Marcos 1:5

Rá ñɨvɨ kuatɨ́ɨn Judea jín nɨꞌɨ ñɨvɨ ñuunꞌ káꞌnú Jerusalén kéne ráa jiáꞌánꞌ ráa teso̱ꞌo ráa tu̱ꞌun xínéꞌénꞌ re̱ꞌ. Jee sáá náꞌmáꞌ ráa kua̱chi ráa nu̱u̱nꞌ Ndiosíꞌ, jee síkuánuté Juan ráa nu̱u̱nꞌ nute káꞌnú Jordán.

Juan 5:35

Juan jee nkuvi re̱ꞌ kuéntáꞌ ɨɨn kantil ya̱ ntɨɨn ñuꞌunꞌ jee nstu̱únꞌ‑u, chi njia̱ꞌa re̱ꞌ ya̱ naáꞌ jie̱ꞌe̱ꞌ Tu̱ꞌun Ndiosíꞌ. Jee ránoꞌó chi nku̱sɨ̱ɨ̱ꞌ iniꞌ rán nsa̱ꞌá ñuꞌunꞌ vá yakuꞌ tiempúꞌ.

Juan 3:23

Jee suni síkuánuté Juan rá ñɨvɨ nu̱u̱nꞌ ñuunꞌ Enón, ya̱ káá yatin ñuunꞌ Salim, chi íyó kue̱ꞌe̱ꞌ víꞌí nute yukuán, jee jiáꞌánꞌ rá ñɨvɨ yukuán jiánuté ráa.

Lucas 16:16

’Tu̱ꞌun ley njia̱ꞌa Ndiosíꞌ nu̱u̱nꞌ Moisés yanaꞌán jín suni rá tu̱ꞌun ya̱ nna̱kani rá te̱e ya̱ njiáꞌa re̱ꞌ maa nu̱u̱nꞌ ráa, jee nte̱ku̱tu̱ꞌún tu̱ꞌun ráa ne̱ sáá nkenta Juan te̱e ya̱ nsi̱kuánuté. Saájee ne̱ sáá nkenta Juan vá, jee nte̱ku̱tu̱ꞌún tu̱ꞌun váꞌa Ndiosíꞌ jie̱ꞌe̱ꞌ na̱ja nátatúníꞌ re̱ꞌ nu̱u̱nꞌ rá ñɨvɨ ki̱vɨ xi̱ntíín re̱ꞌ, jee ntáká ráa núnasɨ́ víꞌí ráa ki̱vɨ ráa xi̱ntíín re̱ꞌ.

Lucas 3:7

Jee kue̱ꞌe̱ꞌ víꞌí rá ñɨvɨ jiáꞌánꞌ ráa kénta ráa nu̱u̱nꞌ Juan sáva sikuánuté re̱ꞌ ráa, jee nkachiꞌ re̱ꞌ nu̱u̱nꞌ, ráa: ―Ránoꞌó kuéntáꞌ tataꞌ ko̱o̱ꞌ xe̱e̱nꞌ kúvi rán. ¿Né ɨɨn nxtúꞌva ya̱chi̱ꞌ nu̱u̱nꞌ rán ya̱ kene kunu rán ka̱ku rán nu̱u̱nꞌ tu̱nóꞌó xéénꞌ kiji ya̱ xinóꞌo Ndiosíꞌ ránoꞌó chi kítɨ́ꞌ iniꞌ re̱ꞌ néꞌyá re̱ꞌ kua̱chi rán rúja?

Mateo 4:25

Jee níkɨ́nꞌ kue̱ꞌe̱ꞌ víꞌí rá ñɨvɨ kútáꞌán ráa jín Jesús. Jee maáráa ví rá ñɨvɨ rá ñuunꞌ Galilea jín rá ñuunꞌ Decápolis jín ñuunꞌ Jerusalén jín rá inka ñuunꞌ Judea jín rá ñuunꞌ ya̱ káá íyo ka̱ꞌ ichi ntekáꞌnú Jordán.

Mateo 2:1

Jee sáá nkaku Jesús ñuunꞌ Belén, ya̱ yɨ́ꞌɨ́ xi̱ntíín ñuꞌun Judea. Jee tiempúꞌ yukuán kúvi Herodes te̱e tátúníꞌ re̱ꞌ rá ñuunꞌ vá. Jee nu̱u̱nꞌ ñuunꞌ Jerusalén nkenta sava rá te̱e tu̱ꞌva níchí xi̱ni̱ꞌ ya̱ váji ráa ne̱ ichi nu̱u̱nꞌ kénta nka̱niiꞌ.

Lucas 3:3

Jee ni̱kónúun Juan ntáká rá nu̱u̱nꞌ kúvi yunúte ntekáꞌnú Jordán, stékútu̱ꞌún re̱ꞌ nu̱u̱nꞌ rá ñɨvɨ ya̱ sikuánuté re̱ꞌ ráa ré nakani iniꞌ ráa jie̱ꞌe̱ꞌ kua̱chi ráa jee kunikɨnꞌ ráa Ndiosíꞌ sáva kunekáꞌnú iniꞌ Ndiosíꞌ jie̱ꞌe̱ꞌ kua̱chi ráa.