Mateo 26:75 - Mixteco del suroeste de Tlaxiaco Oaxaca

⁷⁵ Saájee nna̱ku̱ꞌun iniꞌ Pedro tu̱ꞌun ya̱ nkachiꞌ Jesús nu̱u̱nꞌ re̱ꞌ ya̱: “Ne̱ ntiáꞌan ka̱ꞌ kana stóꞌo, jee ya̱ uníꞌ íchí kachiꞌ nú ya̱ ntu̱ví jíníꞌ nú nuꞌuꞌ”, jee nkene re̱ꞌ chíkéꞌi, jee nnaꞌyuꞌ víꞌí re̱ꞌ ya̱ maa nnu̱kuíꞌyáꞌ iniꞌ re̱ꞌ.

Mateo 26:75 交叉引用

Mateo 26:34

Soo nkachiꞌ Jesús nu̱u̱nꞌ Pedro: ―Máá nááꞌ vá káchíꞌ ni̱ꞌ nu̱u̱nꞌ nú, ya̱ yakuááꞌ vitan, ne̱ ntiáꞌan ka̱ꞌ kana stóꞌo, jee u̱ni̱ꞌ íchí kachiꞌ nú ya̱ ntu jíníꞌ nú nuꞌuꞌ ―nkachiꞌ Jesús nu̱u̱nꞌ Pedro.

Juan 13:38

Jee nna̱xiníkó Jesús: ―¿Á nijia nú ya̱ íyó túꞌva nú kuviꞌ nú jie̱ꞌe̱ꞌ nuꞌuꞌ? Chi máá naáꞌ vá káchíꞌ ni̱ꞌ nu̱u̱nꞌ nú ya̱ ne̱ ntiáꞌan ka̱ꞌ kana stóꞌo jee u̱ni̱ꞌ íchí kachiꞌ nú ya̱ ntu jíníꞌ nú nuꞌuꞌ ―nkachiꞌ Jesús.

Gálatas 6:1

Ránoꞌó ñaniꞌ, ré ɨɨn táꞌán rán nkininkava nu̱u̱nꞌ kua̱chi, suvirán ya̱ sáꞌá sáni kuíni Ta̱chi̱ꞌ Ííꞌ Ndiosíꞌ, jee nachuꞌun tuku rán máá ichi váꞌa. Kaꞌanꞌ másúꞌ iniꞌ rán jín‑i. Jee nito koo rán maárán, sáva nsíkúvi iniꞌ rán nu̱u̱nꞌ kua̱chi vá.

1 Pedro 1:5

Chi jie̱ꞌe̱ꞌ ya̱ kúneí iniꞌ rán ya̱ sáꞌá Ndiosíꞌ jie̱ꞌe̱ꞌ rán, saáva kúmí re̱ꞌ ránoꞌó jín fuersáꞌ ííꞌ ni̱ꞌin re̱ꞌ sáva ni̱ꞌi̱nꞌ rán xinánitáꞌvíꞌ re̱ꞌ ránoꞌó ya̱ íyó stákoo‑o nsa̱ꞌá re̱ꞌ sáva stúvi nijinꞌ re̱ꞌ maa sáá kenta tióꞌ nu̱u̱nꞌ nɨ́ꞌɨ.

1 Corintios 4:7

Chi, ¿né ɨɨn sáꞌá sɨ́ɨ́n noꞌó nsú káꞌ inka ñɨvɨ rúja?, jee, ¿na̱ kuvi ya̱ kúmí nú ya̱ ntu nkútaꞌviꞌ nú maa nu̱u̱nꞌ Ndiosíꞌ rúja? Jee retú íyó nijia ya̱ nku̱taꞌviꞌ nú maa, jee, ¿na̱ kuvi chi kútéyɨ́ɨ́ nú jín maánú kuéntáꞌ retánꞌ nsáꞌ nku̱taꞌviꞌ nú kúvi‑i rúja?

Mateo 10:33

Soo néni ɨɨn ñɨvɨ ya̱ káchíꞌ nu̱u̱nꞌ rá inka ñɨvɨ ya̱ ntu kúvi ni̱ꞌ I̱toꞌoꞌ ráa, jee suni sukuán kachiꞌ ni̱ꞌ nu̱u̱nꞌ Tátáꞌ ni̱ꞌ ya̱ nééꞌ antivɨ́ súkún ya̱ ntu yɨ́ꞌɨ́ ñɨvɨ vá nu̱u̱nꞌ ni̱ꞌ.

Mateo 26:74

Saájee nka̱jiéꞌé Pedro ne̱ nchi̱sónínu re̱ꞌ maáréꞌ ya̱ xinóꞌo Ndiosíꞌ re̱ꞌ retú ntu káꞌánꞌ na̱a̱ꞌ re̱ꞌ, jee ne̱ nsa̱náaꞌ re̱ꞌ nu̱u̱nꞌ tu̱nkáꞌánꞌ re̱ꞌ: ―¡Ntu jíníꞌ ni̱ꞌ te̱e vá! ―nkachiꞌ re̱ꞌ, jee máá hora yukuán jee nkana ɨɨn stóꞌo.