Mateo 26:69 - Mixteco del suroeste de Tlaxiaco Oaxaca

⁶⁹ Jee ni nééꞌ Pedro chíkéꞌi iniꞌ veꞌi, jee ña̱kuyatin ɨɨn ñaꞌan kúvi musúꞌ sátíñú veꞌi yukuán, jee nkachiꞌ ña nu̱u̱nꞌ re̱ꞌ: ―Suni noꞌó ranika̱ꞌ kútáꞌán nú jín Jesús te̱e ñuunꞌ Galilea ―nkachiꞌ ña.

Mateo 26:69 交叉引用

Mateo 26:71

Jee kuíre nkene‑e kua̱ꞌa̱nꞌ‑a yuvéꞌí, jee yukuán niniꞌ inka ka̱ꞌ ñaꞌan maa, jee nkachiꞌ ña nu̱u̱nꞌ rá ñɨvɨ íñɨ́ yukuán: ―Te̱e yaꞌá suni kútáꞌán‑a jín Jesús te̱e ñuunꞌ Nazaret ―nkachiꞌ ña.

Hechos 5:37

Sáá nkuvi sukuán, Judas, ɨɨn te̱e Galilea, jee nna̱neꞌen re̱ꞌ maáréꞌ rá ki̱vɨ̱ꞌ nna̱keꞌen ráa ya̱ nakeꞌen ráa kua̱íyó súví rá ñɨvɨ nakɨ̱ꞌɨ nu̱u̱nꞌ tutuꞌ. Jee stúꞌva re̱ꞌ kue̱ꞌe̱ꞌ ñɨvɨ kunikɨnꞌ ráa re̱ꞌ. Jee suni ni̱ꞌi̱ꞌ te̱e vá, jee ntáká rá ñɨvɨ ya̱ nnikɨnꞌ ráa re̱ꞌ ñe̱te̱nuun ráa.

Juan 7:52

Jee nna̱xiníkó rá te̱e vá jee nkachiꞌ ráa: ―¿Á suni te̱e ñuunꞌ Galilea kúvi nú ya̱ káꞌánꞌ nú sukuán? Nanukú kávii va̱ꞌa nú nu̱u̱nꞌ Tutuꞌ níso Tu̱ꞌun Ndiosíꞌ jee kuniꞌ nú ya̱ Galilea ntu kene nu̱u̱nꞌ ñuunꞌ vá ɨɨn te̱e ya̱ nakani‑i tu̱ꞌun kene yuꞌú Ndiosíꞌ ―nkachiꞌ rá te̱e vá.

Juan 7:41

Jee sava ka̱ꞌ rá ñɨvɨ vá nkachiꞌ: ―Te̱e yaꞌá kúvi máá Cristo ―nkachiꞌ rá ñɨvɨ vá. Soo sava ráa ka̱ꞌ nkachiꞌ: ―Ntu̱ví chi nsú nu̱u̱nꞌ ñuunꞌ Galilea kiji Cristo.

Juan 1:46

Jee nkachiꞌ Natanael nu̱u̱nꞌ Felipe: ―¿Á kúvi kene ɨɨn ya̱ váꞌa ñuunꞌ Nazaret rúja? ―nkachiꞌ Natanael. Jee nkachiꞌ Felipe nu̱u̱nꞌ re̱ꞌ: ―Neꞌenꞌ jee kuniꞌ nú ―nkachiꞌ re̱ꞌ.

Mateo 26:58

Jee nnikɨnꞌ íká Pedro ya̱ta̱ꞌ ráa ne̱kua̱ꞌ nkenta re̱ꞌ chíkéꞌi nééꞌ iniꞌ veꞌi su̱tu̱ꞌ kúñáꞌnú vá, jee nki̱vɨ re̱ꞌ ña̱kuneeꞌ re̱ꞌ jín rá musúꞌ kúmí yukuán, sáva kukáꞌnú iniꞌ re̱ꞌ na̱sa kino̱o ráa jín Jesús.

Mateo 26:3

Saájee tiempúꞌ yukuán jee rá su̱tu̱ꞌ kúñáꞌnú, jín rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín rá te̱e kúñáꞌnú yósóꞌ nu̱u̱nꞌ rá ñɨvɨ ñuunꞌ Israel, nnu̱tútú ráa veꞌi káꞌnú su̱tu̱ꞌ kúñáꞌnú ka̱ꞌ ya̱ naní Caifás.

Mateo 21:11

Jee nkachiꞌ rá ñɨvɨ kuáꞌánꞌ jín Jesús: ―Yaꞌá kúvi Jesús ya̱ nákani re̱ꞌ tu̱ꞌun kéne yuꞌú máá maá Ndiosíꞌ. Kúvi re̱ꞌ te̱e ñuunꞌ Nazaret ya̱ tɨ́ɨn ñuꞌun Galilea ―nkachiꞌ ráa.

Mateo 26:70

Soo maáréꞌ nkachiꞌ ichinúúnꞌ ntáká rá ñɨvɨ, ntu̱ví, jee nkachiꞌ‑i: ―Ntu jíníꞌ ni̱ꞌ na̱ jie̱ꞌe̱ꞌ káꞌánꞌ nú ―nkachiꞌ‑i.